Isaya 57:2 - KITABU KITAKATIFU

² Uyu wingiranga mmirembe; va sosa mu vitali vyavo, yavo sa mulala u gendanga mbulungi bwibwe.

Isaya 57:2 ပူးပေါင်းရင်းမြစ်များ

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

2 Kyetsinyinga 16:14

Na va mu ta mu vilindwa vivye, vya yeyavira mu lidala lya Daudi, va mwalira ku kitali kizulitswa vya funyanga mwayu nevyokutsukanywa lugano lugano vya lombwa nobusidza bwavavira: na va mu vuyidzira vimuli vinene ligali.

Ayubu 3:17

Ha zana vadamano va leka lidambidza. Ha zana kandi avaluha va sosanga.

Zaburi 37:37

U henze ligali mundu mudukiru, u lole mulungi; Kigira kiheri kyomundu uyu ki veye mirembe.

Kohelethu 12:7

nolugukyi kwirana ku lirova kuli lwa li, nomwoyo kwirana ku Nyasaye wa tanga kuguhaana.

Isaya 14:18

Avami vosi avetsi hiri, vosi ligali, va gona mu bukumi, sa mulala mu inyumba yeye mwene.

Isaya 26:7

Inzira yomulungi i veye bulungi: ive u veye mulungi u lungekidzanga inzira yomulungi.

Jeremia 6:16

Yahova a vola yaga, Mu singire mu tsinzira mu lole, mu teveridze tsinzira tsya kale, inzira indahi i veye haliha; mu gende kuyo, na mu la nyola ubusosi ku myoyo gyenyu: navutswa va vola, Si ku la genda kutsyo mba.

Ezekieli 32:25

Va mu vikira kitali hagati ha yavo aviitwa halala nobunyingi bwavandu veve; vilindwa vivye vya mu kumbiridza tsimbega tsyosi; vosi va li avasindi, viitwa nekivavi; kigira litihidza lyavo lya kolwa mu kivala kya yavo ava veye mwoyo, na va ginga tsisoni tsyavo halala na yavo avikanga mbogo: uyu ya vikwa hagati ha yavo a viitwa.

Danyeli 12:13

Navutswa ive u tsie kuduka ku inyinga yekiheri ki li va ho; kigira ive u la sosa nokusingira mu bugono bubwo, ku kiheri kyamadiku yago.

Matayo 25:21

Mwami wewe ya mu volera, U koli bulahi, mutugwa mulahi nomsuu viridzi: wa linda bulahi vindu vikekeke, nda ku vika ku vindu vinyingi; wingire mu buyanzi bwomwami wowo.

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Luka 16:22

Mudaka ya kudza, ne tsingelosi va mu ginga ni va mu hila mu kiritu kya Abrahamu. Kandi mutugi ya kudza na a tebwa.

Luka 2:29

Kalunu, Mwami, u he mutugwa wowo munwa a tsie, kuli likuva lilyo, nemirembe

Luka 7:50

Ya volera mukali, Lisuuvira lilyo li ku honnyi; u tsie nemirembe.

2 Vakorintho 5:1

Kigira ku manya inyumba yetu ya hasi hano kali ni yononywa, ku veye nelyombakwa li twulanga ku Nyasaye, inyumba i ta lombwa namakono, yemihiga nemihiga, migulu.

2 Vakorintho 5:8

mbola ku veye nekilema mwoyo, kandi ku yanza ligali ku vuli kuva mu mubiri, ku ve hango halala no Mwami.

Vafilipi 1:23

Mbeye hagati ha gaviri, nkayirwa kutsia nduke kuva halala na Kristo; kigira yili ni lilahi kuvita:

Likunula 14:13

Kandi nda hulira mwoyo gwa twula migulu, gu vola, U ng'ode, Va veye nobugasu avakudzu ava kudziranga mu Mwami kutwula kalunu: yee, Roho a volanga, va duke kusosa kutwula mu miyinzi gyavo; kigira miyinzi gyavo gyi londekana navo.