Isaya 57:13 - KITABU KITAKATIFU

¹³ Lwa u lira, yavo ava wa vungidza va ku honnye; navutswa imbuudza i la va hila mwika gu la va hila vosi: navutswa uyu u suuviranga mu inze a la nyola miyandu gyelirova, nekigulu kyange kitakatifu.

Isaya 57:13 ပူးပေါင်းရင်းမြစ်များ

2 Avami 3:13

Na Elisha ya volera mwami wa Israeli, Mbeye naki ku ive? Tsia ku vaprofeti va dada wowo, noku vaprofeti va mama wowo. Mwami wa Israeli ya mu volera, Auwa; kigira Yahova u vugannyi avami yava vavaka halala ku va vika mmakono ga Moabu.

Ayubu 21:18

Na va veye kuli amavululi imbiri wembuudza Na kuli mukudzi gu hilangwa nekihudzudzi?

Zaburi 1:4

Avoni si va li ndiyo mba Navutswa va fwanana nomukuudzi gwembuudzi i hila.

Zaburi 118:8

Nobulahi kwirukira ku Yahova Kuvita kusuuvira mundu.

Zaburi 125:1

Yavo ava suuvira Yahova Va veye kuli kigulu kya Zioni, ki ta nyala ku dengeya, navutswa ki menyanga mihiga gyosi.

Zaburi 37:11

Navutswa avahoma va la nyola miyandu gyekivala, Na va la sangala mu bunyingi bwemirembe.

Zaburi 37:22

Kigira yavo ava ya gasidza va la nyola miyandu gyekivala; Navo ava ya laama, va la temwa.

Zaburi 37:29

Avobulungi va la nyola miyandu gyekivala, Nokumenya mu mihiga nemihiga.

Zaburi 37:3

U suuvire Yahova, na u kole bu lahi; U menye mu kivala, na u lie ubusuuvirifu bwibwe.

Zaburi 37:34

U lindirire Yahova, u gumire inzira yeye, Naye a la ku nenehidza kuduka u nyole miyandu gyekivala: Lwa avadamano va temwa, ive u la lola.

Zaburi 37:9

Kigira ava kola ubudamano va la kalagwa; Navutswa ava lindirira Yahova, va la nyola miyandu gyelirova.

Zaburi 58:9

Lwa vifuria vyenyu vi kikiri kuhulira uluva lwa mafwa A la ga hila nekihudzudzi, vivisi na vyumu halala.

Zaburi 84:12

O Yahova wa mahe Mundu u suuviranga ive a veye nobugasu.

Tsing'ano 28:25

Uyu womwoyo gwelikayirwa, a vukidzanga lihing'ana; Navutswa uyu u suuviranga Yahova a la komeridzwa.

Isaya 11:9

Si va la saleridzana, kinga kwononnya mu kigulu kyange kitakatifu kyosi; kigira lirova li liizula limanya Yahova, kuli amadzi ga kunikanga inyanza.

Isaya 14:32

Kunangwa mundu a la tivulira ndi avatumwa vehiri? A la vola, Yahova u temi muse gwa Zioni, na yavo va dambidzwa mu avandu veve va lirukira yo.

Isaya 25:4

Kigira ive wa li impinga yavadaka, impinga ku mudambi mu lidambidzwa lilye, yokwivisa mu inyinga yekihi, kiriri ku uluva, lwembuudza ya vatihidzi i luuma kuli kihi ki kupa lidigi.

Isaya 40:24

Yee, va vula kusimikwa; yee, va vula kumidzwa; yee, kitinya kyavo si ki hili imiri hasi: halala na yaga a va herera mwika, navo va nialanga, nekihudzudzi ki va twulidzanga kuli luvuva.

Isaya 41:16

Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 45:20

Mu vunge halala mudze; mwisunde himbi halala, mwinye avahona avetsihiri: si va veye nelimanya ava ginga musala gwekifwananyi kyavo kya vadzwa, na ava saalanga munyasaye u ta nyala kuhonnya.

Isaya 49:8

Yahova a vola ndi, Inze mmali kukutivulira inyinga yobugirirwa, nomu lidiku lyobuhonnyi nku honnyikandi nda ku linda, nda twulidza ive u ve lilagana lyavandu, u duke kudinyeridza kivala yiki, nokuvaha miyandu gya lekwa vutswa;

Isaya 56:7

avandu yavo nda va leta vadze kuduka mu kigulu kyange kitakatifu, nokuvasangalidza mu inyumba yange yokusaala; na vihaanwa vyavo vyo kusambwa ni visyuviriru vyavo vi la bugirirwa ku bwali bwange; kigira inyumba yange i la langwa inyumba yokusaala ku tsihiri tsyosi.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 65:11

Navutswa mwinye ava lekanga Yahova, avivirira kigulu kyange kitakatifu, ava lombera Ubutugi imeza, ni vizulitsa viju iwaini ya tsuganywa ku misambwa;

Isaya 65:25

Kisalang'ongo neligondi vi laya haiala, king'ang'a ki la lia bunyasi kuli ing'ombe yayanga; na lugukyi ga la va kyokulia kyenzoka. Si vi la saliridzana kandi si vi lononnyana mu kigulu kyange kitakatifu kyosi, Yahova a vola.

Isaya 65:9

Nda leta bugutsa kutwula ku Yakobo, na wemi yandu gyevigulu vyange kutwula ku Yuda; na mutovole wange a la nyola miyandu, na vatumekiri vange va la menya yo.

Isaya 66:20

Va la leta avamwavo venyu vosi kutwula mu tsihiri tsyosi kuva kihaanwa kyokuhaana ku Yahova, ku tsiparasi, noku magari, noku luderu, noku tsinyumbu, noku inyama yetsimbiru ligali va duke ku kigulu kyange kitakatifu, Yerusalemi, Yahova a vola, kuli avana va Israeli va leta vihaanwa vyavo mu kiju kilahi mu inyumba ya Yahova.

Jeremia 2:28

Navutswa avanyasaye vovo va wa lomba va veye haliha? Va vuke, ni va va ni va nyala kukuhonnya inyinga yekivi kikyo: kigira avanyasaye vovo livalidzwa lyavo li leng'ana nelivali dzwa lyamadala gogo, O Yuda.

Jeremia 22:20

Wanegire, u tsie Lebanon, u lire; u hanzuke mu Bashan, nokukupa lukwili kutwula Abarim; kigira avayanze vovo vosi va divi.

Jeremia 22:22

Imbuudza i la lehidza avayi vovo vosi, na vayanze vovo va yanzanga ive va la lanywa: ligali ive inyinga yeyo u la va isoni nokutimuka enkolo kigira ubudamano bubwo bwosi.

Jeremia 30:14

Vosi ava li ni va ku yanza va kwiviriye; si va kwenya mba: kigira nkwati ulugoma, kuli lwomusigu, nelikuya lyowekirage; kigira ubunene bwobudamano bubwo kigira ubwoni bubwo bwa medeka.

Ezekieli 20:40

Kigira mu kigulu kyange kitakatifu, mu kigulu kitambi kya Israeli Mwami Nyasaye a vola, avenyumba ya Israeli vosi, vosi va la tumekira inze ha zana mu kivala yikyo: na nda va bugirira ha zana, na ndenyera yo vindu vyenyu vya mu haananga nobuhya bwobwali bwenyu, halala nevindu vyenyu vitakatifu vyosi.

Hosea 13:3

Kigira yaga va la va kuli lilesi lyomugamba, na kuli lime li ka manga mabwebwe, kuli mukuudzi gwekihudzudzi ki hilanga ku lodze lwokuhuula ubuswage, na kuli mwoki mu butwuliru bwagwo.

Joeli 3:17

Kunangwa mu la manya inze mbeye Yahova Nyasaye wenvu, u menyanga mu Zioni kigulu kyange kitakatifu: ma Yerusalemi li la va litakatifu, na avageni si va la vita hagati halyo kandi mba.

Zekaria 7:13

Kandi ga duka, lwa yanira, navo si va bugirira kuhulira mba; ni ndiyo yavo va lanira, na inze si ndi hulira mba, Yahova wa mahe a vola;

Vakalagi 10:14

Mu tsie mwanire avanyasaye va mwa tovola; va mu honnye inyinga yokunyakana kwenyu.