Isaya 54:11 - KITABU KITAKATIFU

¹¹ O ive welidambidzwa, u sung'usangwanekihi, u vula kuleminywa mwoyo, henza, nda vika magina gogo mu tsirangi tsindahi, na nda tema muse gugwo netsisafiro.

Isaya 54:11 ပူးပေါင်းရင်းမြစ်များ

1 Avami 5:17

Nomwami ya laga, navo va vadza magina manene, magina gobuguli budinyu, a duke kutema muse gwenyumba namagina ga vadzwa.

1 Avami 6:30

Na hasi henyumba ya kunika nethahabu mugati ne kyova:

1 Kyetsinyinga 29:2

Henza, inze nombi nobunyali bwange bwosi vindu vyenyumba yiyi ya Nyasaye wange, ithahabu yevindu vyethahabu, na ifetha yevindu vyefetha, na mugasa gwevindu vyomugasa, na kivya kyevind u vyekivya na misala gyevind u vyemisala, na magina ga iberulo, na magina gokuvikwa, na magina gekibaala, na magina gamagondo lugano, na magina gobuguli budinyu ku tsing'ano tsyosi, na magina malavu ligali manyingi.

2 Kyetsinyinga 3:6

Na yala mu inyumba amagina gobuguli budinyu i ve indahi: na ithahabu ya li ya Paravaim.

Ayubu 28:16

Si li la gerwa ku ithahabu ya Ofiru mba, Kinga ku iberulo yobuguli budinyu kinga ku isafiro.

Zaburi 34:19

Avalungi va veye nevivi vinyingi; Navutswa Yahova a mu honnyanga ku vyosi.

Kutwula 2:23

Kunangwa inyima wa madiku yago manyingi, mwami wa Egepeti ya kudza: na avana va Israeli va kenva kigira ubutugwa, na va lira na lilira lyavo lya duka imbiri wa Nyasaye kigira ubutugwa.

Kutwula 24:10

navo va lola Nyasaye wa Israeli; na isi wevirenge vivye ha li kuli lilombwa lya magina gesafiro, na amalengeru kuli ligulu lyene.

Kutwula 3:2

Na ingelosi wa Yahova ya loleka kuye mu lumemo lwomuliru, lwa li hagati ha kasala: naye ya lola, na henza, kasala kaaduka muliru, na kasala ka vula kuhya.

Kutwula 3:7

Na Yahova ya vola, Ligali ndoli ubusaliri bwa avandu vange, ava veye mu Egepeti, na mbuliye lilira lyavo kigira ava va singiriranga; kigira mmanya buvereri bwavo;

Lwimbu lwa Solomoni 5:14

Makono gege ga veye kuli tsimingiri tsyethahabu tsya handidzwa ku zumaradi: Mubiri gwigwe gu veye kuli lino lyenzogu lya handidzwa ku isafiru inyingi.

Isaya 14:32

Kunangwa mundu a la tivulira ndi avatumwa vehiri? A la vola, Yahova u temi muse gwa Zioni, na yavo va dambidzwa mu avandu veve va lirukira yo.

Isaya 28:16

kunangwa kigira yaga Yahova Nyasaye a vola, Henza, mbikanga ligina mu Zioni li duke kuva muse, li veye ligina lya geridzwa, li ve ligina lyolwiga lwomuse, lyobuguli budinyu: na uyu u suuvira a ta kola bwangu.

Isaya 44:28

u volanga ku uyu Kurusi, A veye mwayi wange, na a la kola aga nyanzanga gosi: kali kuvola ku Yerusalemi, U lombakwu; noku litempeli, Umuse gugwo gu la temwa.

Isaya 49:14

Navutswa Zioni lya vola, Yahova u mali kusyuva inze, na Mwami u nziviriye.

Isaya 51:21

Kunangwa kigira yaga hulira likuva yili, ive wokusaliridzwa, wa hambika, navutswa si ga veye newaini:

Isaya 51:23

nda ki vika mu makono ga yavo ava dambidzanga ive, ava volera mwoyo gugwo, Yinama hasi, kuduka ku sirire ku ivena ive u vike mugongo gugwo kuli marova, kuli inzira, ku yavo ava vitanga ku ive.

Isaya 54:12

Na nda lomba madirisha gogo namagina makanyu, neviribwa vivyo vi la va mang'ereng'anu, netsinzako tsitsyo tsyosi tsi la va magina ga yanzidzanga.

Isaya 54:6

Kigira Yahova u ku langi kuli mukali wa lekwa nokuvereridzwa mmwoyo, kuli mukali musuhya, inyinga a kungangwa, Nyasaye wowo a vola.

Isaya 60:15

Kuli wa lekwa nokudunyirwa, kuduka ni ha vula kuva nomundu wa vita hagati hoho, nda ku kola u ve ubunene bwemihiga nemihiga, ubusangali bwa makula manyingi.

Jeremia 30:17

Kigira inze ndirannya ku ive ubulamu bubwo, nda ku honnya tsing'oma tsitsyo, Yahova a vola; kigira va ku langa wakungwa, ua rola, Liveye Zioni, li ta veye ho nomundu u lyenyanga.

Lisyoma lya Jeremia 1:21

Va huliye nkenyanga; si ha veye nomundu kali mulala wokuneminya mwoyo; Avasigu vange vosi va hulira kivi kya ngwira; va sangalanga kigira nive wa kola yaga: Ive u la leta lidiku lya wa landidza makuva galyo, navo va la leng'ana ninze.

Ezekieli 1:26

Na igulu wobwerefu bwa li igulu wemitwe gyavyo ha li nelifwanana lyentebe yobwami, liloleka lyayo lya li ku liloleka lyeligina lya isafiro; noku lifwanana lyentebe yobwami zana ha li nelifwanana lyomundu kuyo.

Ezekieli 10:1

Hene yaho nda lola, henza, mu bwerefu bwa li igulu womutwe gwa vakerubi ha loleka igulu wavo kindu kuli ligina lya isafiro, na liloleka lyalyo lya li kuli intebe yobwami.

Mika 7:11

Li veye lidiku lyokwombaka madigi gogo, mu lidiku lilyo lilaga li la hilwa ihale.

Matayo 8:24

Kandi henza, kihudzudzi kinene kya huudza mu inyanza, ne viguvuli vi luha vi duka kukunika liato: navutswa ya li na a gona tsindolo.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

Vafeso 2:20

kigira mwombakeywi mmuse gwavatumwa nava profeti, Kristo Yesu mwene a veye ligina lyolwiga linene;

Kwidzulitsa 31:17

Hene yaho ubutima bwange bu laaka kuvo lidiku yilyo, na nda va leka, na nda visa mmoni mwange kuvo, va duke kumirwa, nobudamano bunyingi nekivi vi la duka kuvo, kuduka va vole lidiku yilyo, Ubudamano bunyingi yibu bu duki ku kwinye si ga veye kigira Nyasaye wetu si a veye hagati hetu?