Isaya 51:12 - KITABU KITAKATIFU

¹² Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Isaya 51:12 ပူးပေါင်းရင်းမြစ်များ

2 Avami 1:15

Na ingelosi wa Yahova ya volera Elija, Sulunguta halala naye: u ta mu tia mba. Naye ya singira, na a sulunguta halala naye kuduka ku mwami.

Zaburi 118:6

Yahova a veye halala ninze; si nda tia mba: Mundu a nyala kunkolera ki?

Zaburi 146:4

Mwika gwigwe gu twulanga, naye yirana ku marova gege; Ku lidiku zana tsiganagani tsitsye tsi heranga.

Zaburi 92:7

Lwa avsdamano va sebuka kuli bunyasi, Na lwa vosi avakolanga ubudamano velolekidza; Li veye ndi, va duke kudividzwa mihiga nemihiga.

Tsing'ano 29:26

Avanyingi venyanga ubulahi ku uyu wamehanga; Navutswa likalagirwa lyomundu li twula ku Yahova

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 2:22

Mu leke umundu, wemiyika gyigye gyi veye mu amolo gege; kigira uyu a ganaganangwa a veye kindu ku inzira ki?

Isaya 40:1

Mu leminye myoyo, mu leminye myoyo gyavandu vange, Nyasaye wenyu a vola.

Isaya 43:25

Inze, yee, inze niye weyanga mahyolo gogo kigira mwoyo gwange; na si ndidzulitsa ubwoni bubwo.

Isaya 49:13

Mwimbe, mwinye ligulu; u sangale, ive lirova; mu leterere tsinyimbu, mwinye vigulu: kigira Yahova u mali kuleminya avandu veve mwoyo, na a la vererera avandu veve ava dambidzwa.

Isaya 51:3

Kigira Yahova u leminyi Zioni mwoyo; u leminyi mwoyo ha lekwa vutswa hehe hosi, na u koli ligendanyama lilye kuva kuli mulimi gwa Edeni, na kyangalangwi kyikye kuva kuli mulimi gwa Yahova, ubuyanzi nelisangala bu la loleka mu lisantidza, nomwoyo gwelyembirana.

Isaya 52:9

Mu twulidze tsinyimbu tsyobuyanzi, mwimbe halala, mwinye aha li hatswa ha Yerusalemi; kigira Yahova a leminya myoyo gyavandu veve, u tungiye Yerusalemi.

Isaya 57:11

Kandi u tiye ibwaha nokuva mu butii, na u luhe u veha, na u vula kwidzulitsa inze, kandi si wa vika mwoyo mu likuva yili? Inze si nkiring'ani tsinyinga tsinyingi, na ive wa vula kuntia?

Isaya 61:2

kulandidza muhiga gwa Yahova gwa bugirirwa, nelidiku lyo kuvanze kisalya kya Nyasaye wetu; kuleminya myoyo gya vosi ava syo manga;

Isaya 66:13

Kuli uyu wa mama wewe a leminyanga mwoyo, ni ndiyo nda leminya myoyo gyenyu; mu la leminywa myoyo mu Yerusalemi.

Isaya 8:12

Mu ta vola, Tsi veye tsimbemba, mu makuva gosi aga avandu yava va vola Tsi veye tsimbemba; kandi mu ta tia litihidza lyavo, kandi mu ta kola ubutii.

Jeremia 38:19

Ma Zedekia mwami ya volera Jeremia, Inze nda tia Avayuda ava tsia ku Vakalidei, gase va la mbika mmakono gavo, navo va la ndegannya.

Jeremia 41:18

kigira Vakalidei: kigira va va tia, kigira Ishmaeli mwana wa Nethania yiita Gedalia mwana wa Ahikam, womwami wa Babuloni ya mehidza ku kivala.

Ezekieli 2:6

Na ive, mwana womundu, u ta tia avandu yavo mba, kandi u ta tia amakuva gavo mba, kali amafwa nolutavati ni vi veye halala nive, na ive u menya nga hagati ha tsing'e: u ta tia amakuva gavo, kandi u ta timuka enkola kigira lifwana lyavo, kali ni va veye inyumba yebaala.

Matayo 10:28

Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Yohana 14:18

Si ndi mu leka avabisandu: ndadza ku mwinye.

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.

1 Petro 1:24

Kigira, Mibiri gyosi gyi veye kuli ubunyasi, Kandi ubukumi bwagyo bu veye kuli kimuli kyobunyasi. Ubunyasi bwumanga, nekimuli kyabwo ki vunguluka:

1 Samweli 15:24

Na Saulo ya volera Samweli, Inze nkoli ubwoni; kigira ndononnya lilaga lya Yahova, namakuva gogo, kigira nda tia avandu, nokuhulira mwoyo gwavo.

1 Samweli 17:11

Na lwa Saulo na Israeli vosi va hulira makuva yaga ago Mufilisiti, va timuka enkolo, ni va tia ligali.

1 Samweli 21:13

Ma ya girunkanya lugendo lwilwe imbiri wavo, na yekola kuva kuli wobulalu mmakono gavo, na a ng'oda ku miliangu gyekiribwa, namate gege ya ga leka ni ga tonya ku tsinderu tsitsye.