Isaya 54:9 - KITABU KITAKATIFU

⁹ Kigira inkuva yiyi i gwiye kuli amadzi ga Nuhu ku inze; kigira kuli ndisuha amadzi ga Nuhu ga la vula kutsia ku lirova kandi, ni ndiyo ndisuha si nda va nobutima ku ive, kinga kukugondokera.

Isaya 54:9 ပူးပေါင်းရင်းမြစ်များ

Litanga 8:21

Na Yahova ya hulira mwayu munolu; na Yahova ya vola mmwoyo gwigwe, Si nda laama lirova kandi kigira avandu, kigira tsiganagani tsyomwoyo gwavandu tsi veye tsindamano kutwula bwana boke; kandi si nda kuya kandi vyosi vi veye mwoyo, kuli nda kola.

Ayubu 11:16

Kigira u livirira kivi kikyo; U la kidzulira kuli widzuliranoa madzi ga vita.

Zaburi 104:9

U ga lombeye ulwako lwa ga ta nyala kuvita; Ga vule kwirana kandi kukunika lirova.

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 49:18

Ginga tsimoni tsitsyo, u henza tsimbega tsyosi: yavo vosi avevungidza halala vadzanga ku ive. Kuli inze mbeye mwoyo, Yahova a vola, ligali ive u livika yava vosi kuli kwivika kiju kyobukumi, nokweboha yava, kuli mwiha.

Isaya 51:22

Mwami wowo Yahova, Nyasaye wowo u verera avandu veve makuva gavo, a vola, Henza, inze ntwulidzi ku mukono gugwo kikombe kyokudegeridza, na maseke gekikombe kyobutima bwange; ive si u la nwa ku yiki kandi mba:

Isaya 51:6

Mu ginge tsimoni tsyenyu mu henze ligulu, kandi mu henze kivala kya hasi; kigira migulu mu la vuya kuli mwoki, na kivala ki la kunguha kuli ingubo, na va menyanga ku va la kudza kuli ndiyo: navutswa ubuhonnyi bwange bu la va bwemihigane mihiga, nobulungi bwange si bu la tsyomwa hasi.

Isaya 51:8

Kigira isere i la va lia kuli i litsanga ingubo, na ing'ende i la va lia kuli i litsanga ubwoya bweligondi; navutswa ubulungi bwange bu la va bwemihiga nemihiga, nobuhonnyi bwange bu la duka ku makula gosi.

Isaya 55:11

ni ndiyo likuva lyange li la va li twulanga munwa gwange: si li lirana ku inze lyere, navutswa li la dukidza aga nyenyanga, na li la gasidzwa mu inkuva ya nda li tuma ku.

Isaya 62:8

Yahova wisuhi nomukono gwigwe mulungi, nomukono gwetsingulu tsitsye, Ligali inze si nda haana kandi ku vasigu vovo ubuswage bubwo kuva vyokulia vyavo; avageni si va la nwa iwaini yoyo, ya mwinye mwa yinzira:

Jeremia 31:37

Yahova a vola: Ligulu li veye igulu ni i va gyi nyala kugerwa, nemise gyelirova ni i va gyi nyala kuvulika hasi, hene yaho nda ta kisukululwi kyosi kya Israeli kigira yaga gosi aga va koli, Yahova a vola.

Ezekieli 16:42

Ni ndiyo ndigutidza ubutima bwange ku ive, nelikendeka lyange li la twula ku ive, na nda sosa, si nda va nobutima kandi mba.

Ezekieli 39:20

Na mu liguta ha meza yange tsiparasi namagari gobulwani, navobunyali, na vosi avobulwani Mwami Nyasaye a vola.

Ezekieli 39:29

kandi si nda visa mmoni mwange kuvo kandi mba; kigira mmali kutsuka Roho wange ku inyumba ya Israeli, Mwami Nyasaye a vola.