Isaya 54:13 - KITABU KITAKATIFU

¹³ Na avana vovo vosi va legidzwa ku Yahova; nemirembe gyavana vovo gyi la va minene.

Isaya 54:13 ပူးပေါင်းရင်းမြစ်များ

Zaburi 119:165

Ava yanzanga itorati yoyo va veye nemirembe minene; Na si va veye nekyokwikigitalidza.

Zaburi 119:33

O Yahova, u nzegidze inzira ya malago gogo; Na nda gi gumira kuduka ku kiheri.

Zaburi 147:14

A kola tsinzako kuva mirembe; A kwigutidzanga nengano indahi ligali.

Zaburi 71:17

O Nyasaye, ive u nzegidzi kutwula bwana buke; Nokuduka kalunu nandidzanga makuva gevikolwa vivyo vyokugenya.

Isaya 11:9

Si va la saleridzana, kinga kwononnya mu kigulu kyange kitakatifu kyosi; kigira lirova li liizula limanya Yahova, kuli amadzi ga kunikanga inyanza.

Isaya 2:3

Na tsihiri tsinyingi tsyavandu va la tsia noku vola, Hambi kwanegire, kutsia ku kigulu kya Yahova, kutsia ku inyumba ya Nyasaye wa Yakobo; na a la kwegidza mu tsinzira tsitsye, ku la genda mu tsinzira tsitsye: kigira amalago ga la twula mu Zioni, na likuva lya Yahova li la twula mu Yerusalemi.

Isaya 26:3

Ive u la mu linda a ve mu mirembe midukiru, wetsiganagani tsitsye tsya dinyeridzwa ku ive; kigira a suuviranga ku ive.

Isaya 28:9

A legidza bwaha limanya? A la mannya bwaha megidzo? Ni yavo ava luguhira, nokutwulidzwa ku tsimbeere?

Isaya 29:24

Na yavo ava hyolanga mu myoyo gyavo va la nyola li manya, na yavo va monyanga va legidzwa megidzo.

Isaya 48:18

Nkano wa ka hulira amalago gange hene yaho mirembe gyigyo nkano gya ka va kuli mugera, nobulungi bubwo kuli viguvuli vyenyanza:

Isaya 50:4

Yahova Nyasaye u mali kumba ululimi lwa yavo avegidzwa, nduke kumanya kuli nyala kukonya namakuva gange uyu u luhi: a vukidzanga mugamba nomugamba, a vukidzanga ugutu gwange kuhulira kuli yavo avegidzwa.

Isaya 54:12

Na nda lomba madirisha gogo namagina makanyu, neviribwa vivyo vi la va mang'ereng'anu, netsinzako tsitsyo tsyosi tsi la va magina ga yanzidzanga.

Isaya 55:12

Kigira mu la twula nobuyanzi, nokwimirirwa nemirembe: vigulu notugulu vi laleta tsinyimbu nokwimba imbiri wenyu, nemisala gyosi gyommilimi gyi la kong'onda mikono.

Isaya 66:12

Kigira Yahova a vola ndi, Henza, nda meda kuye mirembe kuli mugera, nobukumi bwa vetsihiri kuli mugera gwizuye: na mu la nuna kugwo; mu la hagatwa, nokukinywa ku magulu.

Jeremia 31:34

Navo va la vula kwegidzana mundu sa mulala nowakye, kandi mundu sa mulala namwavo wewe, kuvola, Mu manye Yahova; kigira va la manya inze vosi, kutwula ku muke wavo kuduka ku munene wavo, Yahova a vola: kigira nda sameha ubudamano bwavo, nobwoni bwavo si nda bwidzulitsa kandi mba.

Jeremia 33:6

Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

Ezekieli 34:25

Na nda kola lilagana lyemirembe halala navo, na nda heridza tsinyama tsindamano tsi vule kuva kandi mu kivala yikyo; va la menya nemirembe mwigendanyama, nokugona mmulitu.

Ezekieli 34:28

Na si va la va vilanye vyetsihiri kandi, kandi tsinyama tsyekivala si tsi la va lia kandi mba; navutswa va la menya nemirembe, na si ha la va no nyala kuvatihidza.

Ezekieli 37:26

Kandi nda kola lilagana lyemirembe halala navo; li la va lila gana lyemihiga nemihiga halala navo; nda va vika bulahi, nokuvameda, nda singeridza hatakatifu hange hagati havo mihiga nemihiga.

Hosea 2:18

Na ku lidiku yilyo nda va kolera lilagana netsinyama tsyomwigendanyama, na manyonyi go mbwerefu, nevindu vi molanga hasi: na nda vunannya ubuta nekivavi nobulwani vi twule mu kivala yikyo, nda va kola va gone hasi nemirembe.

Mika 4:2

Na tsihiri tsinyingi va la tsia nokuvola, Hambi mwinye kwanegire ku kigulu kya Yahova noku inyumba ya Nyasaye wa Yakobo; naye a la kwegidza tsinzira tsitsye, na ku la genda mu tsinzira tsitsye. Kigira lilaga li la twula Zioni, na likuva lya Yahova li la twula Yerusalemi;

Zekaria 10:7

Na yavo va Efiraim va la va kuli mundu wobunyali, myoyo gyavo gyi la sangala kuli gyi veye newaini; yee, avana vavo va la lola inkuva yiyi, na va la sangala; myoyo gyavo gyi la sangala mu Yahova.

Matayo 16:17

Yesu ya tivula, na a mu volera, U veye nobugasu, Simoni wa Jona: kigira inyama namasahi si ga ku vuulira mba, navutswa Dada wange womi gulu.

Luka 24:45

Hene yaho ya va kunulira ubugeeri bwavo, va duke kumanya mang'oda;

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Yohana 6:45

Ga ng'odwa mu vi tabu vya vaprofeti, Vosi va legidzwa na Nyasaye. Sa mulala u hulira Dada wange, ni yega, yadza ku inze.

Vikolwa 2:39

Kigira lisuuviridza yili li veye ku mwinye, noku vana venyu, noku vosi ava veye hale, ku vosi vo Mwami Nyasaye wetu a la langa vadze kuye.

Varumi 14:17

kigira ubwami bwa Nyasaye si bu veye kulia nokunwa, navutswa bu veye ubulungi nemirembe nobuyanzi mu Roho Mutakatifu.

Varumi 15:13

Kalunu Nyasaye welisuuviridzwa a mwizulitse ubuyanzi bwosi nemirembe mu lisuuvira, mu duke kukira lisuuviridzwa, mu tsingulu tsya Roho Mutakatifu.

Varumi 5:1

Kunangwa ku mali kulungekidzwa kigira lisuuvira, ku veye nemirembe na Nyasaye kigira Mwami wetu Yesu Kristo.

1 Vakorintho 2:10

Navutswa Nyasaye ya ku vuulira ku Roho: kigira Roho yidera vindu vyosi; yee, kuduka ku vindu vya Nyasaye vyoluliva.

Vagalatia 5:22

Navutswa likuyu lya Roho li veye ubuyanzi, nobusangali, nemirembe, nobwikudziri, netsimbabasi, nobulungi, nobusuuvirifu,

Vafeso 4:21

Ni mba ni mu mu hulira nokwegidzwa muye, kuli ageligali ga veye mu Yesu:

Vafilipi 4:7

Nemirembe gya Nyasaye, gyi vitanga limanya lyosi, gyi la linda myoyo gyenyu netsiganagani tsyenyu mu Kristo Yesu.

1 Vatesalonike 4:9

Navutswa mu buyanzani bwavamwavo si mu veye nelyenya inze mmu ng'odere: kigira mwinye avene Nyasaye u mali kumwegidza kuyanzana avene navene;

Vahebraina 8:10

Kigira yili nilyo lilagana lya ndi kolera inyumba ya Israeli Inyima wa madiku yago, Mwami a vola; Nda vika lilaga lyange mu myoyo gyavo, Kandi nda li ng'oda mu myoyo gyavo: Na inze nda va kuvo Nyasaye, Navo va la va ku inze avandu

Vahebraina 8:11

Kandi si va legidzana mundu sa mulala nowakye, Kandi mundu sa mulala na amwavo wewe, a vole, Manya Mwami Kigira vosi va la manya inze, Kutwula ku mukekeke kuduka ku munene kuvo.

1 Yohana 2:20

Navutswa mwinye mu veye nelivakwa li twula ku Mutakatifu, kandi mu manya gosi.

1 Yohana 2:27

Navutswa mwinye, livaka lya mwa nyola kuye li menya mu mwinye, kandi si mwenya mundu kali mulala kumwegidza; navutswa kuli livaka lilye li mwegidza ku vindu vyosi, kandi li veye lyeligali, kandi si li veye lyobubehi, kandi kuli wa lya mwegidza mu menya muye.