Isaya 52:7 - KITABU KITAKATIFU

⁷ Vya li vilahi ki mu vigulu, virenge vya uyu u letanga makuva malahi, u landidzanga makuva gemirembe, u letanga makuva malahi gevindu vilahi, u landidzanga makuva gobuhonywi; u voleranga Zioni, Nyasaye wowo wamehanga

Isaya 52:7 ပူးပေါင်းရင်းမြစ်များ

Zaburi 59:13

U va heridze mu livihirirwa, u va heridze kuduka va ta va ho kandi: Va duke kumanya Nyasaye yameha mu Yakobo Kuduka ku kiheri kyelirova [Selaha

Zaburi 68:11

Mwami a haana makuva: Avakali ava ga landidza va veye kiduma kinene.

Zaburi 93:1

Yahova yamehanga; weviki ubukumi Yahova ya vikwa tsingulu; mwene webohi natsyo: Lirova kandi li singeridzeywi, li vule kudengeya.

Zaburi 96:10

Mu vole hagati hetsihiri, Yahova yamehanga: Lirova kandi li singiridziywi, kuduka li ta nyala kudengeya: A la kalagira avandu nobulungi.

Zaburi 97:1

Yahova yamehanga; lirova li sangale; Ubunyingi bwevisulu vi yanze.

Zaburi 98:2

Yahova u lolekidzi ubuhonnyi bwibwe: U lang'aminyi ubulungi bwibwe mu tsimoni tsya avetsihiri.

Zaburi 98:3

Yidzulitsi tsimbabasi tsitsye na ubusuuvirifu bwibwe ku inyumba ya Israeli: Tsindulu tsyosi tsyelirova tsi loli ubuhonnyi bwa Nyasaye wetu.

Zaburi 99:1

Yahova yamehanga; avetsihiri va degere: Yikalanga igulu wa vakerubi; lirova li dengeye.

Lwimbu lwa Solomoni 2:8

Gu veye mwoyo gwomuyanze wange henza, yadzanga, A tumatumanga mu vigulu, nokukina mu tugulu.

Isaya 24:23

Ma mweli gu li va netsisoni, neliuva li la va netsisoni; kigira Yahova wa mahe a lameha mu kigulu kya Zioni, nomu Yerusalemi; kandi imbiri wa avakulundu veve ha la va nobukumi.

Isaya 33:22

Kigira Yahova a veye mukalagi wetu, Yahova a veye wa haana amalago wetu, Yahova a veye mwami wetu; a la ku honnya.

Isaya 40:9

O ive wilwadziranga Zioni makuva malahi, yanegira mkigulu kitambi: O ive wilwadziranga Yerusalemi makuva malahi, u ginge mwoyo gugwo netsingulu; u gu ginge u ta tia mba; u volere madala ga Yuda Henza Nyasaye wenyu.

Isaya 41:27

Inze mbeye woku tanga kuvolera Zioni, Henza, henza yavo; na nda haana ku Yerusalemi mulala u letanga makuva malahi.

Isaya 42:11

Ligendanyama halala na madala galyo ga ginge myoyo gyago, na tudala twa Kedari a menya mu, ava menyanga Sela vimbe, va hanzuke ku tsisonga tsyevi gulu.

Mika 4:7

na nda kola vasegeranga kuva litigala, na ava kungwa nda va kola kuva ihiri yetsingulu: na Yahova a lameha kuvo mu kigulu kya Zioni kutwula kalunu kuduka mihiga nemi higa.

Nahum 1:15

Henza, ku vigulu virenge vya uyu u letanga makuva malahi vi veye ho, uyu u landidzanga makuva gemirembe O Yuda, u linde madiku ga malia, u kole malagano gogo; kigira mudamano si a la vita hagati hoho kandi mba; a twulidzwa ligali.

Nahum 2:1

Uyu u donyannyanga vidonye wanegiye ku ive: gumira impinga, u linde inzira, kikenge kikyo u ki vike tsingulu, u dinyeridze tsingulu tsitsyo ligali.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Matayo 28:18

Yesu yadza na a volerana navo, na a vola, Mbebeywi tsingulu tsyosi mu ligulu nomu lirova.

Marko 13:10

Litanga ivangeli i lilwadzwa mu tsihiri tsyosi.

Marko 16:15

Ya va volera Gendi mu tsie mu lirova lyosi mwilwadze ivangeli ku vandu vosi.

Luka 2:10

Ingelosi ya va volera, Mu ta tia; kigira henza, mmu letera amakuva malahi gobuyanzi bunene ga la va ku vandu vosi:

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Vafeso 6:15

kandi mu mali kubofwa ku virenge nelilombwa lyevangeli yemirembe;

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 14:6

Kandi nda lola ingelosi wundi na a buluka hagati hobwerefu, u veye nevangeli yemihiga nemihiga kwilwadzira ava menya mu lirova, tsihiri netsimpya netsinimi navandu;