Isaya 58:3 - KITABU KITAKATIFU

³ Va vola, Kigira ki kwinye kuhonga lilia, na ive si u lola? Kigira ki kwedambidza avene, na ive si u lola? Henzi, mwinye, mu lidiku lyenyu lyokuhonga lilia mweyanzidza mwinye avene, nokuniga miyinzi gyenyu gyosi.

Isaya 58:3 ပူးပေါင်းရင်းမြစ်များ

Ezara 8:21

Hene yaho nda laga lihonga lilia, ha mugera gwa Ahava, ku duke kwegehidza imbiri wa Nyasaye wetu, kwesavire kuye inzira inungi ya kwinye avene, kandi yavana vetu, nemitugu gyetu gyosi.

Nehemia 5:7

Hene yaho nda lomba makuva inze mwene, nda hangalidzana navanene na vamehi, na nda va volera, Mwinye mu tungidzanga vyambeti, mundu sa mulala ku wakye. Na nda vu gannya livugana linene ku avandu yavo.

Ayubu 34:9

Kigira a volanga, Si ga konyanga mundu, Kweyanzidza na Nyasaye.

Zaburi 69:10

Lwa nda lira nokuregidza mwoyo gwange nelihonga lilia, Yaga ga leta linyegwa.

Tsing'ano 28:9

Uyu u girunkannya ugutu gwigwe a vula kuhulira lilaga, Kali lisala lilye li veye livihiriridza.

Isaya 22:12

Mu lidiku yilyo Yahova, Yahova wa mahe, ya langa li ve ho lilira, nelisyoma, nokuvegwa mitwe, nokwivika tsingubo tsyamagunia:

Isaya 22:13

na vutswa henza, ubuyanzi nobusangali, nokwiita tsing'ombe nokwiita magondi, nokulia inyama nokunwa iwaini: Gendi ku lie nokunwa, kigira mugamba ku kudzanga.

Isaya 47:6

Nda vihirirwa avandu vange, nda vika ubudamano ku miyandu gyange, nda va vika mmu kono gugwo; ive wa vula kuvavererera; na wa vika inira yoyo ku vasakulu nobuliduhu ligali.

Kyavalevi 16:29

Na li la va lilaga lyemihiga nemihiga ku mwinye: ku mweli gwa gyitano na gyiviri, ku lidiku lyelikumi lyomweli, mu la vika myoyo gyenyu ku budinyu, na mu vule kuloka miyinzi, uyu woluhya kinga, mgeni u menya hagati henyu:

Kyavalevi 16:31

Li veye lisabato lyobweremeridzi ku mwinye, na mu la vika myoyo gvenyu ku budinyu; Ii veve iilaga lyemihiga nemihiga.

Kyavalevi 23:27

Navutswa ku lidiku lyelikumi lyomweli yigu gwegyitano na gyiviri, li veye lidiku lyokulomba kyokukunika ubwoni: li la va livugana litakatifu ku mwinye, na mu levika mu kivi; na mu la letera Yahova kihaanwa kyokulombwa nomuliru.

Malaki 3:14

Mwinye mu vola, Litumekira Nyasaye si li veye nevya mbeti; kandi lilinda lya kwinye ku linda bulindi bwibwe li konya ki, na ligenda lyokugenda neliverera imbiri wa Yahova wa mahe, li konya ki?

Livalidza 23:4

Na Nyasaye ya vugana na Balaam: naye ya mu volera, Nombi ubwali butano na buviri, na mbaani kihaanwa kyegiriki na kyeligondi likole ku bwali sa bulala.

Luka 15:29

Navutswa ya tivula, na a volera ise, Henza, imihiga yigyi minyingi inze nku tumekira, nkikiri kwona munwa gugwo; na ive si u mbedza kali kimene, nduke kusangala navalina vange: