Isaya 57:19 - KITABU KITAKATIFU

¹⁹ Inze mbeye mulombi wa makuyu geminwa: Mirembe, mirembe, ku uyu u veye ihale noku uyu u veye ahimbi, Yahova a vola; nda mu honnya.

Isaya 57:19 ပူးပေါင်းရင်းမြစ်များ

Isaya 26:12

Yahova, ive u la laga mirembe ku kwinye; kigira ni ive wa ku kolera miyinzi gyetu gyosi.

Isaya 26:3

Ive u la mu linda a ve mu mirembe midukiru, wetsiganagani tsitsye tsya dinyeridzwa ku ive; kigira a suuviranga ku ive.

Isaya 32:17

Na miyinzi gyobulungi Yi la va mirembe; nelikola lyobulungi li la va bwehodzeridzi nelisuuvira mihiga nemihiga.

Isaya 50:4

Yahova Nyasaye u mali kumba ululimi lwa yavo avegidzwa, nduke kumanya kuli nyala kukonya namakuva gange uyu u luhi: a vukidzanga mugamba nomugamba, a vukidzanga ugutu gwange kuhulira kuli yavo avegidzwa.

Isaya 51:16

Na mbiki makuva gange mu munwa gugwo, na nku kingi nekiriri kyomukono gwange, nduke kusi mika ligulu, nokutema muse gweli rova yili, nokuvolera Zioni, Ive u veye avandu vange.

Isaya 59:21

Mu makuva gange, lilagana lyange halala navo ni yili, Yahova a vola: Roho wange u veye ku ive, na makuva gange ga mbiki mu munwa gugwo, si ga la twula mu munwa gugwo mba, kinga mu munwa gwekisukululwi kikyo, kinga mu munwa gwevisoni vivyo, Yahova a vola, kutwula kalunu kuduka mihiga nemihiga.

Isaya 6:7

na ya dira munwa gwange nelianda zana, na ya mbolera, Henza, yili li ku diye minwa gyigyo; ubudamano bubwo bu twu lidzeywi, nobwoni bubwo bu same heywi.

Jeremia 30:17

Kigira inze ndirannya ku ive ubulamu bubwo, nda ku honnya tsing'oma tsitsyo, Yahova a vola; kigira va ku langa wakungwa, ua rola, Liveye Zioni, li ta veye ho nomundu u lyenyanga.

Jeremia 33:6

Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

Hosea 14:2

Vugula ma kuva, u tsie nago, wirane ku Yahova: u mu volere, Twulidza budamano bwosi, u bugirire amalahi: ku la haana ndiyo vihaanwa vyeminwa gyetu kuli kuhaana tsigiriki.

Hosea 14:5

Nda va kuli lime ku Israeli; a la lavidza vimuli kuli vimuli vyelidanya, nokulandidza imiri gyigye kuli Le banon.

Zefania 3:9

Kigira inyinga yeyo nda galukidzira avandu ululimi lulahi, vosi va duke kwanira lieta lya Yahova, va mu tumekire neliva lilala.

Zekaria 9:10

Na nda twulidza ligari lyobuiwani ku Efiraim, na iparasi ku Yerusalemi; na buta bwobulwani bu la twulidzwa: na a lilwadza mirembe ku vetsihiri: na lyameha lilye li la va kutwula ku inyanza yiyi ku duka ku inyanza yiyi, na kutwula ku Mugera ku duka ku kiheri kyelirova.

Matayo 10:13

Nayo ni i dukana nemirembe gyenyu, mu leke mirembe gyi menye kuyo: navutswa ni i ta dukana, mirembe gyenyu gyi mwiranire.

Marko 16:15

Ya va volera Gendi mu tsie mu lirova lyosi mwilwadze ivangeli ku vandu vosi.

Luka 2:14

Ubukumi bu ve igulu migulu ku Nyasaye. Nemirembe ku kivala ku vandu ava ya yanza.

Luka 21:15

kigira nda mu ha munwa nobugeeri, bwavasigu venyu va li vula kunyala kuhangala nokutivula.

Vikolwa 10:36

Likuva lya ya hilira avana va Israeli, ni yilwadza ivangeli yemirembe i twula ku Yesu Kristo, (naye ni Mwami wa vosi)

Vikolwa 2:39

Kigira lisuuviridza yili li veye ku mwinye, noku vana venyu, noku vosi ava veye hale, ku vosi vo Mwami Nyasaye wetu a la langa vadze kuye.

Vafeso 2:13

Navutswa kalunu mu Kristo Yesu mwinye ava mwa li hale ku matsyambiri, mu koleywi kuva himbi mu masahi ga Kristo.

Vafeso 6:19

kandi inze, nduke kuhebwa livola mu likunula munwa gwange, kuvuula nobuluviriri agaviswa gevangeli,

Vahebraina 13:15

Kunangwa ku hilire Nyasaye ku uyu, kisyuviriru kyelidzominya kazozo, livola li veye makuyu geminwa gyeyamanga lieta lilye.