Isaya 51:3 - KITABU KITAKATIFU

³ Kigira Yahova u leminyi Zioni mwoyo; u leminyi mwoyo ha lekwa vutswa hehe hosi, na u koli ligendanyama lilye kuva kuli mulimi gwa Edeni, na kyangalangwi kyikye kuva kuli mulimi gwa Yahova, ubuyanzi nelisangala bu la loleka mu lisantidza, nomwoyo gwelyembirana.

Isaya 51:3 ပူးပေါင်းရင်းမြစ်များ

Litanga 13:10

Kunangwa Loti ya ginga tsimoni tsitsye, na a henza kivala kyosi kya Yordani, kya li kikindu ligali tsimbega tsyosi kuli mulimi gwa Yahova, na kuli kivala kya Egepeti lwa u tsia Zoaru, Yahova ya li na a kikiri kudividza Sodoma na Gomora.

Zaburi 85:8

Nda hulira aga Nyasaye Yahova a la vola Kigira a la volera avandu veve mirembe, kandi avatakatifu veve: Nawtswa va wle kwirana ku vyawtswa.

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Isaya 35:6

Hene yaho umuhenyeri a la tumatuma kuli imboongo, nolulimi lyedimbidi lu limba; kigira mmigendanyama madzi ga la senuka, notugera tu la senuka mu kyangalangwi.

Isaya 41:16

Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 43:19

Henza, nda kola kindu kihya; ki la sebuka kalunu ndi; mwinye si mu la ki manya? Nda lomba inzira mu kyanga langwi, na migera migendanyama.

Isaya 44:26

u dinyiridzanga likuva lyomutumekiri wewe, nokudukidza makuva gavatumwa veve; u voleranga ku makuva ga Yerusalemi, Li la menywa: noku madala ga Yuda, Ga lombakwa, nda singeridza tsing'anye;

Isaya 49:13

Mwimbe, mwinye ligulu; u sangale, ive lirova; mu leterere tsinyimbu, mwinye vigulu: kigira Yahova u mali kuleminya avandu veve mwoyo, na a la vererera avandu veve ava dambidzwa.

Isaya 49:19

Kigira makuva ga hango hoho ha veye here, ha ta veye navandu, nekivala kikyo kyononywa, ligali ive kalunu u la va kinyerere ligali, u ta dukira ava menyanga mu, na yavo ava ku mira va la va ihale ku ive.

Isaya 49:8

Yahova a vola ndi, Inze mmali kukutivulira inyinga yobugirirwa, nomu lidiku lyobuhonnyi nku honnyikandi nda ku linda, nda twulidza ive u ve lilagana lyavandu, u duke kudinyeridza kivala yiki, nokuvaha miyandu gya lekwa vutswa;

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Isaya 52:9

Mu twulidze tsinyimbu tsyobuyanzi, mwimbe halala, mwinye aha li hatswa ha Yerusalemi; kigira Yahova a leminya myoyo gyavandu veve, u tungiye Yerusalemi.

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Isaya 65:18

Navutswa mu ve nobuyanzi mu sangale madiku gosi mu vya nombanga; kigira, henza, nombanga Yerusalemi li ve lisangala, navandu veve kuva ubuyanzi.

Jeremia 31:25

Kigira mmali kwigutidza mwoyo gwa li ni gu luhi, nemyoyo sa mulala ugwa li ni gu vereranga mmali kugwirannya kuva umuhya.

Ezekieli 28:13

Ive wa li mu Edeni, mulimi gwa Nyasaye; ligina sa lilala lyobuguli budinyu lya li kyokwefuma kikyo, lyakanyu, nelyetopazi, nalimasi, neberulo, nasokamu, nejasipi, nesafiro, nezumuradi, nesaridoniki, nethahabu: miyinzi gyevikupangwa vivyo ku lugano lwesuguti, namalere gogo aga li mu ive; vya lombwa kwetegeka ku lidiku lyelilombwa lilyo.

Ezekieli 36:11

na nda meda ku mwinye avandu nemitugu; navo va la medeka nokwivula, na nda kola ha menywe navandu kuli liva lyenyu lyoku matsvambiri, nokukolera mwinye ubulahi kuvita litanga lyenyu lyoku matsyambiri: na mu la manya inze mbeye Yahova.

Ezekieli 36:35

Na va la vola. Kivala yiki kya li hatswa ki gwiye kuli mulimi gwa Edeni; namadala aga li vyanyi na hatswa nokudividzwa, gombakeywi tsingaga nokumenywa navandu.

Joeli 2:3

Muliru gu sambanga imbiri wavo; na inyima wavo ulumemo lwomuliru lwaakanga: imbiri wavo kivala ki veye kuli mulimi gwa Edeni, na inyima wavo ki veye kyangalangwi; yee, si ha veye nowahona kuvo kali mulala.

1 Petro 1:8

Wa mu yanza kali ni mu ta mu lola; wa mu suuvira kalunu, kali ni mu ta mu lola, nokusangala nobusangali obu ta volwa, nobwizula ubukumi: