10 Ni bwaha hagati henyu u tidzanga Yahova, na u huliranga mwoyo gwomutumekiri wewe? Uyu a gendanga mkisundi, na si a veye nobulavu, a suuvire ku lieta lya Yahova nokwidira ku Nyasaye wewe.
Na va konnywa kulwana navo, na Vahagari va vikwa mmakono gavo, halala navosi ava li halala navo; kigira vanira Nyasaye ni va veye mbulwani, naye ya bugirira lisaala lyavo; kigira va vika lisuuvira lyavo muye.
O Nyasaye wetu, si u la kalaga kuvo? Kigira kwinye si ku veye nobunyali ku kiduma yiki kinene kidzanga ku kwinye; kandi si ku ma nya kya ku kola: navutswa tsimoni tsyetu tsi veye ku ive.
Na va vuka mabwebwe, ni va twula kutsia mu kyangalangwi kya Tekoa: na lwa va twula, Jehoshafatu ya singira, na a va volera, Mu mbulire, Yuda na vamenyi Yerusalemi: mu suuvire Yahova Nyasaye wenyu, na ndiyo mu la dinyeridzwa; mu suuvire vaprofeti veve, na ndiyo mu la gasidzwa.
Kigira ki winamanga, O mwoyo gwange? Na kigira ki u hendanga mu inze? U suuvire Nyasaye; kigira nda duka kumwidzominya, Uyu u veye ubuhonyi bwommoni mwange, na Nyasaye wange.
Kiheri kyenkuva yiyi ni yiki; gosi ga mali kuhulirwa: U tie Nyasaye, u gumire lilaga lilye; kigira miyinzi gyi dukiranga mundu ku budukiru bwibwe ni yigyi.
Mu lidiku yilyo ga la va, avatigala va Israeli, na va hona avenyumba ya Yakobo, si va lesedema kandi ku uyu wa va kuya, navutswa va lesedema ku Yahova, Mutakatifu wa Israeli, mu ageligali.
A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.
Kigira yaga likalaga lyobulungi li veye ihale nekwinye, kandi ubulungi si bu ku nyola: kwenyanga bulavu, navutswa henza, ni kisundi; kwenyanga ubwaku, navutswa, ku gendanga mkisundi kinene.
Nebukadinezaru ya gamba na a vola, Nyasaye wa Shadaraka, Meshaka, na Abedinego, yidzominywe, u tumi ingelosi wewe, no kuhonnya avatumekiri veve ava mu suuvira, nokugirunkannya likuva lyomwami, nokuhaana mibiri gyavo, va vule kutumekiri nokusigamira munyasaye wundi, u ta li Nyasaye wavo.
Hene yaho Zerubabeli mwana wa Shealitieli, na Joshua mwana wa Jehozadaku, musalisi munene, halala navatigala vosi vavandu, va hulira mwoyo gwa Yahova Nyasaye wavo, namakuva gomuprofeti, Haggai, kuli Yahova Nyasaye wavo ya mu tuma; navandu va tia imbiri wa Yahova.
Kunangwa avatidzanga Yahova va volerana avene na avene. Na Yahova ya tegidza gutu, na a hulira, kandi kitabu kyelidzulitsa kya ng'oderwa imbiri wewe, kya yavo avatidzanga Yahova, nokuganagana lieta lilye.
Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.
Na Daudi ya dambidzwa ligali; kigira avandu va vola, A laswe magina, kigira myoyo gyavandu vosi gya vereridzwa, sa mulala kigira avana vayai na vakana vavo: navutswa Daudi yeluviridza mwene mu Yahova Nyasaye wewe.