Isaya 57:18 - KITABU KITAKATIFU

¹⁸ Ndoli tsinzira tsitsve, nda mu honnya: nda mwimirira kandi, nokumwirannyira vyokumuleminya noku yavo ava syomanga.

Isaya 57:18 ပူးပေါင်းရင်းမြစ်များ

Zaburi 23:2

A nzimirira ha ntsia kugona mirago A mbila kuduka himbi hamadzi ga lengeye.

Zaburi 51:12

Wiranyire ku inze ubusangali bwobuhonnyi bubwo; Kandi u ndire na roho gwelilalira.

Zaburi 94:19

Ubunyingi bwetsiganagani tsyange mu inze Ubuleminyi bubwo bu sangalidzanga mwoyo gwange.

Kohelethu 9:4

Kigira ku uyu u hambanywa na va veye mwoyo vosi ha veye nelisuuvira kigira imbwa i veye mwoyo ni indahi kuvita king'ang'a kya kudza.

Isaya 1:18

Kalunu hambi, ku lombe makuva, Yahova a vola: kali ubwoni bwenyu ni bu va ni bu veye bwakanyu ligali, bu la va ubulavu ligali kuli likonza; ni bu va ni bu veye bwakanyu kuli kibaara bu la va kuli pamba

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 19:22

Na Yahova a la kuya Egepeti, kukuya nokuhonnya; navo va lirana ku Yahova, naye a la bugirira lisaala lyavo, nokuvahonnya.

Isaya 30:18

Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 49:10

Si va la lola inzala kandi si va la va nobuluhu; kandi uluya kinga liuva si i la va samba: kigira uyu wa va vemrera a la vimirira, na a la va hila himbi visenukiru vyamadzi.

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Isaya 52:12

Kigira si mu la tsia kyova bwangu bwangu, kandi si mu la genda neliruka: kigira Yahova a limira imbiri wenyu; na Nyasaye wa Israeli a la va wokumulonda inyima.

Isaya 53:5

Navutswa ya tumitwa kigira ubwoni bwetu, na ya kindukira budamano bwetu; nelikuywa lyemirembe gyetu lya gwa kuye, ku tsinkavaala tsitsye kwinye ku honnywa.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 58:11

na Yahova a la kwimirira kazozo, na a la kwigutilza mu hosi ha ta veye namadzi, nokuvika vigumba vivyo tsingulu; na u la va kuli mulimi gwa samwa amadzi, na kuli kisenukiru kyamadzi, kya amadzi gakyo ga vula kukama.

Jeremia 13:17

Navutswa ni mu va ni mu vula kuhulira likuva yili, mwoyo gwange gu la lira makiriri kigira uluyai lwenyu; tsimoni tsyange tsi la lira ligali, nokuganguluka amaliga, kigira kyayo kya Yahova ki lanyeywi.

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Jeremia 30:17

Kigira inze ndirannya ku ive ubulamu bubwo, nda ku honnya tsing'oma tsitsyo, Yahova a vola; kigira va ku langa wakungwa, ua rola, Liveye Zioni, li ta veye ho nomundu u lyenyanga.

Jeremia 31:3

Yahova ya loleka ku inze ku matsyambiri, ni ya mbolera, Yee, nku yanzi nobuyanzi bwemihiga nemihiga: kigira yaga mali kukukwesa netsimbabasi tsyo ubuyanzi bwange.

Jeremia 33:6

Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

Zekaria 1:13

Na Yahova ya tivulira ingelosi wa volerana ninze makuva malahi, makuva gokuleminya mwoyo.

Luka 15:20

Ya twula na a tsia ku ise. Navutswa lwa ya li na a kikiri hale, ise ya mu lola na a mu vererera, na a nyagula na a mu kumberera mu ligoti, na a mu busabusa.

Varumi 5:20

Kandi lilaga lya duka, lihyola li duke kukira; navutswa hobwoni bwa kira, tsimbabasi tsya kira ligali;

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.