Isaya 51:1 - KITABU KITAKATIFU

¹ Mu hulire inze, mwinye avalondanga ubulungi, mwinye avenyanga Yahova: mu henze lwanda lwa mwa twula ku nelivadzwa, na lilina lyobogo bwa mu twulidzwa mu neliyavwa.

Isaya 51:1 ပူးပေါင်းရင်းမြစ်များ

2 Kyetsinyinga 15:2

naye ya twula kutsia kwagana na Asa, na a mu volera, U mbulire, Asa, na vosi va Yuda na Benjamini: Yahova a veye halala na mwinye, lwa mwinye mu veye halala naye; ni mu va ni mu mwenya, a la loleka na mwinye; navutswa ni mu va ni mu mu leka, a la leka mwinye.

2 Kyetsinyinga 15:4

navutswa lwa va li mu kivi va yeka ku Yahova, Nyasaye wa Israeli, nokumwenya, ya loleka kuvo.

Zaburi 24:6

Yiki ni kisukululwi kya yavo ava mwenyanga, Yavo avenyanga mumoni mumwo Nyasaye wa Yakobo [Selaha

Zaburi 94:15

Kigira likalaga li lirana ku ubulungi; Na avemyoyo milungi va la bu londa.

Tsing'ano 15:9

Inzira yavadamano i veye ubuvihiriridzi ku Yahova; Navutswa a yanza uyu u londananga nobulungi.

Tsing'ano 21:21

Uyu u londanga ubulungi na tsi mbabasi A nyola livamwoyo, na ubulungi, na lidzominywa.

Isaya 45:19

Inze si mbolanga makiriri, ha kivala kyekisundi; si nda volera kisukululwi kya Yakobo, Mwenya inze vutswa: inze, Yahova, mbola bulungi, nzilwadzanga vindu vyobulungi.

Isaya 48:1

Mu hulire yaga, avenyumba ya Yakobo, ava langangwa ku lieta lya Israeli, nokutwula mu madzi ga Yuda; mwinye avesuha ku lieta lya Yahova, nokutala lieta lya Nyasaye wa Israeli navutswa si ga veye mu geligali, kinga mu bulungi

Isaya 48:12

Hulira inze, O Yakobo, na Israeli mulangwa wange: inze niye; inze mbeye wokutanga, kandi mbeye wekiheri.

Isaya 51:4

Mu hulire inze, mwinye avandu vange; mu tegidze amatu ku inze, mwinye avehiri yange: kigira lilaga li la twula ku inze, na nda kola likalaga lyange li hindiranga li gwe ubulavu bwavandu.

Isaya 51:7

Mu hulire inze, mwinye ava manya bulungi, mwinye avelilaga lyange li veye mu myoyo gyenyu; mu ta tia linyega lyavandu, kandi mu ta genya kigira kihenyahenye kyavo.

Isaya 55:6

Mwenye Yahova inyinga a nyoleka; mu mwanire lwa a veye ahimbi:

Isaya 65:10

Na Sharon ki la va kego kyevyayo, nelivona lya Akori ha la va hetsing'ombe tsi gona, kigira avandu vange va nyenyi.

Amosi 5:6

Mwenye Yahova, na mu la va mwoyo; gase a laaka kuli muliru mu inyumba ya Yosefa, na gu la samba, na a la vula kuva ho u nyala kugusiminya mu Betheli.

Zefania 2:3

Mwenye Yahova, mwinye vosi avahokya velirova, ava gumiranga likalaga lilye; mwenye ubulungi, kandi mwenye ubuhokya: namusia mu la viswa mu lidiku lyobutima bwa Yahova.

Matayo 5:6

Va veye nobugasu ava veye nenzala nobuluhu bwobulungi: kigira va ligutidzwa.

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

Varumi 10:3

Kigira, lwa va vula kumanya ubulungi bwa Nyasaye, kandi lwa venya kusingeridza bwavo avene, si vege hidza ku bulungi bwa Nyasaye.

Varumi 14:19

Kigira yaga ku londe vindu vyemirembe, kandi vindu vyokukonyana.

Vafilipi 3:13

Avamitu, si nzevola inze mwene mmali kunyola: navutswa nkolanga kindu kilala, vindu vyenyima nziviriranga, kandi nzinyira nduke ku vindu vyembiri,

1 Timoteo 6:11

Navutswa ive, O mundu wa Nyasaye wiruke vindu yivi; u londe buiungi, nelitibwa lya Nyasaye, nelisuuvira, nobuyanzi, nobwikudziri, nobuhooma.

2 Timoteo 2:22

Navutswa wiruke likayirwa lidamano lyobuyai, navutswa u londe ubulungi, nobusuu virifu, nobuyanzi, nemirembe, halala na yavo avaniranga Mwami mu myoyo milahi.

Vahebraina 12:14

Navutswa mwenye kuva nemirembe ku vandu vosi, kandi mwenye ubutakatifu, mundu na a vula kuva nabwo, si a li lola Mwami mba: