Isaya 59:13 - KITABU KITAKATIFU

¹³ mu lihyola nokwambakana Yahova, nokugirunkana kuvula kulonda Nyasaye wetu, nokuvola lidambidza nekirage, lisaavira nokutwulidza mu myoyo makuva gobubehi.

Isaya 59:13 ပူးပေါင်းရင်းမြစ်များ

Ayubu 31:28

Yaga kandi ga veye budamano bu kalagwa navakalagi; Kigira nkano mboleye Nyasaye u veye igulu ububehi.

Zaburi 18:21

Kigira ngumiye tsinzira tsya Yahova, Na si ntwuli ku Nyasaye wange ku ubudamano mba.

Zaburi 78:36

Navutswa va mu volera makuva madoto geminwa gyavo, Na va veha kuye nolulimi lwavo.

Tsing'ano 30:9

Gase ndiguta, nokwambakana ive, nokuvola, Yahova ni bwaha? Kinga nda va mudaka ligali, gase nda va mwivi, Nokutumekira vutswa lieta lya Nyasaye wange.

Isaya 10:1

Ubudamano bu ve ku yavo ava laganga amalago makyamu, na kuvo avang'odi ava ng'odanga makuva makyamu;

Isaya 30:12

Kunangwa kigira yaga Uyu Mutakatifu wa Israeli a vola, Kigira mu lega likuva yili, nokusuuvira lidambidza nobukyamu, nokwidira ku yivi;

Isaya 31:6

Mu girunkane mu yeke ku uyu wa mu tinguhi ligali, O avana va Israeli.

Isaya 32:6

Kigira musiru a la vola agobusiru, nomwoyo gwigwe gu la kola vidamano, nokutumekira kirage, nokuvola bukyamu ku Yahova, kukola mwoyo gwa uyu u veye nenzala kuva vutswa, nokukola kyokunwa kya uyu u veye nobuluhu kukama.

Isaya 48:8

Yee, si wa hulira; yee, si wa manya; yee, ugutu gugwo si gwigulika kutwula kale: kigira inze nda manya u veye wokukola ubugadi bunene, na walangwa muhyoli kutwula mu livulwa lilyo.

Isaya 5:7

Kigira kizabibu kya Yahova wa mahe ki veye inyumba ya Israeli, navasatsa va Yuda va veye muzabibu mulahi; naye ya henzerera likalaga lilungi, navutswa ya lola lidambidzwa; na ya henzerera ubulungi, navutswa ya hulira lilira.

Isaya 57:11

Kandi u tiye ibwaha nokuva mu butii, na u luhe u veha, na u vula kwidzulitsa inze, kandi si wa vika mwoyo mu likuva yili? Inze si nkiring'ani tsinyinga tsinyingi, na ive wa vula kuntia?

Isaya 58:13

Nu u girunkannya kirenge kikyo kuleka lisabato, kuleka likola lya yaga ga yanzidzanga ive ku lidiku lyange litakatifu; nokulanga lisabato lilahi, nelitakatitu lya Yahova, lyokwidzominywa; na ive u la lidzominya, nokuvula kukola tsinzira tsitsyo mwene, kinga kwenya aga yanzidzanga ive mwene, kinga kuvola makuva gogo mwene:

Isaya 58:2

Navutswa venyanga inze madiku gosi, na va yanzanga kumanya tsinzira tsyange: kuli ihiri i kolanga bulungi, na i vula kuleka amalago ga Nyasaye wavo, va teva ku inze makalago gobulungi; va yanza kwisunda himbi ku Nyasaye.

Isaya 58:9

Kunangwa u lanira, na Yahova a la bugirira; u la kupa lwanga, naye a la vola, Mbeye hano. Nu u va nu u twulidza hagati hoho inira, neligeragera kidete, nelivola lyobudamano;

Jeremia 12:8

Miyandu gyange gyi gwiye ku inze kuli king'ang'a mmulitu: a ginganga mwoyo gwigwe ku inze; kigira yaga mmu dunyiye.

Jeremia 17:13

O Yahova, ive kisuuviri kya Israeli, vosi ava lekanga ive va la va isoni. Yavo ava twula ku inze va la ng'odwa mu lirova, kigira va leka Yahova, u veye kisenukiru kyamadzi gelivamwoyo.

Jeremia 2:13

Ki gira avandu vange yava va koli ubudamano buviri: va leki inze u veye kisenukiru kyamadzi gelivamwoyo, navo vekongeye madavalia, madava lia aga dika, aga ta nyala kugumira amadzi.

Jeremia 2:16

Avana va Nofu na Tahapanahesu vatannyi lwote lulwo.

Jeremia 2:17

Si welombera inkuva yiyi ive mwene, kigira u leki Yahova Nyasaye wowo, lwa ya li na a kwimiranga?

Jeremia 3:10

Kandi kali ku yaga gosi, amwavo wewe Yuda wobugadi si yirani ku inze nomwoyo gwigwe gwosi, navutswa nobubehi, Yahova a vola.

Jeremia 3:20

Ligali kuli mukali a leka musatsa wewe nobugadi, ni ndiyo mwinye mu nkoleye nobugadi, O inyumba ya Israeli, Yahova a vola.

Jeremia 32:40

na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

Jeremia 42:20

Kigira mu koli ubugadi ku mwinye avene; kigira mwa tuma inze ntsie ku Yahova, Nyasave wenyu, ni mu vola, U ku saavire ku Yahova Nyasaye wetu; na u ku vuulire kuli gosi ga Yahova Nyasaye wetu a vola, na kwinye ku la kola ga zana.

Jeremia 5:23

Navutswa yavo va veve nemyoyo gyokugirunkana nokwebaala; va girunkani va tsii.

Ezekieli 18:25

Navutswa mwinye mu vola, Inzira ya Yahova si i veye inungi mba. Hulira kalunu, O inyumba ya Israeli: Inzira yange si i veye inungi? Tsinzira tsyenyu si tsi veye tsinkyamu?

Ezekieli 6:9

Na va li hona ku avandu venyu va lidzulitsa inze hagati hetsihiri ha va li hilwa avahambe, kuli nda vunannya vidonye ku myoyo gyavo gyamalaya, gyahulwa ku inze, noku tsimoni tsya vo, tsya londa vifwananyi mmalaya: navo va ledunyira avene mu tsimoni tsyavo, kigira ubudamano bwa va kola mu kivihiri kyavo kyosi.

Hosea 1:2

Lwa Yahova ya tanga kuvola nomunwa gwa Hosea, Yahova ya volera Hosea, Tsia, u kwe mukali muheyi navana vobuheyi; kigira kivala ki kolanga ubuheyi ubunene, ku lileka Yahova.

Hosea 11:12

Efiraim u nkumbiridza namakuva gobubehi, nenyumba ya Israeli i nkumbiridza nobugadi, navutswa Yuda kuduka kalunu yamehanga halala na Nyasaye, naye a veye musuuvirifu ku uyu Mutakatifu.

Hosea 6:7

Navutswa yavo va mali kwononnya lilagana kuli Adamu: va koli ubugeeri bwobugadi ku inze.

Hosea 7:1

Lwa nyanza kuhonnya Israeli, hene yaho ubudamano bwa Efiraim bu lang'aminyeywi, na ububi bwa Samaria; kigira va kola ububehi, nomwivi yingiranga mugati, nekiduma kyavanuli vononnyanga kyova.

Hosea 7:13

O bayaye ku yavo kigira va leka inze ni va tsia kugendagenda; ubudivi bu ve kuvo kigira va hyola ku inze: kali inze ni nda yanza kuvahonnya, navutswa va vola bubehi ku inze.

Amosi 6:12

Tsiparasi tsi la nyagula ku lwanda? Mundu a la lima yo netsing'ombe? Mu duke kugirunkannya likalaga li ve indulwi, namakuyu gobulungi kuva vilulu,

Matayo 10:33

Ku vosi uyu u li nyambakana imbiri wavandu, ndi mwambakanira imblri wa Dada wange u veye migulu.

Tito 1:16

Veyamanga va manya Nyasaye; navutswa ku miyinzi gyavo va mweyambakana, avokuvihiriridza, nava ta hulira kandi ava ta dukana ku miyinzi gyosi milahi.

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.

Yakobo 1:15

Kandi likayirwa zana lwa li mala kuvereka livulanga ubwoni: nobwoni lwa bu mala kukula bu letanga likudza.

Yakobo 3:6

Kandi ululimi lu veye muliru: Iirova lyobudamano ku vivero vyetu li veye lulimi, nilwo lu vikanga kivihiri ku mubiri gwosi, nokwaakidza ligenda lyosi lyelilombwa, nalwo lwaakidzangwa negehena.

Joshua 24:27

Na Joshua ya volera avandu vosi, Henzi, ligina yili li la va lilolekidza ku kwinye; kigira li huliye amakuva yaga gosi ga Yahova ya ku volera: kunangwa li la va liloekidza ku kwinye, gase mu lambakana Nyasaye wenyu.