Isaya 55:3 - KITABU KITAKATIFU

³ Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Isaya 55:3 ပူးပေါင်းရင်းမြစ်များ

Litanga 17:7

Kandi nda singeridza lilagana lyange hagati hange na ive na visukululwi vivyo inyima wowo, mu visukululwi vyavo li ve lilagana lyemihiga nemihiga, nduke kuva Nyasaye ku ive noku visukululwi vivyo inyima wowo.

Litanga 49:10

Impimbo yobwami si i la twula ku Yuda, Kandi impimbo yokwameha si i la twula hagati hevirenge vivye, Kuduka inyinga Shilo yadza; Na lihulira lyavandu li la va kuye.

2 Samweli 23:5

Ligali inyumba yange si i veye ndiyo ku Nyasaye; Navutswa u lombi ninze lilagana lyemihiga nemihiga, Lya lombwa mu vindu vyosi, ni li veye lye ligali: Kigira li veye ubuhonnyi bwange bwosi, nelyenya lyange lyosi, Kali ni ya li lomba li vula kukula.

2 Samweli 7:29

kunangwa kalunu u yanze kugasidza inyumba yomutumekiri wowo, i duke kuhindira mihiga nemihiga imbiri wowo; kigira ive O Yahova Mwami, u voye likuva yili: nenyumba yomutumekiri wowo i gasidzwe kazozo, nobugasu bubwo.

2 Kyetsinyinga 6:42

O Yahova Nya saye, u ta henzidza ha luvega mmoni mwombake wowo: widzulitse tsimba basi tsitsyo ku mutumekiri wowo Daudi.

Zaburi 119:112

Nzegidzi mwoyo gwange kukola malago gogo Kuduka mihiga gyosi kali ku kiheri.

Zaburi 119:175

Mwoyo gwange gu ve mwoyo, na gu la kwidzominya; Kandi amalago gogo ga nkonye.

Zaburi 78:1

Mwinye avandu vange, mu huliridze lilaga lyange: Mu yekidze amatu genyu kuhulira livola lyomunwa gwange.

Zaburi 89:28

Tsimbabasi tsyange nda mu lindira mihiga nemihiga; Na lilagana lyange li la singira halala naye.

Zaburi 89:29

Kisukululwi kikye kandi nda kola kumenya mihiga nemihiga, Na intebe yeye yobwami kuli madiku gomigulu.

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Tsing'ano 4:20

Mwana wange, u hulire makuva gange; U tegidze ugutu gugwo kuhulira livola lyange.

Tsing'ano 7:2

U gumire amalago gange na u ve mwoyo; U gumire lilaga lyange kuli u linda indolero yemoni yoyo.

Isaya 51:4

Mu hulire inze, mwinye avandu vange; mu tegidze amatu ku inze, mwinye avehiri yange: kigira lilaga li la twula ku inze, na nda kola likalaga lyange li hindiranga li gwe ubulavu bwavandu.

Isaya 54:10

Kigira vigulu vi la twula, notugulu tu ladikidzwa; navutswa tsimbabasi tsyobuyanzi bwange si tsi la twula ku ive mba, nelilagana lyemirembe lyange si li la twulidzwa mba, Yahova a vola, uyu u vererera Ive.

Isaya 54:8

Ku livihirirwa lya vita kigero nda ku visa mmoni mwange ku idakika indala; navutswa ku bulahi bu hongeranga mihiga nemihiga nda ku vererera, Yahova Mutungiri wowo a vola.

Isaya 61:8

Kigira inze, Yahova, nda yanza likalaga lilungi, ndunyira bunuuli nobudamano; nda va tunga litungwa lyavo mu geligali, na nda lomba lilagana lyemihiga nemihiga halala navo.

Jeremia 30:9

navutswa va la tumekira Yahova Nyasaye wavo, na Daudi mwami wavo, wa ndi singeridza kuvo.

Jeremia 32:40

na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

Jeremia 33:26

hene yaho nda ta kisukululwi kya Yakobo, nekya Daudi mutumekiri wange, nduhe mbule kuvugula ku kisukululwi kikye ava lyameha ku kisukululwi kikye kya Abrahamu, na Isaka, na Yakobo; kigira ndirannya lyadikidzwa lyavo, na nda va vererera.

Jeremia 38:20

Navutswa Jeremia ya mu volera, Si va la ku haana mba. Nku goonya, mwadza, u hulire mwoyo gwa Yahova, mu yaga aga nku voleranga: ni ndiyo ga li va ubulahi ku ive, nomwoyo gugwo gu la hindira.

Jeremia 50:5

Va la teveridza ku makuva ga Zioni nommoni mwavo mu la yeka yo, ni va uola, Hambi, ku tsie kwehambannya ku Yahova mu lilagana lye mihiga nemihiga li li vula kwivirirwa.

Ezekieli 16:60

Navutswa ndidzulitsa lilagana lya nda lomba nive mu madiku gobusoleli bubwoj na nda dinyeridza lilagana lyemihiga nemihiga nive.

Ezekieli 34:24

Na inze, Yahova, nda va Nyasaye wago, na mutumekiri wange Daudi a la va munene hagati hago; inze, Yahova, mmali kuvola likuva yili.

Ezekieli 34:25

Na nda kola lilagana lyemirembe halala navo, na nda heridza tsinyama tsindamano tsi vule kuva kandi mu kivala yikyo; va la menya nemirembe mwigendanyama, nokugona mmulitu.

Ezekieli 37:26

Kandi nda kola lilagana lyemirembe halala navo; li la va lila gana lyemihiga nemihiga halala navo; nda va vika bulahi, nokuvameda, nda singeridza hatakatifu hange hagati havo mihiga nemihiga.

Kyavalevi 18:5

Kunangwa mu la gumira malago gange, na miima gyange; agomundu u tumekira, a la va mwoyo kugo: inze mbeye Yahova.

Amosi 5:4

Kigira Yahova ya volera inyumba ya Israeli ndi, Mwenya inze, na mu la va mwoyo;

Amosi 5:6

Mwenye Yahova, na mu la va mwoyo; gase a laaka kuli muliru mu inyumba ya Yosefa, na gu la samba, na a la vula kuva ho u nyala kugusiminya mu Betheli.

Matayo 11:28

Hambi ino mwinye mwosi ava nyankananga ku miyinzi midinyu nava minika, na inze nda mu sosidza.

Matayo 13:16

Navutswa tsimoni tsyenyu tsi veye nobugasu, kigira tsi lola; namatu genyu, kigira ga hulira.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Yohana 10:27

Magondi gange ga hulira mwoyo gwange, kandi inze nga manya, kandi ga nonda:

Yohana 6:37

Vyosi vya Dada a mbedza vi ladza ku inze; naye udza ku inze si nda mu kunga mba.

Yohana 7:37

Ku lidiku lyekiheri, lidiku linene lyelilia, Yesu ya singira na a gamba, na a vola, Mundu na a va na a veye nobuluhu, yadze ku inze a nwe.

Yohana 8:47

U veye ku Nyasaye a hulira amakuva ga Nyasaye: mwinye si mu hulira kigira si mu veye ku Nyasaye.

Vikolwa 13:34

Kandi ku makuva ga ya simugukidza mu vakudzi, a tirana kandi kwoneka, a vola ndi, Nda mu ha ubugasu bwa Daudi butakatifu nobusuuviridzi.

Varumi 10:5

Kigira Musa a ng'oda, mundu u kola bulungi bwelilaga a la va mwoyo kubwo.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,