Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaya 55:7 - KITABU KITAKATIFU

7 mudamano a leke inzira yeye, nomundu u ta li mulungi a leke tsi ganagani tsitsye; yirane ku Yahova, naye a la mbererera; yirane ku Nya saye wetu, naye a la mu sameha ligali.

အခန်းကိုကြည့်ပါ။ ကော်ပီ




Isaya 55:7
61 ပူးပေါင်းရင်းမြစ်များ  

Kandi Yahova ya lola ubudamano bwa avandu bwa li bunene ku lirova, kandi lisaavira lyosi na tsinganagani tsyomwoyo gwavo tsya li ubudamano bwere kazozo.


naye ya twula kutsia kwagana na Asa, na a mu volera, U mbulire, Asa, na vosi va Yuda na Benjamini: Yahova a veye halala na mwinye, lwa mwinye mu veye halala naye; ni mu va ni mu mwenya, a la loleka na mwinye; navutswa ni mu va ni mu mu leka, a la leka mwinye.


navutswa lwa va li mu kivi va yeka ku Yahova, Nyasaye wa Israeli, nokumwenya, ya loleka kuvo.


Ma vetsibaruwa va tsia netsibaruwa tsya twula ku mwami noku vanene veve hagati ha Israeli vosi na Yuda, kuli lilaga lyomwami, va va volera, Mwinye avana va Israeli, mwirane kandi ku Yahova, Nyasaye wa Abrahamu, na wa Isaka, na wa Israeli, a duke kwirana ku vahona ku mwinye ku mukono gwavami va Asuria.


Ya mu saala, na a hulirwa, na Nyasaye ya hulira lyegehidza lilye, na a mira nnya Yerusalemi mu bwami bwibwe. Hene yaho Manase ya manya Yahova niye Nyasaye.


ni i va avandu vange, ava langwa ku li eta lyange kuvo, vegehidze avene, nokusaala, nokwenya mmoni mwange, nokwirana kutwula ku tsinzira tsyavo tsindamano tsyosi; hene yaho nda hulira hano miguhl, nokusameha ubwoni bwavo, nokuhonnya kivala kyavo.


Nu u va ni wirana ku uyu Wanyala Vyosi, u lombakwa, Nu u va nu u twulidza ubukyamu bu ve ihale ku lihema lilyo,


Navutswa ku ive ha veye ubusa mehi, Ive u duke kutibwa.


O Israeli, mu suuviridze Yahova; Kigira tsimbabasi tsyobuyanzi tsi veye mu Yahova, Kandi ubuhonnyi ubunene bu veye muye.


Umbere tsimbabasi, O Nyasaye, kuli tsimbabasi tsyobuyanzi bubwo: Kuli ubunyingi bwetsimbabasi tsitsyo u ntwulidze mahyolo gange.


Ni mba ni nyanza ubudamano mu mwoyo gwange, Mwami si a la mbulira mba:


Uyu u kunikanga mahyolo gege si a la gasidzwa; Navutswa ku vosi uyu weyamanga nokugaleka a la verererwa.


Ni i va mu bugirira nokuhulira, mu la lia ubulahi bwekivala:


Kigira Yahova a la vererera Yakobo, na a la tovola Israeli, na a la va vika mu kivala kyavo: na mumenya a la hambana navo, va la hambana nenyumba ya Yakobo.


Na mulindi ya vola, Mugamba gudzanga, na kandi budiku: ni mwenya kuteva, mu teve: mu girunkane, mudze.


Mu girunkane mu yeke ku uyu wa mu tinguhi ligali, O avana va Israeli.


Viju vya uyu mwimani vi veye vidamano: a saaviranga lisaavira lida mano a duke kudividza avahokya namakuva gobubehi, kali lwa avadambi va volanga agobulungi.


Mu volere Yerusalemi agokuleminya; mu hanzuke kulyo, mu vole, ubulwani bwalyo bu heri, mahyolo gege ga sameheywi, u vuguye mu mukono gwa Yahova hali kaviri kigira ubwoni bwibwe bwosi.


Inze, yee, inze niye weyanga mahyolo gogo kigira mwoyo gwange; na si ndidzulitsa ubwoni bubwo.


Nzeyi amahyolo gogo, kuli lilesi liliduhu, na ubwoni bubwo kuli lilesi: wirane ku inze; kigira nku tungiye.


Kigira vigulu vi la twula, notugulu tu ladikidzwa; navutswa tsimbabasi tsyobuyanzi bwange si tsi la twula ku ive mba, nelilagana lyemirembe lyange si li la twulidzwa mba, Yahova a vola, uyu u vererera Ive.


Ku livihirirwa lya vita kigero nda ku visa mmoni mwange ku idakika indala; navutswa ku bulahi bu hongeranga mihiga nemihiga nda ku vererera, Yahova Mutungiri wowo a vola.


Yili si li veye lihonga lya inze ntovola: kuboholola vibohero vyobudamano, kudendeyidza vibohero vyenira, kuleka yavo avadambidzangwa, va ve avaboholole, kandi mu vunannye tsinira tsyosi?


Virenge vyavo vi nyagula tsimbiru kukola budamano, navo va kola bwangu kut ahidzo masahi ga ta li nekindu: tsiganagani tsyavo tsi veye tsyobudamano; mu mahasi gavo ha veye vutswa nobwoneku.


Mwirane mwinye avana, avirani inyima, Yahova a vola; kigira mbeye musatsa wenyu: na nda vugula mulala welidala, na vaviri ku bwiko bulala, na nda leta mwinye Zioni.


Kigira yaga ulunyirira lwembula lu gaywi, nembula yitodzo i vule kukupa; navutswa wa li nobweni bwowamalaya, wa sula kuva netsisoni.


O Yerusalemi, yogidza mwoyo gugwo ku budamano bubwo, u duke kuhona. Tsiganagani tsitsyo tsindamano tsi la menya mu ive kuduka inyinga ki?


Gendi ku liguule nokugeridza tsinzira tsyetu, nokwirana ku Yahova kandi.


Kunangwa u volere inyumba ya Israeli, Mwami Nyasaye a vola ndi: Mwirane, mweganire nokuleka vifwananyi vyenyu; mu girunkannye mmoni mwenyu mu vule kuhenza ku kivihiri kyenyu.


U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?


Kunangwa, kigira yaga, O mwami, amakuva gange ga bugirike ku ive, u leke ubwoni bubwo mu likola bulungi, na ubudamano bubwo mu livera avadaka tsimbabasi; mbula ubuIahi bubwo bu la medeka.


Na Nyasaye ya lola likola lyavo, kuli va girunkana nokuleka inzira yavo indamano; na Nyasaye yeganira ku kivi kya ya vola a la va kolera; na si ya ki kola mba.


kandi a ta va ho mundu hagati henyu u saavira ubudamano mu mwoyo gwigwe ku mutende wewe; mu ta yanza lyesuha lyobubehi kali hakuzu: kigira vindu yivi vyosi vi veye vya ndunyira, Yahova a vola.


Navutswa mu tsie mweyegidze amakuva yaga; Nyenya tsimbabasi, si nyenya visyuviriru; kigira si ndadza kulanga avalungi navutswa kulanga avoni.


Kigira vi twula mugati, mu mwoyo gwavandu, tsiganagani tsindamano, nokutsia mbakana, nokwiba, nokuluminda, nokuheya,


Vindu yivi vyosi vidamano vi twula mugati ni vi kola mundu a ve mudamano.


Kandi ndiyo mmu volera, Bu veye ho ubuyanzi imbiri wetsingelosi va Nyasaye kigira mwoni mulala weganira.


kigira mwana uyu ya li ya kudza, a veye mwoyo kandi; kandi ya li ya gota, u nyoleki. Navo va tanga kusangala.


Kigira yaga, nku volera, U sameheywi ubwoni bwibwe bu li bunyingi, kigira ya yanza ligali: navutswa u samehangwa hakekeke a yanzanga hakekeke.


navutswa ku matsyambiri ndilwadza ku va Damasko, kandi mu Yerusalemi nomu kivala kyosi kya Buyuda kyosi, kandi ku vandu ve Tsihiri, veganire, va yeke ku Nyasaye nokukola miyinzi gyi dukana nobweganiri.


Kigira yiki Mwe ganire, mwirane, ubwoni bwenyu bu twu'idzwe, tsi nyole kudza tsinyinga tsyokusosidza tsi twula imbiri wo Mwami;


Kandi likayirwa zana lwa li mala kuvereka livulanga ubwoni: nobwoni lwa bu mala kukula bu letanga likudza.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ