Isaya 52:9 - KITABU KITAKATIFU

⁹ Mu twulidze tsinyimbu tsyobuyanzi, mwimbe halala, mwinye aha li hatswa ha Yerusalemi; kigira Yahova a leminya myoyo gyavandu veve, u tungiye Yerusalemi.

Isaya 52:9 ပူးပေါင်းရင်းမြစ်များ

Zaburi 102:22

Lwa avandu va vugana halala, Na ubwami bu veye ho kutumekira Yahova.

Zaburi 98:4

Mu kupire Yahova isango, lirova lyosi: Mu ginge mwoyo, mwimbe nobuyanzi, yee, mwimbe tsyokwidzominya.

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 14:7

Lirova lyosi li sosa, nokwelemereridza: va leterera tsinyimbu.

Isaya 40:1

Mu leminye myoyo, mu leminye myoyo gyavandu vange, Nyasaye wenyu a vola.

Isaya 43:1

Navutswa kalunu Yahova wa ku lomba, ive Yakobo, naye wa ku longa, ive Israeli, a vola ndi: U ta tia mba, kigira mmali kukutungira; nku langi nelieta lilyo, u veye wange.

Isaya 44:22

Nzeyi amahyolo gogo, kuli lilesi liliduhu, na ubwoni bubwo kuli lilesi: wirane ku inze; kigira nku tungiye.

Isaya 44:23

Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.

Isaya 44:26

u dinyiridzanga likuva lyomutumekiri wewe, nokudukidza makuva gavatumwa veve; u voleranga ku makuva ga Yerusalemi, Li la menywa: noku madala ga Yuda, Ga lombakwa, nda singeridza tsing'anye;

Isaya 48:20

Mu twule Babuloni, mwiruke mu twule ku Vakalidei; mwilwadze nomwoyo gwokwimba, mu landidze makuva yaga, mu ga vole kuduka kiheri kyelirova; mu vole, Yahova u tungiye mutumekiri wewe Yakobo

Isaya 49:13

Mwimbe, mwinye ligulu; u sangale, ive lirova; mu leterere tsinyimbu, mwinye vigulu: kigira Yahova u mali kuleminya avandu veve mwoyo, na a la vererera avandu veve ava dambidzwa.

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Isaya 51:3

Kigira Yahova u leminyi Zioni mwoyo; u leminyi mwoyo ha lekwa vutswa hehe hosi, na u koli ligendanyama lilye kuva kuli mulimi gwa Edeni, na kyangalangwi kyikye kuva kuli mulimi gwa Yahova, ubuyanzi nelisangala bu la loleka mu lisantidza, nomwoyo gwelyembirana.

Isaya 55:12

Kigira mu la twula nobuyanzi, nokwimirirwa nemirembe: vigulu notugulu vi laleta tsinyimbu nokwimba imbiri wenyu, nemisala gyosi gyommilimi gyi la kong'onda mikono.

Isaya 61:4

Kandi va lombaka mu vyanyi, na va la digulula lisasuguka lya kale, nokulomba madala ga veye vyanyi, lisasuguka lyamakula manyingi.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Mika 4:10

U ve nelilumwa u kupe lukwili u duke kwivula O mukana wa Zioni, kuli mukali wivu langa; kigira kalunu u la twula mu lidala, na u la menya mu mulimi, na u la duka kali ku Babuloni: ha zana u la honnyirwa ho, ha zana Yahova a la ku tungira u twule mmukono gwavasigu vovo.

Vagalatia 4:27

Kigira ga ng'odwa U sangale, ive u veye mugumba wa vula kwivula avana; U twulidze mwoyo u lire ive wa vula kulola ubusaliri bwelivula: Kigira avana va uyu u menya yeng'ine va veye avanyingi kuvita va uyu u veye nomusatsa.