Isaya 53:12 - KITABU KITAKATIFU

¹² Kigira yaga nda mu gavulira kidieli halala na vanene, naye a la gavula vilanye halala na vetsingulu; kigira ya sundula livamwoyo lilye kuduka ku likudza, naye ya validzwa halala na vahyolanga: halala na yaga ya ginga ubwoni bwa vanyingi, kandi ya saalira yavo ava hyolanga.

Isaya 53:12 ပူးပေါင်းရင်းမြစ်များ

Litanga 3:15

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

Ayubu 30:16

Na kalunu mwoyo gwange gu tsukeywi mu inze Madiku gobusaliri ga ng'umeywiligali.

Zaburi 2:8

U nteve, na nda ku ha tsihiri tsi ve miyandu gyigyo, Na vyekiheri kyelirova kuva vivyo.

Zaburi 22:14

Inze nsunduywe kuli amadzi, Na vigumba vyange vyosi vi teguki: Mwoyo gwange gu veye kuli masang'asa; Gu salulukidzeywi mu mala gange.

Kutwula 15:9

Musigu ya vola, Nda londerera, nda nyola, nda gavanya vilanye; Lyenya lyange li la yanzidzwa kuvo; Nda somola kivavi kyange, mukono gwange gu la va dividza.

Isaya 49:4

Navutswa inze nda vola, Nda nyankana vutswa ku miyinzi, nda tumekira tsingulu tsyange vutswa, bugira kukonya kindu; halala na yaga likalagirwa lyange li veye ku Yahova, litungwa lyange li veye ku Nyasaye wange.

Isaya 52:13

Henza, mutumekiri wange a la kola nobugeeri, a la kuminywa nokugingwa igulu, a la va igulu ligali.

Isaya 52:15

ni ndiyo a la sama tsihiri tsinyingi; avami va la kunika minwa gyavo kuye: kigira vindu vya va vula kuvolerwa va la vi lola; na ga va vula kuhulira va la ga manya.

Isaya 53:6

Kwinye kwosi ku goti kuli magondi; ku girunkani sa mulala a londa inzira yeye; na Yahova a mu dwika ubudamano bwetu kwosi.

Isaya 53:8

Nelidambidzanelikalagirwa vya mu twulidza; nomu likula lilye, ibwaha wa manya u twulidzeywi mu kivala kya va veye mwoyo, kigira mahyolo gavandu vange ava dukana neliduywa?

Danyeli 2:45

Kuli ive wa lola ligina lya twulidzwa ku kigulu bugira makono, na lya donyannya kivya, nomugasa, nobudohi, nefetha, nethahabu; Nyasaye munene u mannyi mwami amakuva gevindu vi li va ho mu madiku gadzanga: na liloto li veye lyeligali, na livuula li veye lyeligali.

Matayo 26:42

Ya tsia kandi na a saala, na a vola, Dada wange, ni ga ta nyalika kikombe yiki ki mbite, mbule kukinwa, ubulaliri bubwo bu kolwe.

Marko 15:27

Va bamba halala naye avivi vaviri; mulala ha mkono mu lungi, nowundi ha mkono mmosi.

Marko 15:28

Kandi ling'oda lya dukidzwa, li vola, Ya validzwa halala na avoni.

Luka 22:37

Kigira mmu volera, Yago aga ng'odwa, ga niga ga dukidzwe ku inze, Naye ya validzwa halala navoni: kigira aga veye ku inze ga veye neliduka.

Luka 23:25

Kandi ya boholola uyu wa vikwa mu inyumba yavahambe kigira ligemehidza neliita, uyu wa va saava; navutswa ya haana Yesu a kolwe kuli wa va yanza.

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

Varumi 8:34

uyu ni bwaha u kalaga likalaga lyobwoni? Ni Kristo Yesu wa kudza, yee ligali, uyu wa simugukidzwa kutwula mu vakudzu, u veye ha mukono mulungi gwa Nyasaye, kandi niye u ku saaliranga.

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vafilipi 2:17

Yee, ni ntsukwa ku isadaka noku butumwa bwelisuuvira lyenyu, nsangala, kandi nsangala halala na mwinye mwosi:

Vakolosai 2:15

U guuti ubunene netsingulu, u vi lang'aminyi habulavu u singiye kuvyo ku musalaba.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 12:2

ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

Vahebraina 9:24

Kigira Kristo si yingira mu hatakatifu ha lombwa namakono, kuli lifwana lya heligali; navutswa mu ligulu lyene, kalunu a loleke imbiri wa Nyasaye kigira kwinye:

Vahebraina 9:26

kandi ga va ndiyo nkano ga mu dukira kusalira hali kanyingi kutwula inyinga lirova lya lombwa muse: navutswa kalunu u lang'aminyeywi inyinga indala, mu budukiru bwetsinyinga, kutwulidza ubwoni ku lyehaana mwene.

Vahebraina 9:28

kandi ndiyo Kristo u mali kuhaanwa inyinga indala a duke kuhila ubwoni bwavandu vanyingi, inyinga ya kaviri a la loleka ku yavo ava mu lindirira nobwizamiri, kuduka ku buhonnyi, ni yelehi ubwoni.

1 Yohana 2:1

Avana vange, mmu ng'odira yaga mu ta kole ubwoni. Kandi kuvo vosi mundu kali mulala na a kola ubwoni, ku veye nomusaaviri ku Dada, Yesu Kristo Mulungi:

1 Yohana 2:12

Mmu ng'odera mwinye, avana vange, kigira ubwoni bwenyu bu sameheywi kigira lieta lilye.