Isaya 51:16 - KITABU KITAKATIFU

¹⁶ Na mbiki makuva gange mu munwa gugwo, na nku kingi nekiriri kyomukono gwange, nduke kusi mika ligulu, nokutema muse gweli rova yili, nokuvolera Zioni, Ive u veye avandu vange.

Isaya 51:16 ပူးပေါင်းရင်းမြစ်များ

Zaburi 75:3

Lirova li saluluki halala na ava menyi mu vosi: Inze mwene nsingeridzi tsitiru tsyalyo. [Selaha

Zaburi 91:4

A la ku kunike namabaha gege, Kandi u la honera mu tsimbaha tsitsye: Ageligali gege ga veye ingavo na ikuti.

Zaburi 92:13

Va simikwa mu inyumba ya Yahova; Va la landa ha mugidzi gwa Nyasaye wetu.

Kutwula 33:22

na ga la va, inyinga ubukumi bwange bu vitanga, nda ku vika mu lubwa lwolwanda, na nda ku kunika nomukono gwange kuduka lwa mmali kuvita:

Kutwula 4:15

Na ive u la mu volera, nokuvika makuva mu munwa gwigwe: ninze nda va halala na rnunwa gugwo, kandi halala na munwa gwigwe, na nda mwegidza aga mu li kola.

Isaya 45:18

Kigira Yahova wa lomba ligulu Nyasaye, wa longa lirova nokulikola wa li dinyeridza, ya li lomba li vule kuva lyere, ya li longa avandu va menye ku: uyu a vola ndi, Inze mbeye Yahova; si ha veye nowundi.

Isaya 48:13

Yee, mukono gwange gu temi umuse gwelirova, kandi mukono gwange mulungi gu vagaye mwigulu: lwa mbi langa, vi singira halala.

Isaya 49:2

na ya kola munwa gwange kuva kuli kivavi kyogi; ya mbisa mu kiriri kyomukono gwigwe, u nkoli kuva kivu kya siywa; u mbisi ligali mu imodia yeye:

Isaya 49:8

Yahova a vola ndi, Inze mmali kukutivulira inyinga yobugirirwa, nomu lidiku lyobuhonnyi nku honnyikandi nda ku linda, nda twulidza ive u ve lilagana lyavandu, u duke kudinyeridza kivala yiki, nokuvaha miyandu gya lekwa vutswa;

Isaya 50:4

Yahova Nyasaye u mali kumba ululimi lwa yavo avegidzwa, nduke kumanya kuli nyala kukonya namakuva gange uyu u luhi: a vukidzanga mugamba nomugamba, a vukidzanga ugutu gwange kuhulira kuli yavo avegidzwa.

Isaya 57:19

Inze mbeye mulombi wa makuyu geminwa: Mirembe, mirembe, ku uyu u veye ihale noku uyu u veye ahimbi, Yahova a vola; nda mu honnya.

Isaya 59:21

Mu makuva gange, lilagana lyange halala navo ni yili, Yahova a vola: Roho wange u veye ku ive, na makuva gange ga mbiki mu munwa gugwo, si ga la twula mu munwa gugwo mba, kinga mu munwa gwekisukululwi kikyo, kinga mu munwa gwevisoni vivyo, Yahova a vola, kutwula kalunu kuduka mihiga nemihiga.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Isaya 65:17

Kigira, henza, nombanga ligulu lihya nelirova lihya; nevindu vya kale vi la vula kwidzulitswa, kandi si vi lingira mu myoyo mba.

Isaya 66:22

Kigira kuli ligulu lihya nelirova Iihya, lya nda lomba, vi menya imbiri wange, Yahova a vola, ni ndiyo kisukululwi kyenyu ki la menya, ni lieta lyenyu.

Jeremia 1:9

Hene yaho nonoho Yahova ya nyira mukono gwigwe nokudira munwa gwange; Yahova ya mbolera, Henza, mbikanga makuva gange mrnunwa gugwo:

Jeremia 24:7

Nda va ha myoyo gyokumanya inze, mbeye Yahova: va la va avandu vange, na inze nda va Nyasaye wavo; kigira va lirana ku inze nemyoyo gyavo gyosi.

Jeremia 31:33

Navutswa lilagana lya nda kola nenyumba ya Israeli inyima wa madiku yago, Yahova a vola, ni yili: Nda vika lilaga lyange mugati mwavo, nda li ng'oda mu myoyo gyavonda va Nyasaye wavo, navo va la va avandu vange.

Jeremia 32:38

Navo va la va avandu vange, na inze nda va Nyasaye wavo:

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Zekaria 8:8

nda va leta, na va la menya hagati ha Yerusalemi; va la va avandu vange, na inze nda va Nyasaye wavo, mu geligali nomu bulungi.

Yohana 17:8

kigira amakuva ga wa mpa, inze mali kuvaha; navo va ga vugula, kandi va manya ligali nda twula ku ive, kandi va suuvira ni ive wa ntuma.

Yohana 3:34

Kigira uyo wa Nyasaye ya tuma a vola amakuva ga Nyasaye: kigira Nyasaye si a mu ha Roho nekigero.

Kwidzulitsa 18:18

Nda va singeridzira mprofeti hagati ha vamwavo vavo, a veye kuli ive; na nda vika amakuva gange mmunwa gwigwe, na a la va volera gosi aga nda mu laga.

Kwidzulitsa 33:27

Nyasaye wemihiga nemihiga niye ubumenyo bubzoo, Namakono gemihiga nemihiga ga veye isi wowo. Naye ya twulidza musigu imbiri li wowo, Na a vola, Wononye.

Vahebraina 8:10

Kigira yili nilyo lilagana lya ndi kolera inyumba ya Israeli Inyima wa madiku yago, Mwami a vola; Nda vika lilaga lyange mu myoyo gyavo, Kandi nda li ng'oda mu myoyo gyavo: Na inze nda va kuvo Nyasaye, Navo va la va ku inze avandu

2 Petro 3:13

Navutswa, kuli lisuuviridza lilye ku lindirira ligulu lihya nelirova lihya lyobulungi bu menyanga mu.

Likunula 1:1

Likunula lya Yesu Kristo, lya Nyasaye ya mu ha, a mannye avatugwa veve, vindu vya ga dukiranga kukolwa bwangu: kandi ya tuma ingelosi a mannye Yohana mutugwa wewe;