Isaya 57:17 - KITABU KITAKATIFU

¹⁷ Kigira ubudamano bwelikayirwa lilye nda mu vihirirwa, nokumukuya; nda visa mmoni mwange ni mbihiri rwa; na ya hongera kwirana inyima ku inzira yomwoyo gwigwe.

Isaya 57:17 ပူးပေါင်းရင်းမြစ်များ

Kohelethu 6:9

Kulola netsimoni nobulahi kuvita kuvoyavoya nelikayirwa: yaga kandi na ga vutswa nokudidikana ku imbuudza.

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Isaya 2:7

Kivala kyavo kandi kizuye ifetha netha habu, nobutugi bwavo bwakiba si bu veye nekigero; kivala kyavo kizuye tsiparasi, na magari gavo gobulwani si ga veye nekigero mba.

Isaya 42:24

Ni bwaha wa haana Yakobo a ve kilanye, ni bwaha wa vika Israeli ku vanuuli? Si a li Yahova u a kola? Wa kwinye ku mu koleye ubwoni, na va vula kubugirira ku genda mu tsinzira tsitsye, kandi si va hulira amalago gege.

Isaya 45:15

Ligali ive u veye Nyasaye wivisanga mwene, O Nyasaye wa Israeli, Muhonyi.

Isaya 56:11

Yee, tsimbwa yitsyo tsi veye tsimpuvali kazozo, si tsi nyola liguta mba; kandi yava va veye avayi ava ta manya kindu: va girunkani sa mulala kulonda inzira yeye mwene, sa mulala ku vyambeti vivye, kutwula ku tsimbega tsyosi.

Isaya 64:9

U ta vihirirwa ligali mba, O Ya hova, kandi u tidzulitsa ubwoni madiku gosi: henza, u lole, ku ku saala, kwinye kwosi ku veye avandu vovo.

Isaya 66:3

Uyu wiita ing'ombe a veye kuli wiiti mundu; uyu u haana kihaanwa kyeligondi a veye kuli uvunannya ligoti lyembwa; na uyu u haananga kihaanwa kyokunwa, a veye kuli u haananga masahi gempidzi na u vuyidzanga kimuli, a veye kuli u gasidzanga kifwananyi. Yee, va tovoye tsinzira tsyavo avene, na mwoyo gwavo gu sangalira livihiridza lyavo:

Isaya 8:17

Na nda lindirira Yahova, uyu u visanga mmoni mwi mwe ku inyumba ya Yakobo, na nda mhenzererera.

Isaya 9:13

Navutswa avandu va vula kugi runkana ku uyu wa va kuya, kandi va vula kwenya Yahova wa mahe.

Jeremia 2:30

Likuya lya nda kuya avana venyu ni lya vutswa; si va bugirira kuhebwa mageli mba: kivavi kikyo ive mwene ki liye vaprofeti vovo, kuli king'ang'a kyononyanga.

Jeremia 22:17

Navutswa tsimoni tsitsyo nomwoyo gugwo si u veye nekya wenyanga ni li ta li likayirwa lilyo lyeng'ine, nokutahidza masahi ga ta li nekindu kugo, nokudambidza, noku kirage, kukola vindu yivi.

Jeremia 3:14

Mwirane mwinye avana, avirani inyima, Yahova a vola; kigira mbeye musatsa wenyu: na nda vugula mulala welidala, na vaviri ku bwiko bulala, na nda leta mwinye Zioni.

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Jeremia 51:13

O ive u menyanga ku madzi manyingi wobunyingi bwelivikiru lya akiba kiheri kikyo ki duka, kigero kyeli kayirwa lilyo.

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Jeremia 8:6

Nda huliridza, ni mbulira, navutswa si va vola bulungi: si ha veye nomundu kali mulala weganira ku ubudamano bwibwe, nokuvola, Nkoli ki? Sa mulala a gumiranga lugendo lwilwe mwene, kuli iparasi i gendanga tsimbiru kwingira mu bulwani.

Ezekieli 33:31

Navo vadzanga ku ive kuli avandu vadzanga, na vikalanga imbiri wowo kuli avandu vange, na va huliranga makuva gogo, navutswa si va ga kolanga mba; kigira va lolekidza ubuyanzi neminwa gyavo, navutswa umwoyo gwavo gu londanga amadanyi gavo.

Luka 12:15

Kandi ya va volera, Mwelinde ku likayirwa lyosi: kigira liva mwoyo lyomundu si li veye ku vindu vinyingi vya a veye navyo.

Vakolosai 3:5

Kunangwa mwiite vivero vyenyu vi veye vya hasi: navyo nokutsia mbakana, nekifwabwi, nelikayirwa lidamano, nelyegomba lidamano, nelikayirwa vyavene, li veye kusigamira misambwa.

1 Timoteo 6:9

Navutswa yavo ave nyanga kuva nobutugi va gwidzanga mu ligeridzwa nomu mitego, nomu likayirwa linyingi lyobusiru nelyo kwononnya, li hila avandu mu bukyamu nomu budivi.

2 Petro 2:14

ava veye netsimoni tsyobuheyi ava ta nyala kwigaya ku bwoni; ava goonyanga myoyo gyiyagika; ava veye nomwoyo gwa nalidzwa mu likayirwa; avana vekikyeno;

2 Petro 2:3

Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.