Isaya 58:5 - KITABU KITAKATIFU

⁵ Lihonga lilia kuli yili li veye kuli nda tovola? Iidiku lyomundu a dambidze mwoyo gwigwe? Yili nelinaminya mutwe gwigwe kuli lihunzu, nokuvika magunia neligoke isi wewe? U la langa yaga ga veye lihonga lilia, na lidiku lya Yahova a bugirira?

Isaya 58:5 ပူးပေါင်းရင်းမြစ်များ

2 Avami 6:30

Na ga duka, lwa mwami ya hulira makuva gomukali uyu, ya tandula tsingubo tsitsye (ya li na a vitanga ku lidigi lyolugaga igulu); avandu va mu lola, na henza, ya li netsingubo tsyamagunia ku mubiri gwigwe.

2 Kyetsinyinga 20:3

Jehoshafatu ya tia, ni yevika mu lyenya ku Yahova; ya landidza lilaga lyelihonga lilia mu Yuda mwosi.

Ezara 10:6

Hene yaho Ezara ya vuka na a twula imbiri wenyumba ya Nyasaye, na yingira mu inyumba ya Jehohanan mwana wa Eliashibu: na lwa ya duka ho, si ya lia vyokulia, kandi si ya nwa madzi mba; kigira ya li na a liliranga lihyola lyavandu velyadiki dzwa.

Ezara 8:21

Hene yaho nda laga lihonga lilia, ha mugera gwa Ahava, ku duke kwegehidza imbiri wa Nyasaye wetu, kwesavire kuye inzira inungi ya kwinye avene, kandi yavana vetu, nemitugu gyetu gyosi.

Esther 4:16

Tsia, u vungidze Avayuda vosi ava veye ha Shushan, mu honge lilia kigira inze, mu vule kulia kinga kunwa kuduka madiku gavaka, ubudiku kinga mbasu: na inze navatugwa vange ku la honga lilia ndiyo; na ndiyo ndingira ku mwami, i veye inkuva i ta li kuli malago: ni mba ni ndiva, ndive.

Esther 4:3

Kandi mu tsiprovinse tsyosi, hosi helilaga lyomwami na munwa gwigwe gwa duka, ha li na lisyoma linene hagati ha Vayuda, na lihonga lilia, nelilira, nelikupa tsikwili, na vanyingi va gona mu magunia nomu ligoke.

Ayubu 2:8

Na ya vugula kijonjo a duke kweyagira; ni yikala mu ligoke.

Zaburi 69:13

Navutswa ku inze, lisaala lyange li veye ku ive O Yahova, inyinga yokubugirirwa: O Nyasaye, mu bunene bwetsi mbabasi tsitsyo, U ntivulire mu ageligali gobuhonnyi bubwo.

Isaya 49:8

Yahova a vola ndi, Inze mmali kukutivulira inyinga yobugirirwa, nomu lidiku lyobuhonnyi nku honnyikandi nda ku linda, nda twulidza ive u ve lilagana lyavandu, u duke kudinyeridza kivala yiki, nokuvaha miyandu gya lekwa vutswa;

Isaya 58:3

Va vola, Kigira ki kwinye kuhonga lilia, na ive si u lola? Kigira ki kwedambidza avene, na ive si u lola? Henzi, mwinye, mu lidiku lyenyu lyokuhonga lilia mweyanzidza mwinye avene, nokuniga miyinzi gyenyu gyosi.

Isaya 61:2

kulandidza muhiga gwa Yahova gwa bugirirwa, nelidiku lyo kuvanze kisalya kya Nyasaye wetu; kuleminya myoyo gya vosi ava syo manga;

Kyavalevi 16:29

Na li la va lilaga lyemihiga nemihiga ku mwinye: ku mweli gwa gyitano na gyiviri, ku lidiku lyelikumi lyomweli, mu la vika myoyo gyenyu ku budinyu, na mu vule kuloka miyinzi, uyu woluhya kinga, mgeni u menya hagati henyu:

Kyavalevi 16:31

Li veye lisabato lyobweremeridzi ku mwinye, na mu la vika myoyo gvenyu ku budinyu; Ii veve iilaga lyemihiga nemihiga.

Zekaria 7:5

U volere avandu vosi vekivala, na avasalisi, u va volere, Lwa mu honga lilia nokusyoma ku mweli gwa katano noku mweli gwa katano na kaviri, mu mihiga yigyi makumi gatano na gaviri mwa honga lilia ku inze, ku inze ligali?

Matayo 6:16

Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

Luka 4:19

Nokwilwadza muhiga mulahi gwo Mwami.

Varumi 12:2

Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

1 Petro 2:5

kandi mwinye, kuli amagina ga veye mwoyo, mwombakeywi kuva inyumba ya roho, kuva ubusalisi butakatifu, mu haane visyuviriru vya roho, vi bugirirangwa ku Nyasaye kigira Yesu Kristo.