Isaya 53:6 - KITABU KITAKATIFU

⁶ Kwinye kwosi ku goti kuli magondi; ku girunkani sa mulala a londa inzira yeye; na Yahova a mu dwika ubudamano bwetu kwosi.

Isaya 53:6 ပူးပေါင်းရင်းမြစ်များ

Litanga 22:6

Na Abrahamu ya vugula tsinku tsyekihaanwa kyokusambwa, na a dwika Isaka mwana wewe; naye ya ginga mmukono gwigwe muliru nombano; navo vombi va tsia halala.

Zaburi 119:176

Ngoti kuli ligondi lya gota; wenye mutumekiri wowo Kigira si nzivirira malago gogo mba.

Zaburi 69:4

Yavo ava ndunyira bugira kivune va veye avanyingi kuvita lisu lyomutwe gwange: Yavo avenya kundividza, va veye avasigu vange nobugadi, va veye avetsingulu: Ma ndirannya kya nda vula kuhila.

Isaya 40:2

Mu volere Yerusalemi agokuleminya; mu hanzuke kulyo, mu vole, ubulwani bwalyo bu heri, mahyolo gege ga sameheywi, u vuguye mu mukono gwa Yahova hali kaviri kigira ubwoni bwibwe bwosi.

Isaya 53:10

Navutswa ga yanzidza Yahova kumukuya; ya mu vereridza: lwa u kola mwoyo gwigwe kuva kyokusayasayira ubwoni, a la lola kisukululwi kikye, a la meda madiku gege, na ga Yahova a yanza ga la gasidzwa mmukono gwigwe.

Isaya 53:11

A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.

Isaya 53:12

Kigira yaga nda mu gavulira kidieli halala na vanene, naye a la gavula vilanye halala na vetsingulu; kigira ya sundula livamwoyo lilye kuduka ku likudza, naye ya validzwa halala na vahyolanga: halala na yaga ya ginga ubwoni bwa vanyingi, kandi ya saalira yavo ava hyolanga.

Isaya 53:5

Navutswa ya tumitwa kigira ubwoni bwetu, na ya kindukira budamano bwetu; nelikuywa lyemirembe gyetu lya gwa kuye, ku tsinkavaala tsitsye kwinye ku honnywa.

Isaya 53:7

Ya dambidzwa, navutswa lwa ya saliridzwa si ya kunula munwa gwigwe; kuli mwana weligondi ya hilwa kwiitwa, kandi kuli ligondi li kiring'ana imbiri wa yavo ava kalaganga bwoya, si ya kunula munwa gwigwe mba.

Isaya 55:7

mudamano a leke inzira yeye, nomundu u ta li mulungi a leke tsi ganagani tsitsye; yirane ku Yahova, naye a la mbererera; yirane ku Nya saye wetu, naye a la mu sameha ligali.

Isaya 55:8

Kigira tsiganagani tsyange si tsi veye tsiganagani tsyenyu, na tsinzira tsyenyu si tsi veye tsinzira tsyange mba, Yahova a vola.

Isaya 56:11

Yee, tsimbwa yitsyo tsi veye tsimpuvali kazozo, si tsi nyola liguta mba; kandi yava va veye avayi ava ta manya kindu: va girunkani sa mulala kulonda inzira yeye mwene, sa mulala ku vyambeti vivye, kutwula ku tsimbega tsyosi.

Isaya 6:7

na ya dira munwa gwange nelianda zana, na ya mbolera, Henza, yili li ku diye minwa gyigyo; ubudamano bubwo bu twu lidzeywi, nobwoni bubwo bu same heywi.

Isaya 66:3

Uyu wiita ing'ombe a veye kuli wiiti mundu; uyu u haana kihaanwa kyeligondi a veye kuli uvunannya ligoti lyembwa; na uyu u haananga kihaanwa kyokunwa, a veye kuli u haananga masahi gempidzi na u vuyidzanga kimuli, a veye kuli u gasidzanga kifwananyi. Yee, va tovoye tsinzira tsyavo avene, na mwoyo gwavo gu sangalira livihiridza lyavo:

Jeremia 50:6

Avandu vange va li amagondi ga gota: avayi vago va ga gotidzi; ga tsie kugendagenda; va ga girunkannyi ga tsie mu vigulu: ga tsiye kutwula mkigulu kuduka mu kagulu; giviriye hango hago hokusosa.

Ezekieli 3:18

Lwa inze mbolera mudamano, ligali u la kudza; na ive nu u vula kumugerehidza kinga nu u ta vola likuva lyokugerehidza mudamano kuleka inzira yeye indamano, a duke kuhonnya liva mwoyo lilye; uyu mudamano a la kudzira mu budamano bwibwe; navutswa masahi gege nda ga vanza mmukono gugwo.

Danyeli 9:5

kwinye kwoni, nokukyaminya amakuva, nokukola ubudamano, nokwebaala, kuduka ku goveye kutwula ku megidzo gogo, na amalago gogo;

Varumi 4:25

wa haanwa kigira lihyola lyetu, kandi ya simugukidzwa kigira lilungekidzwa lyetu.

Yakobo 5:20

a manye uyu u girunkannya mwoni kutwula mu ligovera lyenzira yeye, a la honnya mwoyo gwomundu mu likudza, nokukunika ubwoni bunyingi.

1 Petro 2:25

Kigira mwa li mwa gota kuli magondi; navutswa kalunu mwirani ku Mwayi no Muhenzi wemyoyo gyenyu.

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.

Vakalagi 21:25

Mmadiku yago si ha li nomwami mu Israeli: mundu sa mulala ya kola aga veye malahi imbiri wetsimoni tsitsye mwene.