Isaya 52:8 - KITABU KITAKATIFU

⁸ Mwoyo gwa valindi vovo va ginga myoyo gyavo, vimba halala; kigira va la lola moni na moni, inyinga Yahova yirana Zioni.

Isaya 52:8 ပူးပေါင်းရင်းမြစ်များ

Zaburi 102:22

Lwa avandu va vugana halala, Na ubwami bu veye ho kutumekira Yahova.

Lwimbu lwa Solomoni 3:3

Avalindi ava vodonkananga mu lidala va ndola; Wa nda teva, Mwa lola uyu womwoyo gwange gu yanza?

Lwimbu lwa Solomoni 5:7

Avalindi ava vodonkanga mu lidala va ndola, Va nkuya, nokunzata tsingoma; A valindi vamadigi va nyaga yange inzasasu.

Isaya 24:14

Yava va la ginga myoyo gyavo va la kupa lwanga; kigira ubukumi bwa Yahova, va la kupa lwanga kutwula ku inyanza.

Isaya 26:1

Mu lidiku yilyo lwimbu yilu lulimbwa mu kivala kya Yuda: Ku veye nelidala lyetsingulu, a la laga ubuhonnyi kuva madigi nempinga.

Isaya 27:2

Mu lidiku yilyo: Mulimi gwomuzabibu gwewaini, mu gwimbire.

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 40:9

O ive wilwadziranga Zioni makuva malahi, yanegira mkigulu kitambi: O ive wilwadziranga Yerusalemi makuva malahi, u ginge mwoyo gugwo netsingulu; u gu ginge u ta tia mba; u volere madala ga Yuda Henza Nyasaye wenyu.

Isaya 48:20

Mu twule Babuloni, mwiruke mu twule ku Vakalidei; mwilwadze nomwoyo gwokwimba, mu landidze makuva yaga, mu ga vole kuduka kiheri kyelirova; mu vole, Yahova u tungiye mutumekiri wewe Yakobo

Isaya 56:10

Avalindi veve va veye avoboku, vosi va gehi ubugeeri; vosi va veye tsimbwa tsidimbidi, si va nyala kuloka; va lola maloto, va gona hasi, vayanza tsindolo.

Isaya 58:1

Kupa lwanga, u ta gaya mba, hanzuka nomwoyo gugwo kuli kisiliva, wilwadzire avandu vange lihyolo lyavo, noku inyumba ya Yakobo, ubwoni bwavo.

Isaya 62:6

Mbiki avahenzi ku madigi golugaga lulwo, O Yerusalemi; si va la kiring'ana mba mbasu kinga budiku: mwinye ava mu veye avokwidzulitsa Yahova, mu ta sosa mba,

Jeremia 31:12

Na va ladza nokwimba mu hadiguluku ha Zioni, na va la londekana halala va tsie ku bulahi bwa Yahova ubuswage, newaini, namaguta, noku avana vamagondi, noku vimoli: nomwoyo gwavo gu la va kuli mulimi gwa samwa; na si va la vererera kandi mba.

Jeremia 32:39

nda va ha mwoyo mulala, nenzira indala va duke kutia inze madiku gosi, kuvakolera bulahi, na bwavana vavo inyima wavo:

Jeremia 33:11

gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Jeremia 33:7

Na ndirannya lyadikidzwa lya Yuda nelyadikidzwa lya Israeli, nokuvonbaka, kuli matsyambiri.

Jeremia 6:17

Nda singeridza ku mwinye avalindi, kurola, Mu hulire mwoyo gwekisiliva; navutswa va vola, Si ku la hulira mba.

Ezekieli 3:17

Ive mwana womundu, mmali kuvika ive u ve mulindi wenyumba ya Israeli: kigira yaga u hulire likuva mu munwa gwange, na u va gerehidze ni lieta lyange.

Ezekieli 33:7

Kunangwa ive, mwana womundu, mmali kuvika ive kuva mulindi ku inyumba ya Israeli; kigira yaga u hulire likuva mu munwa gwange, na u va gerehidze neligerehidza li twula ku inze.

Zefania 3:9

Kigira inyinga yeyo nda galukidzira avandu ululimi lulahi, vosi va duke kwanira lieta lya Yahova, va mu tumekire neliva lilala.

Zekaria 12:8

Mu lidiku yilyo Yahova a la sola ava menyi Yerusalemi; na ku lidiku yilyo u veye mudedekere hagati havo a la va kuli Daudi; na inyumba ya Daudi i la va kuli Nyasaye, kull ingelosi wa Yahova imbiri wavo.

Vikolwa 2:1

Lwa lya duka lidiku lya Pente kote, va li halala vosi nomwoyo mulala.

Vikolwa 4:32

Kandi kiduma kya yava va suuvira va li nomwoyo mulala na roho mulala: si ha li nomulala kuvo wa vola kindu kya ya li nakyo, ni kyange; navutswa va sanga vindu vyosi.

1 Vakorintho 1:10

Kalunu mmu goonya ligali, avamitu, ku lieta lyo Mwami wetu Yesu Kristo, mu vole amakuva malala mwinye mwosi, kandi lyavukana li ta va ku mwinye; navutswa mu lalilidze imbulirani mu tsiganagani kandi mu makuva.

1 Vakorintho 13:12

Kigira kalunu ku lolera kuli mu kyeloleru, amatsengeri; navutswa inyinga yindi ku la ka lole moni na moni: kalunu mmanya luvega lulala, navutswa inyinga yindi nda ka manye ligali kuli nda manyekana ligali.

Vahebraina 13:17

Mu hulire ava mwimiriranga, mwegehidze kuvo; kigira va henzanga ku myoyo gyenyu, kuli ava li haana livalidza; va duke kuhaana nobuyanzi, si ga li nelihuguma: kigira yaga si ga li nobukonyi ku mwinye.

Likunula 18:20

Mu sangale kulyo, ive ligulu, navatakatifu, navatumwa, navaprofeti; kigira Nyasaye u vanzi kisalya kyenyu kulyo.

Likunula 19:4

Kandi avakulundu makumi gaviri na vane ne vilombe vi veye mwoyo vine va gwa hasi nokusigamira Nyasaye wikaye ku intebe, ni va vola, Amini; Aleluya.