Isaya 51:5 - KITABU KITAKATIFU

⁵ Ubuhonnyi bwange bu veye ahimbi, ubuhonnyi bwange bu twuli, na makono gange ga la kalagira avandu; na visulu vi la lindi rira inze, vi lidira ku mukono gwange.

Isaya 51:5 ပူးပေါင်းရင်းမြစ်များ

Zaburi 110:6

A la kalaga mu tsihiri, A lizulitsa lirova mibiri mikudzu; A la duvaduva mutwe gwevivala vinyingi.

Zaburi 67:4

Tsihiri tsyosi tsi sangale nokwimba nobusangali; Kigira ive u la kalagira avetsihiri nobulungi, Na u limirira tsihiri tsyelirova [lSelaha

Zaburi 85:9

Ligali ubuhonyi bwibwe bu veye himbi kuvo ava mu tidzanga, Ubukumi bu duke kumenya mu kivala kyetu.

Zaburi 96:13

Imbiri wa Yahova; kigira yadzanga, Kigira yadzanga kukalagira lirova. A la kalagira avelirova nobulungi, Na avetsihiri na ageligali gege.

Zaburi 98:9

Imbiri wa Yahova; kigira yadzanga kukalagira lirova: A la kalagira lirova nobulungi, Na avetsihiri nelikalaga lilahi.

Isaya 11:11

Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

Isaya 24:15

Kunangwa mu kuminye Yahova ku luvega lwevugwe, mu kuminye lieta lya Yahova Nyasaye wa Israeli, mu visulu vyomu inyanza.

Isaya 26:4

Mu suuvire Yahova madiku gosi; kigira mu Mwami Yahova, Yahova mwene, mu veye nolwanda lwokumenya mihiga nemihiga.

Isaya 33:2

O Ya hova, u ku vera tsimbabasi; ku ku lindiriye: u ve mukono gwetu migamba gyosi, nobuhonnyi bwetu inyinga yekivi.

Isaya 33:22

Kigira Yahova a veye mukalagi wetu, Yahova a veye wa haana amalago wetu, Yahova a veye mwami wetu; a la ku honnya.

Isaya 40:10

Henza, Mwami Nyasaye a ladza kuli Wanyala, na mukono gwigwe gu leyamehira mwene: Henza, madanyi gege a veye nago halala, na litunga lilye li veye imbiri wewe.

Isaya 42:4

Si a la tamwa kandi si a la kudza mwoyo a luhe a duke kusingeridza likalaga lyobulungi mu lirova; nevisulu vi la lindirira lilaga lilye.

Isaya 46:13

nda leta ubulungi bwa nge bu ve himbi; si bu la va ihale mba na ubuhonnyi bwange si bu la lindar gira; nda vika buhonnyi mu Zioni kigira Israeli ubukumi bwange.

Isaya 49:1

Mu hulire inze, mwinye visulu na mwinye avandu, mu tegidze amatu mu hulire, mwinye ava veye ihale: Yahova u nangi kutwula munda; kutwula munda mwa mama wange u tali lieta lyange:

Isaya 54:17

Si ha veye nekiju kya lombwa kuhing'ana nive ki li gasidzwa; noku tsinimi tsyos; lu li vuka ku ive mu likalaga ive u la lu kalagira lu ve lwa mahyolo. Yigyi ni miyandu gya yavo avatumekiri va Yahova, nobulungi bwavo bu twulanga ku inze, Yahova a vola.

Isaya 56:1

Yahova a vola ndi, Mu linde likalaga, mu kole ubulungi; kigira ubuhonnyi bwange bu ve himbi, nobulungi bwange lilang'aminya lyabwo li veye himbi.

Isaya 59:16

Na ya lola si ha veye nomundu, na ya genya kuvasi ha veye nomundu u saala: kigira yaga mukono gwigwe mwene gwa mu letera ubuhonnyi, nobulungi bwibwe bwamudinyeridza.

Isaya 60:9

Ligali visulu vi la ni ndirira, na amato ga Tarshishi ga limirira, ga duke kuleta avana vange avayai kutwula ihale, ifetha yavo nethahabu yavo va la va navyo, vi ve vyelieta lya Yahova Nyasaye wowo, na vya Mutakatifu wa Israeli, kigira a kuminyi ive.

Isaya 62:11

Henza, Yahova u landidzi kuduka ku kiheri kyelirova, U volere mukana wa Zioni, Henza, lihonywa yilyo lidza nga; henza, a veye na madanyi gege, nelitunga lilye li veye imbiri wewe.

Isaya 63:5

Na nda henza, na si ha li nowokunkonya; na nda genya kigira si ha li nowokudinyeridza: kigira yaga mukono gwange mwene gwa nnyolira ubuhonnyi; nobutiman bwange bululu, bwa ndinyeridza.

Joeli 3:12

Avetsihiri vetsuve, nokwanegira va duke mwivona lya Jehoshafatu; kigira ndikala yo kukalagira tsihiri tsyosi tsyetsimbega tsyosi.

Zefania 2:11

Yahova a la va litihidza kuvo; kigira a la ng'ahidza avanyasaye vosi velirova navandu va la sigamira uyu, sa mulala hango hehe, kali visulu vyosi vyetsihiri.

Matayo 28:18

Yesu yadza na a volerana navo, na a vola, Mbebeywi tsingulu tsyosi mu ligulu nomu lirova.

Matayo 3:2

Mweganire; kigira ubwami bwomigulu bu veye himbi.

Marko 16:15

Ya va volera Gendi mu tsie mu lirova lyosi mwilwadze ivangeli ku vandu vosi.

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Vikolwa 17:31

kigira u mali kulaga lidiku lyokukalagira avomkivala nobulungi, ku mundu wa ya tovola; naye ya ha vandu vosi kisuuviri kulyo kigira u mali kumusimugukidza mu vakudzi.

Varumi 2:16

ku lidiku lya Nyasaye a li kalagira livisa lyavandu kuli ivangeli yange, mu Yesu Kristo.

2 Vakorintho 5:10

Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.

Kwidzulitsa 30:14

Navutswa likuva yili li veye himbi ku ive, li veye mmunwa gugwo, nommwoyo gugwo, u duke kulikola.

1 Samweli 2:10

Yavo ava hing'ana na Yahova va la donyanywa vidonye; A la twulidza inkupa migulu kuduka kuvo: Yahova a la kalagira viheri vyelirova; Na a la ha umwami wewe ubunyali, Na a la ginga lwiga lwombake wewe.