Isaya 57:11 - KITABU KITAKATIFU

¹¹ Kandi u tiye ibwaha nokuva mu butii, na u luhe u veha, na u vula kwidzulitsa inze, kandi si wa vika mwoyo mu likuva yili? Inze si nkiring'ani tsinyinga tsinyingi, na ive wa vula kuntia?

Isaya 57:11 ပူးပေါင်းရင်းမြစ်များ

Zaburi 50:21

Vindu yivi u koli, navutswa nda kiring'ana; Ive wa ganagana inze mbeye kuli ive: Navutswa nda ku ha amageli, na nda ku lohidzira imbiri wetsimoni tsitsyo.

Zaburi 78:36

Navutswa va mu volera makuva madoto geminwa gyavo, Na va veha kuye nolulimi lwavo.

Tsing'ano 29:25

Litia mundu li letanga mutego; Navutswa ku vosi u suuvira Yahova a veye nemirembe.

Kohelethu 8:11

Kigira likalaga likalagangwa ku likola lidamano si li kolangwa bwangu mba, kigira yaga myoyo gya avana vavandu gyi nyo langa tsingulu muvo kukola buda mano.

Isaya 26:10

Mudamano kali na a kolerwa tsimbabasi si a lyega ubulungi mba; mu kivaia kyobulungi uyu u la kola ubukyamu, na si a la lola ubukumi bwa Yahova.

Isaya 30:9

Kigira va veye avandu avobutingu, va veye avana va vehanga, va veye avana ava ta hulira amalago ga Yahova;

Isaya 42:14

Inyinga intambi nkiring'ani; nzehodzeridzi, nokwegaya: kalutlu nda hanzuka kuli mukali u lumangwa nda nagira myika nokuherana halala.

Isaya 44:20

Uyu a litsanga ligoke; mwoyo gwa gadwa gu mu girunkannyi haluvega; si a nyala kwehonnya mwene, kandi si nyala kuvola, Inze si mbeye nobubehi mmukono gwange mulungi?

Isaya 47:7

Na wa vola, Inze nda va mukali wobwami mibiga nemihiga; na wa luha na wa vula kuvika vindu yivi mmwoyo gugwo, na si widzulitsa kiheri kyevindu kuli ki li va.

Jeremia 2:32

Mukana a nyala kwivirira vyokwisyaha vivye, naho mwiha a nyala kwivirira ingubo yeye yolwiha? Navutswa avandu vange viviriye inze ku amadiku ga ta li nelivalidzwa.

Jeremia 3:21

Mwoyo gu hulirangwa ku hadiguluku, gu veye lilira nelisaala lya avana va Israeli; kigira va kyaminyi inzira yavo, na viviriye Yahova Nyasaye wavo.

Jeremia 38:19

Ma Zedekia mwami ya volera Jeremia, Inze nda tia Avayuda ava tsia ku Vakalidei, gase va la mbika mmakono gavo, navo va la ndegannya.

Jeremia 41:18

kigira Vakalidei: kigira va va tia, kigira Ishmaeli mwana wa Nethania yiita Gedalia mwana wa Ahikam, womwami wa Babuloni ya mehidza ku kivala.

Jeremia 42:20

Kigira mu koli ubugadi ku mwinye avene; kigira mwa tuma inze ntsie ku Yahova, Nyasave wenyu, ni mu vola, U ku saavire ku Yahova Nyasaye wetu; na u ku vuulire kuli gosi ga Yahova Nyasaye wetu a vola, na kwinye ku la kola ga zana.

Ezekieli 13:22

Kigira mu vereridza myoyo gyavalungi namakuva genyu gobubehi, ava inze nda vula kuvereridza; nokudinyeridza amakono gomudamano, a vule kwirana nokuleka inzira yeye indamano, nokuhona a ve mwoyo;

Hosea 11:12

Efiraim u nkumbiridza namakuva gobubehi, nenyumba ya Israeli i nkumbiridza nobugadi, navutswa Yuda kuduka kalunu yamehanga halala na Nyasaye, naye a veye musuuvirifu ku uyu Mutakatifu.

Matayo 25:25

inze nda tia, ni ntsia ni mbisa kigero kikyo mu marova: henza, u veye ne kya li kikyo.

Vikolwa 5:3

Navutswa Petro ya vola, Anania, kigira ki Setani a kwizula mwoyo gugwo u volere Roho Mutakatifu ububehi, na u vaase tsindi ku tsishilling tsyo mulimi?

2 Vatesalonike 2:9

mulialu uyu welidza lilye li veye kuli ikola lya Setani mu tsingulu tsyosi, nevilolekidzu nevyokugennya vyobubehi,

1 Timoteo 4:2

ku bugadi bwavandu ava volanga ububehi, ava sambwa mu myoyo gyavo avene kuli lisamba lyekivya ki twula mu muliru;

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Likunula 22:15

Ikyova tsi veye ho tsimbwa, navakumu, navaheyi, naviiti, nava sigamira misambwa, na vosi ava yanzanga nokukola ububehi.