Isaya 57:14 - KITABU KITAKATIFU

¹⁴ Naye a la vola, Mu lombe, mu lombe, mu lungekidze inzira, twulidza vyokwikigitala ku inzira yavandu vange.

Isaya 57:14 ပူးပေါင်းရင်းမြစ်များ

Zaburi 68:4

Mwimbire Nyasaye, mwimbe kwidzominya lieta lilye: Mu mu lungekidzire inzira uyu u ninanga kugenda mu kyanga langwi. Lieta lilye li veye Yahova; mu sangale imbiri wewe.

Isaya 35:8

Na ha zana ha la va lihasi, nenzira, na i la langwa Inzira yobutakatifu; ava ta li avanifu si va li genda kuyo; navutswa i la va ya yavo: avandu volugendo, kali ni va veye avasiru, si va li hyolera kuyo.

Isaya 40:3

Mwoyo gwomulala u hanzuka, na a vola, Mu lombe migendanyama inzira ya Yahova; mu lungekidze mu kyangalangwi lihasi lya Nyasaye wetu.

Isaya 49:11

Nda kola vigulu vyange vyosi kuva inzira, na mahasi gange ga la kuminywa.

Isaya 62:10

Mu vite, mu vite mu viribwa; mu lombe inzira yavandu; mu lunge kidze, mu lungekidze lihasi; mu twulidze magina galyo; mu gingire avandu ibendera.

Jeremia 18:15

Kigira avandu vange va nziviriye, va vuyidzi vimuli ku vya vutswa; na vikigitalidzangwa mu tsinzira tsyavo, nokugenda mu tsinzira tsya haluvega, ku inzira ya vula kulombwa;

Varumi 14:13

Na ndiyo li ta va mu kwinye likalagirana avene navene: navutswa nu bulahi mu kalage yaga, mundu kali mulala a ta vikira amwavo wewe kyokumwikigitalidza, kinga kyokumuzoma hasi.

1 Vakorintho 1:23

navutswa kwinye kwilwadza Kristo wa bambwa, ku Vayuda a veye kyokwikigitalidza, na ku Tsihiri a veye ubusiru;

1 Vakorintho 8:13

Kigira yaga, vyokulia ni vi va ni vikigitalidza amitu wange, si ndia inyama mihiga nemihiga, mbule kwikigitalidza amitu wange.

1 Vakorintho 8:9

Navutswa mu henze, tsingulu tsyenyu tsi ta gwa likigitala ku vadedekere.

2 Vakorintho 6:3

Ku vule kuha mundu kali mulala ku vyosi kyokwikigitalidza, ubutumiki bwetu bu ta kyaywa;

Vahebraina 12:13

kandi mu lombere virenge vyenyu tsinzira tsinungi, ki veye kilema ki vule kuvetwa, navutswa nu bulahi ki honnywe.