Isaya 58:7 - KITABU KITAKATIFU

⁷ Si ga veye kugavulira vyokulia vivyo ku yavo ava veye nenzala, nokuleta mu inyumba yoyo avadaka ava kungwa kyova? Lwa u lola mundu u veye kyahonyo, u mu vike ingubo; kandi u tevisa ive mwene ku yava ava veye avovo?

Isaya 58:7 ပူးပေါင်းရင်းမြစ်များ

Litanga 19:14

Kunangwa Loti ya twula na a volera navizala veve, ava kwa avakana veve, na a vola, Mu vuke, mu twule hano; kigira Yahova a la dividza lidala yili. Navutswa ku navizala veve ya li kuli mundu u kolanga kihenyahenye.

Litanga 19:2

na ya vola, Henza avami vange, mwevete, mmu goonya mwingire mu inyumba yomutugwa wenyu, nokugona, na mu saavidze virenge vyenyu, na mu la vuka mugamba tsuri, mu tsie. Navo va vola, Auwa, navutswa ku la va ku inzira ubudiku bei.

2 Kyetsinyinga 28:15

Na avandu yava va talwa ameta gavo va singira, na va vugula avahambe, nevilanye, na va va vika tsingubo ava li kyahonyo vosi, ni va va huma tsingubo nokuvavika vilatu, ni va va ha vyokulia namadzi, na vava vaka maguta, ni va va nyinnya ku tsisukiri vosi ava ta li netsingulu, na va va leta Yeriko, lidala lya ma kindu, ku vamwavo vavo: ma virana Samaria.

Nehemia 5:5

Navutswa kalunu mubiri gwetu gu veye kuli mubiri gwavamwavo vetu, navana vetu kuli avana vavo: na, henza, ku viki avana vetu avayai navakana mbutugwa va gwe avatugwa, nava lala ku avakana vetu va mala kuvikwa mbutugwa kutwula inyinga yeyo: kandi si ku veye nekya ku nyala ga ve lugano lundi; kigira avandi vandu va veye nemilimi gyetu, nemi limi gyetu gyamazabibu.

Ayubu 22:7

Si u heye uyu u luhi amadzi gokunwa mba Kandi wimi wenzala vyokulia.

Zaburi 112:9

A sugeridzi, na a haani ku avadaka; Ubulungi bwibwe bu hindiranga mihiga nemihiga: Ulwiga lwilwe lu la nenehidzwa nobukumi.

Tsing'ano 11:17

Wetsimbabasi yekolera mwene ubulahi; Navutswa uyu wekirage yehilanga mu kivi mwene.

Tsing'ano 22:9

Uyu u veye nemoni yobuhaani a la gasidzwa; Kigira a haaniranga avadaka ubukima bwibwe

Tsing'ano 24:11

U honnye yavo ava hilangwa mu likudza, Na yavo avenyanga kwiitwa, u va gayire.

Tsing'ano 25:21

Musigu wowo na a veye nenzala, u mu he ubukima a lie Kandi na a veye nobuluhu, u mu he amadzi a nwe:

Tsing'ano 28:27

Uyu u haananga ku avadaka si a la gehera kindu; Navutswa u visanga tsimoni tsitsye a la va nevilaamo vinyingi.

Isaya 58:10

kandi nu u va ni wehaana ive mwene kuvererera wenzala, nokwigutidza mwoyo gudambidzangwa: hene yaho ubulavu bubwo bu la vuka mkisundi, nekisundi kikyo kinene ki la va ku]i mbasu hagati;

Jeremia 22:3

Yahova a vola ndi: Mu lombe likalaga nobulungi, mu honnye wa fuulwa a twule ku mukono gwomudambidzi: mu ta kola ubukyamu, mu ta kole kirage, ku mugeni, kinga ku mbisandu, kinga ku mukunzakali kandi mu ta tahidza hano amasahi ga ta veye nekindu kugo.

Ezekieli 18:16

kandi na a vula kudambidza mundu kali mulala, kandi na a vula kuvugula kindu kuva kihambiriru, kandi na a vula kunuula mundu nekirage navutswa ya ha avenzala vyokulia nokuvika avekyahonyo ingubo;

Ezekieli 18:7

kandi ya vula kudambidza mundu kali mulala, navutswa yiranyira weligovi lilye kihambiriru kikye kandi ya vula kunuula umundu kali mulala nekirage, ya ha avenzala vyokulia vivye, nokuvika ava li kyahonyo tsingubo;

Danyeli 4:27

Kunangwa, kigira yaga, O mwami, amakuva gange ga bugirike ku ive, u leke ubwoni bubwo mu likola bulungi, na ubudamano bubwo mu livera avadaka tsimbabasi; mbula ubuIahi bubwo bu la medeka.

Luka 11:41

Navutswa mu twulidze isadaka ku vyomugati; kandi henza, vindu vyosi vi veye vilahi ku mwinye.

Luka 19:8

Zakayo ya singira na a volera Mwami, Henza, Mwami, mbedza avadaka inusu vye vindu vyange ni mba ni nyaga mundu kali mulala, kindu, mmwi ranyira hali kane.

Luka 3:11

Naye ya tivula, na a va volera, U veye netsikanzu tsiviri a he u ta li nayo; kandi u veye nevyokulia a kole ndiyo.

Vikolwa 16:15

Kandi lwa ya batidzwa, halala navenyumba yeye, ya ku saala na a vola, Ni mu lola inze mbeye musuuviri ku Mwami, mwingiri mu inyumba yange mu menye. Kandi ya ku niga.

Vikolwa 16:34

Kandi ya vanegiridza kuduka mu inyumba yeye, na a vihula vyokulia, na a yanza munonono halala navenyumba yeye, kigira u mali kusuuvira Nyasaye.

Varumi 12:13

mu konye ivatakatifu mu budaka; mu ve avihula avageni.

Kwidzulitsa 22:1

Lwa u lola ing'ombe yamwavo wowo kinga ligondi lilye ni vi gotanga, u tevisa kuli wa vula kuvilola: ligali u la vi galukidza ku amwavo wowo.

1 Timoteo 5:10

wa lolekidzwa kuva nemiyinzi milahi; na a va ni ya leranga avana, na a va ni yingiridzanga avageni, na a va ni ya savidzanga virenge vyavatakatifu, na a va ni ya konyanga ava kupa kiva, na a va ni ya londanga miyinzi gyosi milahi nobugulu.

Filemona 1:7

Kigira nda li nobusangali nekilema mwoyo mu buyanzi bubwo, kigira myoyo gyavatakatifu gya lemeridzwa kigira ive, amitu.

Vakalagi 9:2

Mu vole, mwadza, mmatu gavasatsa vosi va Shekem, mu teve Amalahi ku na galiha ku mwinye, ni i va avana va Jerubaal vosi, ava veye makumi gatano na gaviri, vamehe ku mwinye, naho mulala yamehe ku mwinye? Kandi mwidzulire inze mbeye kigumba kyenyu nenyama yenyu.