Isaya 50:2 - KITABU KITAKATIFU

² Kunangwa, ni kindu ki, lwa ndadza mundu si ya li ho? Lwa nda langa, mundu si ya li ho wa ntivulira? Mukono gwange gu gehidzwi, gu ta nyala kandi kutungira? Naho inze si mbeye netsingulu tsyokuhonnya? Henza, ku ligondoka lyange nkaminya inyanza, nkola migera gyamadzi kuva kyangalangwi: tsisudzi tsyagyo tsi funya, kigira si ha veye namadzi, nokukudza kigira ubuluhu.

Isaya 50:2 ပူးပေါင်းရင်းမြစ်များ

Litanga 18:14

Ha veye nekindu ku vyosi ki nyala kutama Yahova? Ku inyinga ya lagwa ndirana ku ive, lwa tsinyinga tsi duka, na Sara a la nyola mwana muyai.

2 Kyetsinyinga 32:15

Kunangwa kalunu Hezekia a ta mu gada mba kandi a ta mu goonya ku inkuva yiyi, kandi mu ta bugirira mba; kigira si ha veye nanyasaye mu tsihiri tsyosi, kinga ubwami u nyala kuho nnya avandu veve mmukono gwange, nomukono gwavadada vange: nasindi Nyasaye wenyu a la nyala ndi kumuhonnya mmukono gwange?

Zaburi 106:9

Ya gondokera Inyanza Inzakanyu kandi, na ya kama: Na ndiyo ya va gendidza hagati henyanza kuli mu kivala kyumu.

Zaburi 107:33

A girunkannya migera kugwa kivala kyumu, Na visenukiru vyamadzi kugwa marova gobuluhu;

Kutwula 14:21

Na Musa ya nyira mukono gwigwe ku inyanza; na Yahova ya kola inyanza kwirana inyima nembuudza yetsingulu itwula ivugwe ubudiku bwosi, na ya kola inyanza kuva kivala kiumu, na amadzi gavukanywa.

Kutwula 14:29

Navutswa avana va Israeli va genda ku lirova liumu mu inyanza; na amadzi ga li madigi kuvo, ku mukono mulungi, noku mukono mmosi.

Kutwula 7:18

Na tsisudzi tsi veye mu mugera tsi la kudza, na mugera gu la gwa mudamano; na Avaegepeti va la lola kivihiri kunwa amadzi gomugera.

Kutwula 7:21

Na tsisudzi tsya li mu mugera tsya kudza; na mugera gwa funya ubugundu, na Avaegepeti si va nyala kunwa amadzi ga twula ku mugera; na masahi ga li mu kivala kyosi kya Egepeti.

Tsing'ano 1:24

Kigira nangi, na mwinye mu suye, Nyiye mukono gwange, na si ha veye nomundu wa vika mu mwoyo gwigwe;

Isaya 11:15

Yahova a la dividza mukono gwe nyanza ya Egepeti; noku imbuudza yeye i sambanga a la sung'usira mu kono gwigwe ku Mugera, na a la gu kuya nokugwavukannya gu ve migera gyitano ne gyiviri, nokuvaha lya mbuka nevirenge vi ta nyola amadzi.

Isaya 19:5

Na amadzi ga twulanga mu inyanza ga la kama, na mugera gu la gota nokwuma.

Isaya 23:11

A nyiye mukono gwigwe ku inyanza, u sung'usi ubwami lugano lugano: Yahova u haani lilago ku Kanani, kudividza tsimpinga tsyalyo.

Isaya 36:20

Ni vanga bwaha mu vanyasaye yavo vosi avevivala yivyo, ava honnya kivala kyavo ku mukono gwange, Yahova a duke kuhonnya Yerusalemi ku mukono gwange?

Isaya 41:28

Na lwa mbenza, ndola, si ha veye nomundu kali mulala; kali hagati havo si ha veye ho mvoli mulala, kuduka, lwa mba teva, u nyala kutivula kindu.

Isaya 42:15

Ndononnya vigulu notugulu, nokunialidza tsingutsa tsyavyo tsyosi; nda kola migera kuva visulu, nokuka minya madavalia gamadzi.

Isaya 43:16

Yahova a vola, uyu u lombanga inzira mu inyanza, inzira mu madzi manene;

Isaya 44:27

u voleranga luliva, Kama, nda kaminya migera gigyo;

Isaya 51:10

Si a li ive wa kaminya inyanza, amadzi goluliva lunene; kya kola ululiva lwenyanza kuva inzira yavatungirwa va vite kuyo?

Isaya 54:6

Kigira Yahova u ku langi kuli mukali wa lekwa nokuvereridzwa mmwoyo, kuli mukali musuhya, inyinga a kungangwa, Nyasaye wowo a vola.

Isaya 59:1

Henza, mukono gwa Yahova si gu gehanga ubutambi bwagwo, gu vule kuhonnya; kandi ugutu gwigwe si gu veye muliduhu, gu vule kuhulira:

Isaya 59:16

Na ya lola si ha veye nomundu, na ya genya kuvasi ha veye nomundu u saala: kigira yaga mukono gwigwe mwene gwa mu letera ubuhonnyi, nobulungi bwibwe bwamudinyeridza.

Isaya 63:13

Wa vimirira mu luliva, kuli iparasi mu kyangala ngwi, va vule kwikigitala?

Isaya 64:6

Kigira kwosi ku gwiye lugano lulala na uyu mudamano, vikolwa vyetu vyobulu ngi vi veye kuli ingubo yononywa: kwosi ku niala kuli litu; nobudamano bwetu bu ku hilanga kuli imbuudza.

Isaya 65:12

nda mu validza mu ve avekivavi, na mwosi mu la sigamira liitwa; kigira lwa nda langa, si mwa bugira; lwa nda vola, si mwa hulira; navutswa mwa kola agobudamano imbiri wetsi moni tsyange, nokutovola ga inze nta yanza.

Isaya 66:4

na inze kandi nda tovola ubugadi bwavo, nobutii bwavo nda leta kuvo; kigira lwa nda langa, si ha li nomundu wa bugirira; lwa nda vola, si va hulira: navutswa va kola vyobudamano imbiri wetsimoni tsyange, nokutovola aga inze nda vula kuyanza.

Jeremia 14:9

Kigira ki ive u veye kuli mundu wa timuka enkolo, kuli mundu wetsingulu u ta nyala kuhonnya? Navutswa ive, O Yahova, u veye hagati hetu, na kwinye ku langangwa ku lieta lilyo; u ta ku leka mba.

Jeremia 35:14

Makuva ga Jonadabu mwana wa Rekabu, aga ya laga avans veve, va vule kunwa iwaini, ga dukidzeywi; nokuduka lero si va nwedzanga mba, kigira va hulira lilaga lya guga wavo. Navutswa mboleye mwinye, ni mbuka mabwebwe nokuvola; na si mu mbuliye mba.

Jeremia 35:15

Kandi nda leta ku mwinye avatumekiri vange vosi avaproieti, ni mbuka mabwebwe nokuvatuma, ni mbola, Mwirane kalunu sa mulala a leke inzira yeye indamano, mu lombe vikolwa vyenyu, kandi mu ta tsia kulonda avanyasaye vandi kuvatumekira mba, na mu la menya mu kivala yiki kya nda ha mwinye na vaguga venyu; navutswa si mwa tegidza gutu, kinga kuhulira ku inze.

Jeremia 5:1

Mu nyagule yiyi na yiyi mu tsinzira tsya Yerusalemi, mu lole kalunu, nokumanya, nokwenya mu migidze gyalyo migalamu, nu u va nu u nyala kunyola musatsa mulala, na a va na a veye ho mulala u kolanga agobulungi, wenyanga ageligali; na inze nda sameha lidala yilyo.

Jeremia 7:13

Kalunu, kigira mu koli miyinzi yigyi gyosi, Yahova a vola, na nda mu volera, ni mbuka mabwebwe nokuvola, navutswa si mwa hulira; na nda mu langa, navutswa si mwa bugirira mba:

Jeremia 7:27

Na ive u la va volera makuva yaga gosi; navutswa si va la ku hulira mba: ive u la va langa; navutswa si va la bugira mba.

Jeremia 8:6

Nda huliridza, ni mbulira, navutswa si va vola bulungi: si ha veye nomundu kali mulala weganira ku ubudamano bwibwe, nokuvola, Nkoli ki? Sa mulala a gumiranga lugendo lwilwe mwene, kuli iparasi i gendanga tsimbiru kwingira mu bulwani.

Danyeli 3:15

Kalunu ni mu va ni mwetegeki inyinga mu hulira mwoyo gwekisiliva, nogwelilere, nogweiidienyi, nogwekinang'oli, nogwobukana, nogwekidulere, nogwetsing'ano tsyosi tsyevikupangwa, mu gwe hasi nokusigamira kifwananyi kya nombi, nu bulahi: navutswa ni mu vula kukisigamira, mu la tebwa isaa zana yeyo, mu kisambiru kyaakanga muliru ligali; na munyasaye zana u nyala kumutwulidza mu makono gange, ni bwaha?

Danyeli 3:29

Kigira yaga inze mbaana munwa, ku tsihiri tsyosi, ku tsimpya tsyosi, ku tsinimi tsyosi, ava vola kindu kidamano ku Nyasaye wa Shadaraka, Meshaka, na Abedinego, va la kalagwa vidonye, na tsinyumba tsyavo tsi la kolwa isina; kigira si ha veye na munyasaye wundi u nyala kuhonnya kuli ndi.

Danyeli 6:20

Na lwa yisunda himbi ha luhangaywa lwa Danyeli ya li mu, ya hanzuka nomwoyo gwobuvereri; mwami ya moloma na a volera Danyeli, O Danyeli, mutumekiri wa Nyasaye u veye mwoyo, Nyasaye wowo, wa u tumekira kazozo, a nyala kukuhonnya u twule mu ving'ang'a?

Danyeli 6:27

a honyanga nokusola, na a kola vilolekidzu, nevyokugenya mu ligulu nomu lirova, wa honnya Danyeli mu tsingulu tsyeving'ang'a.

Hosea 11:2

Kuli vaprofeti va va langa, ni ndiyo va kira kutwula kuvo: ni va lomba vi haanwa vya Vabaal, ni va vuyidza vimuli ku vifwananyi vya vadzwa.

Hosea 11:7

Navandu vange va kayirangwa kwirana inyima nokuleka inze: kali ni va va langa va tsie ku uyu u veye igulu, si ha veye nomulala u nyala kumwidzominya.

Nahum 1:4

A gondokiranga inyanza, na a gi kaminyanga, kandi a kaminyanga migera gyosi: Bashan va nialanga, na Karimeli; nekimuli kya Lebanon ki nialanga.

Habakuk 3:8

Yahova ya vihirirwa nemigera? Butima bubwo bwa li ku migera, Kinga ubutima bubwo bwa li ku inyanza, Ive u duka kunina ku tsiparasi tsitsyo Ku magari gogo gobuhonyi?

Livalidza 11:23

Na Yahova ya volera Musa, Mukono gwa Yahova gwimbihidzwa? Kalunu ive u la lola likuva lyange ni li va ni li duka ku ive, naho li la vula kuduka.

Marko 4:39

Na a vuka na a gaya imbuudza, na a volera inyanza, Kiring'ana, u leng'ere. Nembuudza ya hera, ni gu va muleng'era munene.

Yohana 1:11

Yadza kuvyo vivye, navo aveve si va mu bugirira mba.

Yohana 3:19

Kandi likalaga ni yili, ubulavu bwingiye mu kivala, na vandu va yanza kisundi kuvita ubulavu; kigira miyinzi gyavo gyi veye midamano.

Joshua 3:16

hene yaho amadzi gikanga kutwula ku luvega lwolugulu ga singira, na ga diguluka na ga gwa kitumi ihale ligali, kuduka ha Adam, lidala li veye himbi Zarethan; na amadzi ga sulunguta kutsia ku luvega lwenyanza yekereremu, inyanza yo Munyu, ga kalika ligali: na avandu yavo vambuka kulungika Yeriko.