Isaya 51:4 - KITABU KITAKATIFU

⁴ Mu hulire inze, mwinye avandu vange; mu tegidze amatu ku inze, mwinye avehiri yange: kigira lilaga li la twula ku inze, na nda kola likalaga lyange li hindiranga li gwe ubulavu bwavandu.

Isaya 51:4 ပူးပေါင်းရင်းမြစ်များ

Zaburi 106:5

Nduke kulola ubulahi bwavatovole vovo Nduke kusangala nobuyanzi bwehiri yoyo, Nokwidzominya halala nemiya ndu gyigyo.

Zaburi 147:20

Si ya kolera ihiri yindi kali indala kuli yaga mba; Na ku miima gyigye si va gyi manya mba. Mwidzominye Yahova.

Zaburi 33:12

I veye nobugasu ihiri ya Yahova a veye Nyasaye wayo, Avandu ava ya tovola kuva miyandu gyigye mwene.

Zaburi 50:7

Avandu vange, mu hulire, na nda vola; O Israeli, na nda ku lolekidzira: Mbeye Nyasaye, kali Nyasaye wowo.

Zaburi 78:1

Mwinye avandu vange, mu huliridze lilaga lyange: Mu yekidze amatu genyu kuhulira livola lyomunwa gwange.

Kutwula 19:6

na mwinye mu la va ku inze ubwami bwavasalisi, kandi ihiri intakatifu. Yaga namakuva ga u li volera avana va Israeli.

Kutwula 33:13

Kunangwa, kalunu nku saala, ni mba ni nyoye tsimbabasi imbiri wowo, u mmannye tsinzira tsi tsyo, inze nduke kukumanya, nduke kunyola liverererwa imbiri wowo: na widzulitse ihiri yiyi i veye avandu vovo mwene.

Tsing'ano 6:23

Kigira lilaga li veye itaya; na lyegidza li veye ubulavu; Na lyegidzwa lyeligondokirwa li veye inzira yelivamwoyo:

Isaya 1:27

Zioni li la bohololwa nelikalaga, na avirani valyo va la bohololwa nobulungi.

Isaya 2:3

Na tsihiri tsinyingi tsyavandu va la tsia noku vola, Hambi kwanegire, kutsia ku kigulu kya Yahova, kutsia ku inyumba ya Nyasaye wa Yakobo; na a la kwegidza mu tsinzira tsitsye, ku la genda mu tsinzira tsitsye: kigira amalago ga la twula mu Zioni, na likuva lya Yahova li la twula mu Yerusalemi.

Isaya 26:2

Mwigule viribwa, ihiri yobulungi i lindanga geligali i duke kwingira.

Isaya 26:8

Yee, ku lindiriye ive, O Yahova mu inzira yelikalaga lilyo; likayirwa lyemyoyo gyetu li yeki ku lieta lilyo, nokulidzulitsa lilyo.

Isaya 33:22

Kigira Yahova a veye mukalagi wetu, Yahova a veye wa haana amalago wetu, Yahova a veye mwami wetu; a la ku honnya.

Isaya 42:21

Ga yanzidza Yahova, kigira ubulungi bwibwe, kukuminya Lilaga, noku likola lidzominywe.

Isaya 42:6

Inze, Yahova, nku langi mbulungi, nda ku gumira mukono, nokukulinda, nda ku haana u ve lilagana lyava ndu, nokuva ubulavu bwa Vetsihiri:

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 55:3

Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Isaya 63:8

Kigira ya vola, Ligali, va veye avandu vange, avana ava li vula kukola nobugadi: kunangwa ya li Muhonnyi wavo.

Mika 4:2

Na tsihiri tsinyingi va la tsia nokuvola, Hambi mwinye kwanegire ku kigulu kya Yahova noku inyumba ya Nyasaye wa Yakobo; naye a la kwegidza tsinzira tsitsye, na ku la genda mu tsinzira tsitsye. Kigira lilaga li la twula Zioni, na likuva lya Yahova li la twula Yerusalemi;

Luka 2:32

Ubulavu bwokuvuulira Tsihiri, Kandi ubukumi bwavandu vovo Israeli.

1 Vakorintho 9:21

Ku yavo ava ta li nelilaga, nda gwa kuli u ta li nelilaga, mwene si nda vula kuva nelilaga ku Nyasaye, navutswa ku lilaga ya Kristo, nyole ava ta li nelilaga.

Kwidzulitsa 18:18

Nda va singeridzira mprofeti hagati ha vamwavo vavo, a veye kuli ive; na nda vika amakuva gange mmunwa gwigwe, na a la va volera gosi aga nda mu laga.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya: