Isaya 51:10 - KITABU KITAKATIFU

¹⁰ Si a li ive wa kaminya inyanza, amadzi goluliva lunene; kya kola ululiva lwenyanza kuva inzira yavatungirwa va vite kuyo?

Isaya 51:10 ပူးပေါင်းရင်းမြစ်များ

Zaburi 106:10

Na ya va honnya ku mukono gwa uyu wa va dunyira, Nokuvananula ku mukono gwomusigu.

Zaburi 106:9

Ya gondokera Inyanza Inzakanyu kandi, na ya kama: Na ndiyo ya va gendidza hagati henyanza kuli mu kivala kyumu.

Zaburi 74:13

Wa vukannya inyanza netsingulu tsitsyo: Wononnya mitwe gyetsinyama tsinene tsyommadzi.

Zaburi 77:19

Muhanda gugwo gu veye mu inyanza, Na tsinzira tsitsyo tsi veye mu amadzi manene Na ligenda lilyo si li manyekana mba.

Kutwula 14:29

Navutswa avana va Israeli va genda ku lirova liumu mu inyanza; na amadzi ga li madigi kuvo, ku mukono mulungi, noku mukono mmosi.

Kutwula 15:13

Ive mu tsimbabasi tsitsyo wimiriye avandu ava wa honnya: U vimiriye netsingulu tsitsyo, va duke mu bumenyo bubwo butakatifu.

Isaya 11:15

Yahova a la dividza mukono gwe nyanza ya Egepeti; noku imbuudza yeye i sambanga a la sung'usira mu kono gwigwe ku Mugera, na a la gu kuya nokugwavukannya gu ve migera gyitano ne gyiviri, nokuvaha lya mbuka nevirenge vi ta nyola amadzi.

Isaya 11:16

Kandi lihasi li la va ho lyavandu veve va tigala, ava twulanga Asuria; kuli lya li lya Israeli mu lidiku lya yanegira kutwula mu kivala kya Egepeti.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 35:8

Na ha zana ha la va lihasi, nenzira, na i la langwa Inzira yobutakatifu; ava ta li avanifu si va li genda kuyo; navutswa i la va ya yavo: avandu volugendo, kali ni va veye avasiru, si va li hyolera kuyo.

Isaya 35:9

King'ang'a ki la vula kuva ho, na tsinyama tsindulu tsi la vula kwanegira kuyo, tsi la vula kuloleka yo; navutswa avahonnywa va la genda yo:

Isaya 42:15

Ndononnya vigulu notugulu, nokunialidza tsingutsa tsyavyo tsyosi; nda kola migera kuva visulu, nokuka minya madavalia gamadzi.

Isaya 43:16

Yahova a vola, uyu u lombanga inzira mu inyanza, inzira mu madzi manene;

Isaya 50:2

Kunangwa, ni kindu ki, lwa ndadza mundu si ya li ho? Lwa nda langa, mundu si ya li ho wa ntivulira? Mukono gwange gu gehidzwi, gu ta nyala kandi kutungira? Naho inze si mbeye netsingulu tsyokuhonnya? Henza, ku ligondoka lyange nkaminya inyanza, nkola migera gyamadzi kuva kyangalangwi: tsisudzi tsyagyo tsi funya, kigira si ha veye namadzi, nokukudza kigira ubuluhu.

Isaya 62:12

Na va la va langa Avandu vata katifu, Ava Yahova ya tungira: na ive u la langwa Wenyangwa, Lidala li vula kulekwa.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Mika 7:15

Kuli ga li mu madiku gelitwula lilyo mu kivala kya Egepeti nda mu mannya vyokugenya.

Zekaria 10:11

Naye a la vita hagati henyanza yelidambidza, nokukuya viguvuli vyenyanza, noluliva lwosi lwomugera gwa Nile lu la kama; noluyai lwa Asuria lu likidzwa, na impimbo yobwami ya Egepeti i la gota.