Isaya 55:11 - KITABU KITAKATIFU

¹¹ ni ndiyo likuva lyange li la va li twulanga munwa gwange: si li lirana ku inze lyere, navutswa li la dukidza aga nyenyanga, na li la gasidzwa mu inkuva ya nda li tuma ku.

Isaya 55:11 ပူးပေါင်းရင်းမြစ်များ

Isaya 40:8

Bunyasi bu nialanga, nekimuli ki kamanga; navutswa likuva lya Nyasaye wetu li la singira mihiga nemihiga.

Isaya 45:23

Inze nzisuhi, inze mwene, likuva li mali kutwula mu munwa gwange mu bulungi, na li la vula kwirana, masigamo gosi ga la sigamwa imbiri wange, tsinimi tsyosi tsi lisuha.

Isaya 46:10

u lolekidzanga kiheri kutwula ku litanga, kandi kutwula ku matsyambiri nda vuula vindu vi kikiri kukolwa; ni mbola, Makuva gange ga la singira, na nda kola vyosi vya nyanzanga;

Isaya 53:10

Navutswa ga yanzidza Yahova kumukuya; ya mu vereridza: lwa u kola mwoyo gwigwe kuva kyokusayasayira ubwoni, a la lola kisukululwi kikye, a la meda madiku gege, na ga Yahova a yanza ga la gasidzwa mmukono gwigwe.

Isaya 54:9

Kigira inkuva yiyi i gwiye kuli amadzi ga Nuhu ku inze; kigira kuli ndisuha amadzi ga Nuhu ga la vula kutsia ku lirova kandi, ni ndiyo ndisuha si nda va nobutima ku ive, kinga kukugondokera.

Isaya 59:21

Mu makuva gange, lilagana lyange halala navo ni yili, Yahova a vola: Roho wange u veye ku ive, na makuva gange ga mbiki mu munwa gugwo, si ga la twula mu munwa gugwo mba, kinga mu munwa gwekisukululwi kikyo, kinga mu munwa gwevisoni vivyo, Yahova a vola, kutwula kalunu kuduka mihiga nemihiga.

Jeremia 1:11

Kandi likuva lya Yahova lya duka ku inze, kuvola, Jeremia, U lola ki? Na inze nda vola, Ndolanga lusala lwomusala gwomulodzi.

Jeremia 1:12

Hene yaho Yahova ya mbolera, U loli bulahi: kigira nda linda likuva lyange ku li dukidza.

Jeremia 1:13

Na likuva lya Yahova li duka ku inze hali kaviri, kuvola, U lola ki? Na inze nda vola, Ndolanga inyingu yamadzi ga tavagiranga; na mumoni mwayo mu henza ku luvega lwa kasikasini.

Jeremia 23:20

Ubutima bwa Yahova si bu lirana mba, a luhe a male likola, a luhe a twekidze lisaavira lyomwoyo gwigwe: mu madiku gekiheri mu la manya likuva yili bulahi.

Jeremia 25:13

Nda leta ku kivala yikyo makuva gange gosi aga nda vola kukyo, kali gosi aga ng'odwa mu kitabu yiki, aga Jeremia ya profeta ku tsihiri yitsyo tsyosi.

Ezekieli 24:14

Inze, Yahova, mmali kuvola: ga la va na inze nda ga kola; si ndirana inyima, kandi si nda vererera, kandi si ndeganira; kuli tsinzira tsitsyo, kuli vikolwa vivyo, ni ndiyo va la ku kalagira, Mwami Nyasaye a vola.

Amosi 6:11

Kigira, henza, Yahova u haani lilaga, ku inyumba inene i la duywa i syavuke, nenyumba inkekeke i la duywa yadike.

Zekaria 1:6

Navutswa makuva gange na malago gange, ga nda laga avaprofeti avatumekiri vange, si ga nyola avadada venyu yavo? Navo va girunkannya nokuvola, Kuli Yahova wa rnahe ya saavira kukukolera, kuli tsinzira tsyetu, kuli vikolwa vyetu, ni ndiyo ya ku kolera.

Livalidza 23:19

Nyasaye si a veye mundu, a vole ububehi, Kandi si a veye mwana womundu, yeganire: A vole, ma a vule kukola? Kinga u tivuye likuva, na a la vula kulidukidza?

Matayo 24:35

Ligulu nelirova li la vita, navutswa amakuva gange si ga li vita mba.

Yohana 6:63

Ni roho gu haana livamwoyo; inyama yomubiri si i konya kindu: amakuva ga mmu voleye ga veye roho, kandi livamwoyo.

Varumi 10:17

Kunangwa na ndiyo lisuuvira li dukira ku lihulira, nelihulira li dukira ku likuva lya Kristo.

1 Vakorintho 1:18

Kigira likuva lyomusalaba li veye ubusiru ku yavo ava divanga: navutswa ku kwinye ava honnyangwa nalyo li veye tsingulu tsya Nyasaye.

Kwidzulitsa 32:2

Amegidzo gange ga la sunduka kuli imbula; Namakuva gange ga la tonyatonya kuli lime, Kandi kuli lumanyangoko ku ubulimu buvisi, Na kuli ulunyirira ku tsingutsa.

1 Vatesalonike 2:13

Kigira yaga kwinye kandi ku santidzanga Nyasaye bugira kulekera, kigira lwa mwa nyola ku kwinye likuva lyobutumwa nalyo ni likuva lya Nyasaye, mwinye si mwa li gumira kuli li veye likuva lyavandu, navutswa kuli li veye ligali likuva lya Nyasaye, li kola kandi mu mwinye ava suuvira.

Vahebraina 6:7

Kigira lirova li nwedzanga imbula i kupanga hali kanyingi kulyo, kandi li meranga tsingutsa tsi dukiranga yava ava limirangwa, li nyolanga ubugasu bwa Nyasaye;

Yakobo 1:18

Ku liyanza lilye mwene u kwivuye nelikuva lyeligali, ku duke kuva kuli ubuhya bwevilombe vivye.

1 Petro 1:23

Mwivuywi hali kaviri, si li veye ku tsinzoli tsyonekanga, navutswa ku tsi toneka, ku likuva lya Nyasaye, li veye mwoyo nokuhindira.

1 Samweli 3:19

Na Samweli ya viruka, na yahova ya li halala naye, na si a leka kindu kali kilala ku makuva gege kugwa hasi.