Isaya 57:15 - KITABU KITAKATIFU

¹⁵ Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 57:15 ပူးပေါင်းရင်းမြစ်များ

Litanga 21:33

Na Abrahamu ya simika muvinde mu Beer-sheba, na yanira lieta lya Yahova, Nyasaye Wemihiga nemihiga.

1 Avami 8:27

Navutswa ligali Nyasaye a la menya ku lirova? Henza, ligulu kinga ligulu lyomigulu si li ku duki; na sindi inyumba yiyi ya nyombaki

2 Kyetsinyinga 34:27

kigira mwoyo gugwo gwa ii mudoto, wegehidza imbiri wa Nya saye, lwa wa hulira makuva gege ku hano, noku yavo ava menyanga ho, na wegehidzi imbiri wange, na u tanduye tsingubo tsitsyo, nokulira imbiri wange; Yahova a vola, Inze nku huliye.

Ayubu 22:29

Lwa va ku tsoma hasi, u la vola Lisingeridzwa li veye ho kandi, Na mwegehidzi a la mu honnya.

Ayubu 6:10

Hene yaho nkano nda ka kola ni neminywa mwoyo, Yee, nkano nda kegingira mu litsunwa li ta veye nelivererera, Kigira inze si nyambakani amakuva go Mutakatifu mba.

Zaburi 111:9

U leteye avandu veve ubuhonnyi; U lagi lilagana lilye li ve ho mihiga nemihiga: Lieta lilye li veye litakatifu na lyokutibwa.

Zaburi 115:3

Navutswa Nyasaye wetu a veye mwigulu: Ku vyosi u koli kuli ubulaliri bwibwe.

Zaburi 123:1

Ng'inga tsimoni tsyange ku ive, O ive wikaye migulu.

Zaburi 138:6

Kigira kali Yahova a veye igulu, navutswa a henza avegehidzi; Navutswa a manyiranga ihale avenenehidzanga.

Zaburi 138:7

Ni mba ni ngenda hagati hekivi, u la linda livamwoyo lyange; U la nyira mukono gugwo ku butima bwavasigu vange, Na mukono gugwo mulungi gu la mbonnya.

Zaburi 147:3

A honnyanga avemyoyo gya vunika, Na a boha tsing'oma tsyavo.

Zaburi 34:18

Yahova a veye himbi kuvo ava vuniki mwoyo, Na a honnyanga yavo ava miniki roho

Zaburi 34:19

Avalungi va veye nevivi vinyingi; Navutswa Yahova a mu honnyanga ku vyosi.

Zaburi 51:17

Vihaanwa vya Nyasaye vi veye roho gu vuniki: Mwoyo gu vuniki na gu miniki O Nyasaye, si u li gu lega mba.

Zaburi 51:19

Kunangwa u la yanzidzwa mu vihaanwa vyobulungi, Nomu kihaanwa kyokusambwa na kihaanwa kyokusambwa kyosi: Inyinga zana va la haana tsigiriki ku bwali bubwo.

Zaburi 83:18

Va duke kumanya ive u veye weng'ine, welieta lilyo li veye Yahova, U Veye Weigulu Ligali ku lirova lyosi.

Zaburi 90:2

Lwa vigulu vi kikiri kulombwa, Kinga lwa u kikiri kulomba lirova na vyomulirova Kutwula mihiga nemihiga, kuduka mihiga nemihiga, ive u veye Nyasaye.

Zaburi 93:2

Intebe yoyo yobwami i singeridzeywi kutwula kale: Ive u veye ho mihiga nemihiga.

Zaburi 97:9

Kigira ive, O Yahova, u veye igulu ligali kuvita lirova lyosi: Ive u nenehidzwa igulu ligali wa avanyasaye vosi.

Zaburi 99:3

Vidzominye lieta lilyo linene na lyokutibwa: A veye Mutakatifu.

Kutwula 15:11

Ibwaha u veye kuli ive, O Yahova, mu avanyasaye? Ibwaha u veye kuli ive, mu bukumi nomu butakatifu, U tihidzanga mu lidzominya lilyo, u kolanga vyokugenya?

Kutwula 15:13

Ive mu tsimbabasi tsitsyo wimiriye avandu ava wa honnya: U vimiriye netsingulu tsitsyo, va duke mu bumenyo bubwo butakatifu.

Kutwula 15:18

Yahova a lameha mihiga nemihiga.

Kutwula 40:34

Hene yaho lilesi lya kunika lihema lyokuvuganira mu, na ubukumi bwa Yahova bwizula lihema.

Kutwula 40:35

Na Musa si ya nyala kwingira mu lihema lyokuvuganira mu, kigira lilesi lya menya ku, na ubukumi bwa Yahova bwizula lihema.

Tsing'ano 16:19

Nobulahi kuva nomwoyo gwokwegehidza halala navadaka, Kuvita ligavula vilanye halala na avoluyai.

Tsing'ano 8:23

Inze nda singeridzwa kale, mu litanga, Lwa lirova li kikiri kuva ho.

Isaya 18:4

Kigira Yahova ya mbolera likuva yili, Nda kiring'ana, na nda lola mu hokumenya hange, kuli masalira mu mbasu, kuli lilesi lyelime inyinga yeligesa.

Isaya 33:5

Yahova a kuminywa; kigira a menyanga igulu: wizulitsa Zioni nelikalaga nobulungi.

Isaya 40:28

U kikiri kumanya? U kikiri kuhulira? Nyasaye wemihiga nemihiga, Yahova, Mulombi wetsintulu tsyelirova, si a kudzanga mwoyo, kandi si a luhanga; limanya lilye si liderangwa.

Isaya 52:13

Henza, mutumekiri wange a la kola nobugeeri, a la kuminywa nokugingwa igulu, a la va igulu ligali.

Isaya 6:1

Mu muhiga gwelikudza lyomwami Uzia nda lola Yahova ni yikaye ku intebe yobwami, igulu ligali, kya gingwa ligali; nolukigiti lwengubo yeye lwizula litempeli.

Isaya 6:3

Mulala ya volera wundi, na a vola, Mutaka tifu, mutakatifu, mutakatifu ni Yaho va wa mahe: lirova lyosi lizuye ubukumi bwibwe.

Isaya 63:15

Henza hasi kutwula migulu ha u veye, u lole kufwula ubumenyo bwo butakatifu bubwo nobukumi bubwo: ubugulu bubwo nelikola lyetsingulu lilyo li veye haliha? Lyenya lyomwoyo gugwo nelivererera lilyo ku inze li gayeywi li vula kuduka ku inze.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Lisyoma lya Jeremia 3:41

Gendi ku gingire Nyasaye u veye igulu myoyo gyetu halala na makono getu.

Ezekieli 16:63

u duke kwidzulitsa, nokutimuka enkolo, u vule kukunula munwa gugwo kandi, kigira tsisoni tsya u veye natsyo, lwa nku sameha yaga gosi aga wa kola, Mwami Nyasaye a vola.

Ezekieli 9:4

Yahova ya mu volera, Vita hagati helidala, hagati ha Yerusalemi, nokuvika kilolero mu bweni bwavandu va kenyanga nokulira kigira kivihiri kyosi ki kolangwa hagati halyo.

Danyeli 2:11

Nalyo li veye likuva li ta li lya kazozo lyomwami yenyanga, kandi si ha li no wundi u nyala kuvuula likuva yili imbiri womwami, ni va ta li vanya saye, avelimenya lyavo si li veye na avombiri.

Danyeli 4:17

Likalaga yili li veye lyomunwa gwavalindi, na likuva li veye lyomunwa gwavataka tifu, ava veyemwoyo va duke ku manya uyu U Veye Igulu Ku Vyosi yamehanga mu bwami bwavandu, kandi a hedzanga uyu wa a yanza kandi a vika kubwo uyu u veye mu kekeke ku vosi.

Danyeli 4:34

Na inyima wamadiku yago, inze, Nebukadinezaru, nda ginga tsimoni tsyange ni mbenza migulu, na limanya lyange lirana ku inze, na nda gasidza U Veye Igulu Ku Vyosi, kandi nda kuminya nokwidzominya uyu u hindiranga mihiga nemihiga kigira ubunene bwibwe bu veye bwe mihiga nemihiga, na ubwami bwibwe bu veye bwamakula na makula;

Joeli 2:13

Mu tandule mwoyo, mu ta tandula tsingubo tsyenyu, mwirane ku Yahova Nyasaye wenyu; kigira uyu a veye netsimbabasi na livererera, si a vihirirangwa bwangu, a veye netsimbabasi tsinyingi, na yeganiranga ku kivi.

Mika 5:2

Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Zekaria 2:13

Mu kiring'ane, mwinye mwosi avemibiri, imbiri wa Yahovakigira u vuki mbumenyo bwibwe butakatifu.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Matayo 6:9

Mwinye mu saale ndi; Dada wetu u veye migulu lietalilyolidzominywe.

Luka 1:49

Kigira wetsingulu u nkoleye vindu vinene; Lieta lilye li veye litakatifu.

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Vikolwa 3:14

Navutswa mwinye mwambakana uyu Mutakatifu no Mulungi, kandi mwinye mwenya mu hebwe mulumindi,

Varumi 1:20

Kigira vindu vivye vi ta loleka kutwula inyinga yelirova lya lombwa, vi loleka ligali, kigira vi manyekana ku vyalombwa, navyo vi veye tsingulu tsitsye tsyemihiga nemihiga nobunyasaye bwibwe; va vule kuva nekya va tivula.

2 Vakorintho 1:4

u leminyanga myoyo gyetu mu busaliri bwetu bwosi, kwinye ku duke kuleminya myoyo gya yavo ava veye mu busaliri bwosi, ku lileminya lya Nyasaye a ku leminya.

2 Vakorintho 2:7

ndiyo nu bulahi mwinye mu mu samehe nokumuleminya mwoyo, gase ku makuva gosi mundu kuli uyu a la mirwa ku likira lyobuvereri bwibwe.

2 Vakorintho 7:6

Halala na yaga, Nyasaye u lemi nyanga avadedekere myoyo, ya ku leminya myoyo ku lileta Tito ku kwinye;

Kwidzulitsa 33:27

Nyasaye wemihiga nemihiga niye ubumenyo bubzoo, Namakono gemihiga nemihiga ga veye isi wowo. Naye ya twulidza musigu imbiri li wowo, Na a vola, Wononye.

1 Timoteo 1:17

Kalunu ku Mwami u ta hera mba, kandi u toneka, kandi u ta lolekanga, u veye Nyasaye mulala yeng'ine, lidzominywa nobukumi bu ve kuve mihiga nemihiga Amini.

1 Timoteo 6:16

u veye neliwla kukudza yeng'ine, u menyanga mu bulaw obu tisundwa himbi; womundu a ta lola kali mulala, kandi si ha veye nomundu u nyala kumulola: kuye lidzominywa netsingulu tsi ve kuye mihiga nemihiga. Amini.

Vahebraina 9:14

nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?

Yakobo 4:6

Navutswa a ku ha tsimbabasi kuvita. Kigira yaga mang'oda ga vola, Nyasaye a hingira avigingiri, navutswa a hedzanga avegehidzi tsimbabasi.

1 Petro 5:5

Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

Likunula 3:7

Kandi u ng'odere ingelosi welivugana li veye mu Filadelfia. Yivi nivyo vya uyu u veye mutakatifu, noweligali, kandi u veye nolufunguo lwa Daudi, nowigulanga kandi si ha veye nomuhani, no hananga kandi si ha veye nowigula, a volanga:

Likunula 4:8

Kandi vilombe vi veye mwoyo vine, sa kilala kuvyo kya li namavaha gatano na lilala, navyo vizula tsimoni hosi nomugati: navyo si vi sosanga mbasu nobudiku, vi volanga, Mutakatifu, mutakatifu, mutakatifu, Mwami Nyasaye, Wanyala Vyosi, wa li ho, no veye ho, no udzanga.

1 Samweli 2:2

Si ha veye na u veye mutakatifu kuli Yahova; Kigira si ha veye nowundi navutswa ive Kandi si ha veye nolwanda lundi kuli Nyasaye wetu.