Isaya 57:5 - KITABU KITAKATIFU

⁵ mwinye ava hambidzanga muliru gwelikayirwa hagati hevifwananyi, isi wemisala gyosi mivisi; mwinye aviitanga avana mu mavona, isi wetsiimbwa tsyetsinyanda?

Isaya 57:5 ပူးပေါင်းရင်းမြစ်များ

1 Avami 14:23

Kigira veyombakira hadiguluku, neminara, nemisala gyemisambwa, ku vigulu vitambi vyosi ne isi we misala gyosi gyamatu mavisi;

2 Avami 17:10

na vesingeridzira minara nemisala gyemisambwa ku kigulu sa kilala kitambi, na isi wemisala sa mulala gwamatu mavisi;

2 Avami 17:7

Ga li ndiyo, kigira avana va Israeli va kola ubwoni ku Yahova Nyasaye wavo, wa va twulidza mu kivala kya Egepeti, kutwula isi womukono gwa Farao mwami wa Egepeti, na va tia vanyasaye vandi

2 Avami 23:10

Naye yononya Tofeti, ha veye mwivona lya avana va Hinom, mundu a ta vitidza mwana wewe muyai, kinga mwana wewe mukana ku muliru ku Moleku.

2 Kyetsinyinga 28:3

Ka ndi ya vuyidza vimuli mwivona lyavana va Hinom, na ya samba ava na veve mu muliru, kuli livihiridza lyetsihiri tsya Yahova ya ta kyova imbiri wavana va Israeli.

Kutwula 32:6

Navo va vuka mabwebwe na va baana tsisadaka tsyokusambwa, nokuleta tsisadaka tsyemirembe; na avandu vikala kulia nokunwa, na va singira kukina.

Isaya 1:29

Kigira va la va netsisoni kigira misala gya mwa suuviranga, na mu la leganywa kigira milimi gya mwa tovola.

Jeremia 17:2

inyingaavana vavo vidzulitsa ubwali bwavo nemisambwa gyavo himbi nemisala mivisi mu vigulu vitambi.

Jeremia 2:20

Kigira inze mu madiku ga kale nda vunannya inira yoyo, nokukalanya vibohero vivyo; na ive wa vola, Si nda tumika mba; kigira winama, nokulonda ubuheyi ku kigulu sa kilala kitambi, na isi womusala sa mulala gwa matu mavisi.

Jeremia 3:13

Wiyame ubudamano bubwo, bwa webaalira ku Yahova Nyasaye wowo, nokusalannya tsinzira tsitsyo tsi ve tsyavageni isi womusala sa mulala gwa matu mavisi, na si mwa hulira mwoyo gwange mba, Yahova a vola.

Jeremia 3:6

Yahova ya mbolera kandi mmadiku gwa Josia mwami, ni ya nteva U loli yaga aga Israeli avirani inyima va koli? Vanegira ku vigulu sa kilala kitambi, kandi vevika isi wemisala sa mulala gwa matu amavisi, na va londa vindu vya malaya ha zana.

Jeremia 32:35

Na vombaka hadiguluku ha Baal, ha veye mwivona lyornn ana wa Hinom, va duke kuvitidza avana vavo vayai navakana ku muliru va ve ku Moleku; inkuva ya nda vula kuvalaga, kandi si yingira mu mwoyo gwange, va duke kukola livihiriridza yili, nokukyaminya Yuda va kole bwoni.

Jeremia 50:38

Kimeyu ki duki ku amadzi gege, nago ga la kama; kigira ki veye kivala kyevifwananyi vya vadzwa, navo va laluki kigira lisigamira vifwananyi.

Jeremia 51:7

Babuloni ii veye kikombe kyetha habu mu mukono gwa Yahova, kya hambikidza lirova lyosi: tsihiri yitsyo tsi nweye amalwa galyo; kigira yago tsihiri yitsyo tsi laluki.

Jeremia 7:31

Na vombaka hadiguluku ha Tofethu, ha veye mwivona lyomwana wa Hinom kusamba avana vavo vayai navakana mu muliru; inkuva ya nda vula kulaga, kandi si yingira mu mwoyo gwange.

Ezekieli 16:20

Kandi kuvita yaga u vuguye avayai vovo navakana vovo, ava wa nzivulira, na u viiti va ve kihaanwa ku yavo va duke ku libwa. Vindu vivyo vya malaya vya li inkuva inkekeke,

Ezekieli 20:26

nda va vika mu bubi mu vindu vya va haana avene, kigira va vitidza hagati homuliru vosi avigula inda, nduke kuvakola hatswa, va duke kumanya inze mbeye Yahova.

Ezekieli 20:28

Kigira lwa nda mala kuvavika mu kivala yiki, kya nda visuhira nda va ha, hene yaho lwa va lola vigulu vyosi vitambi, nemisala gyosi migumalu, va haana yo vihaanwa vyavo, nokuhaana yo livihiridza lyevihaanwa vyavo; kandi ha zana va kola lifunya muhomo gwavo gu yanzidzanga, nokutsuka vihaanwa vyavo vyevyokunwa.

Ezekieli 20:31

Lwa mu haana vindu vyenyu vya mu haananga, lwa mu vitidzanga avana venyu avayai hagati homuliru, mwivikanga ku bubi ku vifwananyi vyenyu vyosi kuduka lero? Na mu la teva inze likuva, Mwinye avenyumba ya Israeli? Kuli mbeye mwoyo, Mwami Nyasaye a vola, mwinye si mu la teva inze likuva mba;

Ezekieli 6:13

Na mu la manya inze mbeye Yahova, lwa avandu vavo aviitwa va duka kuva hagati he vifwananyi vyavo ku tsintulu tsyobwali bwavo, ku tugulu twosi, noku tsintongi tsyevigulu, na isi wemisala gyosi mivisi, na isi wemisala gyosi gyo muduguyu, ha va li ni va vuyidziranga vimuli vilahi ku vifwananyi vyavo vyosi.

Kyavalevi 18:21

Kandi u ta haana kali mulala ku lwivulo lulwo kuvakola kuvita muliru kigira Moleku; kandi u ta lega lieta lya Nyasaye wowo: inze mbeye Yahova.

Livalidza 25:6

Na, henza, mulala ku avana va Israeli yadza na a letera avamwavo veve mukali Mumidiani imbiri wetsimoni tsya Musa, na imbiri wetsimoni tsyelivugana lya avana va Israeli, lwa va li ni va liriranga ha kiliango kyelihema lyokuvuganira mu.

Kwidzulitsa 12:2

Mwononye ligali hosi ha vetsihiri va tumekiranga avanyasaye vavo, tsihiri tsya mu va ni mu gumira, ku vigulu vitambi, noku tugulu, na isi wemisala gyosi mivisi:

Likunula 18:3

Kigira tsihiri tsyosi tsi gwiye kigira iwaini yobuheyi bwalyo; kandi avami velirova va heye nalyo, kandi avelirova ava kolanga likirannya va kolwa avatugi ku tsingulu tsyelivula kwiigalira lyalyo.