Isaya 53:10 - KITABU KITAKATIFU

¹⁰ Navutswa ga yanzidza Yahova kumukuya; ya mu vereridza: lwa u kola mwoyo gwigwe kuva kyokusayasayira ubwoni, a la lola kisukululwi kikye, a la meda madiku gege, na ga Yahova a yanza ga la gasidzwa mmukono gwigwe.

Isaya 53:10 ပူးပေါင်းရင်းမြစ်များ

Zaburi 110:3

Avandu vovo vehaana avene nobulaliri bwavo Ku lidiku lyetsingulu tsitsyo mu bulahi bwobutakatifu: Kutwula mu inda yamabwebwe U veye nelime lyobusoleri bubwo.

Zaburi 147:11

Yahova a yanzidzwa mu yavo ava mu tidzanga, Mu yavo ava suuvira tsimbabasi tsitsye.

Zaburi 149:4

Kigira Yahova yeyanzidza mu avandu veve: Naye a la siaha avahokya nobu honnyi.

Zaburi 21:4

Ya teva ku ive livamwoyo, wa mu ha, Kali ubutambi bwamadiku manyingi gemihiga nemihiga.

Zaburi 22:30

Kisukululwi ki la mu tumekira; Kandi likula lidzanga li la volerwa makuva ga Yahova.

Zaburi 22:31

Va ladza na va la landidzira ubu lungi bwibwe Ku avandu ava livulwa, niye u koli yibu.

Zaburi 69:26

Kigira va dambidza uyu wa ive wa kuya; Na va talanga ubusaliri bwa yavoava u kindukidzi.

Zaburi 72:17

Lieta lilye li hindira mihiga nemihiga; Lieta lilye li la hongera kuva kuli liuva: Na avandu va la gasidzwa muye; Tsihiri tsyosi tsi la mu goha mugasu.

Zaburi 72:7

Mu madiku gege avalungi va la gasidzwa, Na mirembe minyingi kuduka mweli gu fweye.

Zaburi 89:29

Kisukululwi kikye kandi nda kola kumenya mihiga nemihiga, Na intebe yeye yobwami kuli madiku gomigulu.

Zaburi 89:36

Kisukululwi kikye ki la hindira mihiga nemihiga, Na intebe yeye yobwami kuli liuva imbiri wange.

Isaya 42:1

Henza, mutumwa wange, wa ndiranga; mutovole wange, womwoyo gwange gu sangalira muye: nda vika kuye Roho wange; naye a la letera Avetsihiri likalaga.

Isaya 46:10

u lolekidzanga kiheri kutwula ku litanga, kandi kutwula ku matsyambiri nda vuula vindu vi kikiri kukolwa; ni mbola, Makuva gange ga la singira, na nda kola vyosi vya nyanzanga;

Isaya 49:4

Navutswa inze nda vola, Nda nyankana vutswa ku miyinzi, nda tumekira tsingulu tsyange vutswa, bugira kukonya kindu; halala na yaga likalagirwa lyange li veye ku Yahova, litungwa lyange li veye ku Nyasaye wange.

Isaya 53:12

Kigira yaga nda mu gavulira kidieli halala na vanene, naye a la gavula vilanye halala na vetsingulu; kigira ya sundula livamwoyo lilye kuduka ku likudza, naye ya validzwa halala na vahyolanga: halala na yaga ya ginga ubwoni bwa vanyingi, kandi ya saalira yavo ava hyolanga.

Isaya 54:3

Kigira u la vambuka ku luvega lwomukono mulungi noku mukono mmosi: nekisukululwi kikyo ki la gumira tsihiri, na madala ga kolwa hatswa a la ga kola avandu kumenya mu.

Isaya 61:9

Na kisukululwi kyavo ki la manyekana mu tsihiri, na lwivulu lwavo lu la manyekana mu vetsihiri: vosi ava va lola va la va bugirira, kuva kisukululwi kya Yahova ya gasidza.

Isaya 66:22

Kigira kuli ligulu lihya nelirova Iihya, lya nda lomba, vi menya imbiri wange, Yahova a vola, ni ndiyo kisukululwi kyenyu ki la menya, ni lieta lyenyu.

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Jeremia 32:41

Yee, nda sangala kuvo nduke kuvakolera ubulahi, nda va simika mu kivala yiki ligali nomwoyo gwange gwosi neliva lyange lyosi.

Ezekieli 33:11

U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?

Ezekieli 37:25

Va la menya mu kivala kya nda ha mutumekiri wange Yakobo, kya vaguga venyu va menya mu; navo va la me nya mukyo, yava, na avana vavo, na visukulu vavo, kazozo: na mutumekiri wange Daudi a la va munene wavo madiku gosi, kuduka mihiga nemihiga.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Zefania 3:17

Yahova Nyasaye wowo a veye hagati hoho, wobunyali a la honnya; a la yanza ku ive nelisangala linene; a la sosa mbuyanzi bwibwe; a la sangala ku ive nelyimba.

Zekaria 13:7

U vuke, O kivavi, ku mwayi wange, noku uyu u veye wakye wange, Yahova wa mahe a vola: kuya umwayi, na magondi ga la salannywa; na nda girunkannya mukono gwange kuhenza ku vakekeke.

Livalidza 7:15

nekimoli kilala kigiriki, neligondi lilala likole, nomwana weligondi mulala mukole womuhiga mulala, kuva kihaanwa kyokusambwa;

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Matayo 3:17

kandi henza, munwa gwa twula mwigulu ni gu vola, Uyu no Mwana wange, muyanzi wange wa nyanza.

Luka 1:33

a lameha ku avenyumba ya Yakobo imihiga nemi higa; ubwami bwibwe si bu li va nekiheri mba.

Yohana 1:29

Mugamba ya lola Yesu yadza kuye, na a vola, Henza Mwana weligondi wa Nyasaye, u hila ubwoni bwavomkivala

Yohana 12:24

Ligali, ligali, mmu volera, inzoli yengano ni i vula kugwa mu marova ni i kudza i la tigala yeng'ine; navutswa ni i kudza i lama lyama linyingi.

Yohana 13:32

Nyasaye na a va na a kuminywe muye, kandi Nyasaye a la mu kuminya muye mwene, kandi a la mu kuminya bwangu ndi.

Varumi 6:9

Ni ku manya ndi, Kristo ya simugukidzwa, si ya kudza kandi; likudza si lyameha kuye kandi.

Varumi 8:32

Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye?

Varumi 8:8

kandi yava ava veye mu mubiri si va nyala kuyanzidza Nyasaye.

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vagalatia 3:13

Kristo ya ku honnya mu vilaamu vyelilaga inyinga ya laamwa kigira kwinye; kigira ga ng'odwa, Ku vosi u sungangwa ku musala u laameywi:

Vafeso 1:5

Kigira ya tanga kukutovola ku bugirirwe kuva avana kuye kigira Yesu Kri sto, kuli liyanza lyobulaliri bwibwe,

Vafeso 1:9

Na a ku mannya agaviswa gobulaliri bwibwe, kuli liyanza lilye lilahi lya ya saavira muye,

Vafeso 5:2

kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

2 Vatesalonike 1:11

Kigira yaga ku saala Nyasaye kazozo kigira mwinye Nyasaye wetu a duke kulola mwinye kuva avadukanu mu lilangwa lyenyu, nokudukidza netsingulu, lyegomba bulahi nemiyinzi gyosi gyelisuuvira;

Vahebraina 2:13

Na kandi, Inze nda mu suuvira. Na kandi, Henza inze navana va Nyasaye ya mpa.

Vahebraina 7:27

u ta li nelyenya kazozo, kuli avasalisi vanene yavo, va tange kwihaanira visyuviriru kigira ubwoni bwavo avene, na kandi kigira ubuoni bwavandu: kigira ya kola yili inyinga indala vutswa, lwa yehaana mwene.

Vahebraina 9:14

nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.

Likunula 1:18

na Uveye Mwoyo; kandi na li mukudzu, kandi henza, mbeye mwoyo mihiga nemihiga, kandi mbeye netsifunguo tsyelikudza netsye Kihadisi.