Isaya 54:8 - KITABU KITAKATIFU

⁸ Ku livihirirwa lya vita kigero nda ku visa mmoni mwange ku idakika indala; navutswa ku bulahi bu hongeranga mihiga nemihiga nda ku vererera, Yahova Mutungiri wowo a vola.

Isaya 54:8 ပူးပေါင်းရင်းမြစ်များ

Zaburi 103:17

Na ha zana si ha li ki manya kandi mba. Navutswa tsimbabasi tsya Yahova kutwula mihiga nemihiga kuduka mihiga nemihiga tsi veye ku yavo ava mu tidzanga, Na ubulungi bwibwe bu veye ku avana va avana vavo;

Zaburi 103:4

U bohololanga livamwoyo lilyo ku ubudivi; U ku vikanga itaji yetsimbabasi tsyobuyanzi na livererwa lilahi;

Zaburi 13:1

Tsinyinga tsyanga, O Yahova, u la nzivirira kazozo? U livisa mumoni mumwo ku inze tsinyinga tsyanga?

Zaburi 27:9

U tivisa ku inze mumoni mu mwo; U tesegana mutumekiri wowo nobutima: Ive wa li ubuhonnyi bwange; U ta sula inze, kinga kundeka, O Nyasaye wobuhonnyi bwange.

Zaburi 30:5

Kigira ubutima bwibwe bu veye bwedagika indala vutswa Tsimbabasi tsitsye tsi veye tsyamadiku gosi gelivamwoyo; Namusia lilira li la va ho ubudiku Navutswa mugamba ubusangali bulavaho.

Isaya 14:1

Kigira Yahova a la vererera Yakobo, na a la tovola Israeli, na a la va vika mu kivala kyavo: na mumenya a la hambana navo, va la hambana nenyumba ya Yakobo.

Isaya 26:20

Hambi, mwinye avandu vange, wingire mu tsinyumba tsitsyo, u hane miliango gyigyo ku ive: wivise inyinga inkekeke, kuduka lwa kivi ki viti.

Isaya 40:27

Kigira ki, O Yakobo, u vola, na ive Israeli u vola, Inzira yange i viswa ku Yahova, nelikalaga lya ndukana nalyo lya vita kutwula ku Nyasaye wange?

Isaya 45:15

Ligali ive u veye Nyasaye wivisanga mwene, O Nyasaye wa Israeli, Muhonyi.

Isaya 47:6

Nda vihirirwa avandu vange, nda vika ubudamano ku miyandu gyange, nda va vika mmu kono gugwo; ive wa vula kuvavererera; na wa vika inira yoyo ku vasakulu nobuliduhu ligali.

Isaya 48:17

Yahova, Mutungiri wowo, Mutakatifu wa Israeli, a vola ndi: Inze mbeye Yahova Nyasaye wowo, u kwegidzanga kunyola vyambeti, ukwimiriranga mu inzira i ku dukiranga kugenda kuyo.

Isaya 49:10

Si va la lola inzala kandi si va la va nobuluhu; kandi uluya kinga liuva si i la va samba: kigira uyu wa va vemrera a la vimirira, na a la va hila himbi visenukiru vyamadzi.

Isaya 49:13

Mwimbe, mwinye ligulu; u sangale, ive lirova; mu leterere tsinyimbu, mwinye vigulu: kigira Yahova u mali kuleminya avandu veve mwoyo, na a la vererera avandu veve ava dambidzwa.

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Isaya 54:10

Kigira vigulu vi la twula, notugulu tu ladikidzwa; navutswa tsimbabasi tsyobuyanzi bwange si tsi la twula ku ive mba, nelilagana lyemirembe lyange si li la twulidzwa mba, Yahova a vola, uyu u vererera Ive.

Isaya 54:5

Kigira Mulombi wowo a veye musatsa wowo; Yahova wa mahe ni lieta lilye: Mutakatifu wa Israeli a veye Mutu ngiri wowo; a la langwa Nyasaye welirova lyosi.

Isaya 55:3

Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Isaya 55:7

mudamano a leke inzira yeye, nomundu u ta li mulungi a leke tsi ganagani tsitsye; yirane ku Yahova, naye a la mbererera; yirane ku Nya saye wetu, naye a la mu sameha ligali.

Isaya 60:10

Na vageni va lombaka madigi gogo, na avami vavo va la ku tumekira; kigira mbutima bwange nda ku kuya, navutswa mbuyanzi bwange nda ku vera tsimbabasi.

Isaya 63:7

Nda vola tsimbabasi tsyobuyanzi bwa Yahova, na lidzominywa lya Yahova, kuli gosi ga Yahova ya ku kolera, nobunyingi bwobulahi bwibwe ku inyumba ya Israeli, bwa ya vika kuvo kuli tsimbabasi tsitsye, na kuli bunyingi bwetsimbabasi tsyobuyanzi bwibwe.

Isaya 64:7

Kandi si ha veye nomulala waniranga lieta lilyo, wetsuvanga a gumire ive: kigira u visi mmoni mumwo ku kwinye, nokukudividza nobudamano bwetu.

Isaya 8:17

Na nda lindirira Yahova, uyu u visanga mmoni mwi mwe ku inyumba ya Yakobo, na nda mhenzererera.

Jeremia 31:3

Yahova ya loleka ku inze ku matsyambiri, ni ya mbolera, Yee, nku yanzi nobuyanzi bwemihiga nemihiga: kigira yaga mali kukukwesa netsimbabasi tsyo ubuyanzi bwange.

Jeremia 33:26

hene yaho nda ta kisukululwi kya Yakobo, nekya Daudi mutumekiri wange, nduhe mbule kuvugula ku kisukululwi kikye ava lyameha ku kisukululwi kikye kya Abrahamu, na Isaka, na Yakobo; kigira ndirannya lyadikidzwa lyavo, na nda va vererera.

Jeremia 51:5

Kigira Israeli si ya lekwa, kinga Yuda, na Nyasaye wewe, Yahova wa mahe; kali kivala kyavo kizuye ubwoni ku Mutakatifu wa Israeli.

Ezekieli 39:29

kandi si nda visa mmoni mwange kuvo kandi mba; kigira mmali kutsuka Roho wange ku inyumba ya Israeli, Mwami Nyasaye a vola.

Habakuk 3:2

O Yahova, mbuliye makuva gogo, na mbeye nobutii: O Yahova, u simugukidze miyinzi gyigyo hagati hemihiga; Hagati hemihiga landidza makuva Mu butima bubwo widzulitse tsimbabasi.

Zekaria 1:15

Ndunyira ligali tsihiri tsi veye nelyelemeridza; kigira nda li ni mba dunyira hakekeke, na vutswa yavo va meda lidambidza.

Zekaria 1:16

Kigira yaga Yahova a vola: Mmali kwirana ku Yerusalemi netsi mbabasi; inyumba yange i lombakwa mulyo, Yahova wa mahe a vola, nomugoye gu la nyirwa ku Yerusa lemi.

Zekaria 10:6

Na nda vika tsingulu ku inyumba ya Yuda, na nda honnya inyumba ya Yosefa, na nda galukidza yavo kandi; kigira mba vereye tsimbabasi; navo va la va kuli ava nda vula kuta: kigira mbeye Yahova Nyasaye wavo nda va hulira.

2 Vatesalonike 2:16

Kalunu Mwami wetu Yesu Kristo mwene, na Nyasaye Dada wetu wa ku yanza na a ku ha kilema mwoyo kyemihiga nemihiga nelisuuvira lilahi mu tsimbabasi,

1 Timoteo 1:16

navutswa kigira yaga nda nyola tsimbabasi, ku inze u veye munene, Yesu Kristo a duke kulang'aminya ubwikudziri bwibwe bwosi, nduke kuva kyokuhenzera ku kya yavo ava li duka kumusuuvira lwenyima va nyole livamwoyo li ta hera mba.