Isaya 51:18 - KITABU KITAKATIFU

¹⁸ Si ha veye nomulala mu vayai vosi ava wivula wa limirira; kandi si ha veye nomulala wa mu gumira mukono mu vayai vosi ava u leri.

Isaya 51:18 ပူးပေါင်းရင်းမြစ်များ

Ayubu 8:20

Henza, Nyasaye si a la ta mundu mudukiru, Kandi si a la dinyeridza ava kolanga budamano.

Zaburi 142:4

U henze ku mukono gwange mulungi, na u lole; Kigira si ha veye mundu u manya inze: Hokuhonera ha goti ku inze Si ha veye nomundu a lindanga mwoyo gwange.

Zaburi 88:18

U viki hale ku inze muyanze na wakye wange, Na mulina wange a veye mu kisundi.

Isaya 41:13

Kigira inze, Yahova Nyasaye wowo, nda ku gumira mu kono gugwo mulungi, nokukuvolera, U ta tia mba; nda ku konya.

Isaya 45:1

Yahova a volera Kurusi, mbake wewe wa nda gumira mukono gwigwe muiungi, kuguuta tsihiri imbiri wewe, nda boholola vikenge vyavami; kuduka kwigula miliango imbiri wewe, na viribwa vi la vula kuhanwa:

Isaya 49:21

Hene yaho u la vola mmwoyo gugwo, Ni bwaha u nzivuliye avana yava, navana vange va kudza, na inze ntigala tsyeng'ine, mbeye mwadikidzwi nokuvoyavoya yiyi na yiyi? Kandi ni bwaha wa lera yava? Henza, nda lekwa tsyeng'ine; yava, va li haliha?

Isaya 54:11

O ive welidambidzwa, u sung'usangwanekihi, u vula kuleminywa mwoyo, henza, nda vika magina gogo mu tsirangi tsindahi, na nda tema muse gugwo netsisafiro.

Jeremia 10:20

Lihema lyange li lanyeywi, migoye gyange gyosi gyi kaliki: avana vange va tsiye va ndeki, si va veye ho mba: si ha veye nomundu u mambuliye lihema lyange kandi, nokusunga tsi ngubo tsyokukinga tsyange.

Jeremia 31:32

si ga li ku londa lilagana lya nda kola navaguga vavo mu lidiku lya nda va gumira mukono nduke kuvaleta va twule mu kivala kya Egepeti; lilagana lyange lya vononnya, kali ni nda li musatsa kuvo, Yahova a vola.

Ezekieli 34:6

Amagondi gange ga vayavaya mu vigulu vyosi, noku kigulu sa kilala kitambi; yee, magondi gange ga li ni ga salannywa mu mmoni mwosi mwelirova; si ha li nomundu kali mulala kugateva kinga kugenya.

Amosi 5:2

Mukana mugima wa Israeli u gwiye; si a la vuka kandi: u tsomeywi hasi mu kivala kikye; si ha veye na wokumusingeridza.

Matayo 15:14

Mu va leke va ve: va veye avimiri vaboku. Mboku ni yimirira mboku, vombi va la gwa mbogo.

Matayo 9:36

Navutswa lwa ya lola viduma ya va vererera, kigira va li ni va damba ni va sala nnywa kuli magondi aga ta li nomwayi halala.

Marko 8:23

Na a gumira mboku mkono, na a mu twulidza mu lidala; lwa ya ka tudza amate mu tsimoni, na a vika kuye makono, ya mu teva, U lola kindu?

Vikolwa 13:11

Kalunu henza mukono gwo Mwami gu veye ku ive na ive u la vakula, u ta lola liuva inyinga i duki. Nonoho amatsengeri nekisundi kya duka kuye, ni yenya avandu kumugumira mukono kumwimirira.

Vikolwa 9:8

Ma Saulo ya vuka hasi, navutswa tsimoni tsitsye lwa tsya kunulwa si ya lola kindu; ni va mu gendidzira mukono, ni va mu hila Damasko.

Vahebraina 8:9

Si ga la va kuli lilagana lya nda kola halala navadada vavo Mu lidiku lya nda gumira amakono gavo kuvemirira va twule mu kivala kya Egepete; Kigira si va menya mu lilagana lyange, Na inze nda va lola si va veye kindu, Mwami a vola.