Isaya 5:7 - KITABU KITAKATIFU

⁷ Kigira kizabibu kya Yahova wa mahe ki veye inyumba ya Israeli, navasatsa va Yuda va veye muzabibu mulahi; naye ya henzerera likalaga lilungi, navutswa ya lola lidambidzwa; na ya henzerera ubulungi, navutswa ya hulira lilira.

Isaya 5:7 ပူးပေါင်းရင်းမြစ်များ

Litanga 4:10

Kandi ya mu teva, U koli kindu ki? Mwoyo gwa masahi ga amwavo wowo gu kupanga lwanga ku inze mu lirova.

2 Samweli 7:10

Na nda laga ubogono bwavandu vange Israeli, na nda va simika, va duke ku menya mbogono bwavo avene, na va la vula kusundwa kandi; kinga avana vobudamano si va la va nyangi dza kandi mba, kuli matsyambiri

Ayubu 34:28

Kuduka va kola lilira lyavadaka kuduka kuye, Na ya hulira lilira lya yavo ava dambidzangwa.

Zaburi 147:11

Yahova a yanzidzwa mu yavo ava mu tidzanga, Mu yavo ava suuvira tsimbabasi tsitsye.

Zaburi 149:4

Kigira Yahova yeyanzidza mu avandu veve: Naye a la siaha avahokya nobu honnyi.

Zaburi 80:15

Musala gwomukono gugwo mulungi gwa simika Na lusya lwa wa lomba kuva netsingulu ku ive mwene.

Kutwula 3:7

Na Yahova ya vola, Ligali ndoli ubusaliri bwa avandu vange, ava veye mu Egepeti, na mbuliye lilira lyavo kigira ava va singiriranga; kigira mmanya buvereri bwavo;

Tsing'ano 21:13

Uyu u hananga amatu gege ku lilira lyomudaka, Naye a la lira, na a la vula kuhulirwa.

Kohelethu 4:1

Hene yaho ndirana nokulola vyosi vyekirage vi kolangwa isi weliuva: na, henza, amaliga ga yavo ava dambidzangwa, na si va veye nomundu kuvaleminya mwoyo; noku luvega lwa yavo ava va dambidzanga tsingulu tsya li ho; navutswa si va li nomundu kuvaleminya mwoyo.

Lwimbu lwa Solomoni 7:6

U veye mulahi kuli ndi nowoku yanzidza O muyanze, kigira vindu vyokusangalidza

Isaya 1:21

Ga li ndi lidala lisuuvirifu li gwiye liheyi lya li nelizuye likalaga lyobulungi ubulungi bwa li ni bu gonanga mulyo, navutswa kalunu avalumindi.

Isaya 1:6

Kutwula ku induvatiru kuduka ku mutwe si ha veye nobulamu mba; navutswa tsing'oma, nobukinduki, netsinkwagu: na vi vuli kubohererwa, na vi vuli kunazwa, na vi vuli kuvakwa namaguta.

Isaya 27:2

Mu lidiku yilyo: Mulimi gwomuzabibu gwewaini, mu gwimbire.

Isaya 3:14

Yahova a lingira mu likalaga navakulundu vavandu veve navanene vavo: Ni mwinye ava mali kulia mulimi gwamazabibu; vyalanywa ku vadaka vi veye mu tsinyu mba tsyenyu:

Isaya 3:15

kigira ki mu dambidza avandu vange, nokusia mmoni mwa vadaka? Mwami Yahova wa mahe, a vola.

Isaya 3:17

kigira yaga Yahova a la kuya avakana va Zioni yavo nobufuma ku mitwe, na Yahova a la lang'aminya vyaviswa vyavo.

Isaya 30:12

Kunangwa kigira yaga Uyu Mutakatifu wa Israeli a vola, Kigira mu lega likuva yili, nokusuuvira lidambidza nobukyamu, nokwidira ku yivi;

Isaya 46:12

Mu hulire inze, mwinye ave myoyo midinyu, ava veye ihale ku bulungi:

Isaya 5:2

naye ya ki lima, nokutwulidza magina gakyo, nokusimika mu muzabibu mulahi kuvita gyosi, nokwombaka kitaradzi hagati hakyo, nokuyava mu kiminiru kyewaini: na a henzerera gwame mazabibu, navutswa gwama mazabibu gomulitu.

Isaya 59:13

mu lihyola nokwambakana Yahova, nokugirunkana kuvula kulonda Nyasaye wetu, nokuvola lidambidza nekirage, lisaavira nokutwulidza mu myoyo makuva gobubehi.

Isaya 59:14

Likalaga li girunkanywa kutsia inyuma, na bulungi bu singiye ihale; kigira ageligali ga gwiye mu lihasi, na bulungi si bu nyala kwingira.

Isaya 59:4

Si ha veve nomulala wenyanga mu ubulungi, kinga mulala waniranga mu ageligali: va suuvira vya vutswa, ni va vola bubehi; va vereka inda yekivi, nokwivula ubudamano.

Isaya 62:5

K gira kuli musoleli a kwedzanga mukana, ni ndiyo avayai vovo va la kwa ive; na kuli woserereywi a sangaliranga umwiha, ni ndiyo Nyasaye wowo a la sangalira ive.

Jeremia 12:10

Avayi vanyingi vononnyi milimi gwange gwemizabibu, va duvagi kidieli kyange isi wevirenge vyavo, va koli kidieli kyange kilahi kuva kyangalangwi ki ta li navandu.

Jeremia 24:2

Kihinda kilala kya li namakuyu malahi ligali, kuli makuyu ga tanganga kwenga; na kihinda kindi kya li namakuyu madamano ligali, aga vula kulibwa, ku liva lya ga li amadamano.

Jeremia 50:46

Kigira muliviti gweligumirwa lya Babuloni lirova li degera, nelilira lyalyo li hulirwa mu tsihiri yitsyo.

Ezekieli 22:29

Avandu vekivala va tumekiranga lidambidza, nelinuula nobululu: yee, va lugutanga avadaka navadambi, nokudambidza ava menya ku ga ta li amalahi.

Hosea 10:1

Israeli a veye muzabibu munetu, gwamanga makuyu: kuli ubunyingi bwamakuyu gagwo ni ndiyo kandi a medanga ubwali bwibwe; kuli ubulahi bwekivala kyavo bu veye va lombi ndiyo tsitiru tsindahi.

Mika 6:12

Kigira avatugi va yaho vizuye kirage, na va menyanga mu va vehanga, na ululimi mminwa gyavo lu veye nobugadi.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Habakuk 1:3

Kigira ki u mannyanga inze ubudamano, kigira ki u henzanga ubukyamu? Ki gira ubwoneku nekirage vi veye imbiri wange; kandi ubulwani nelihing'ana vi vuki.

Zefania 3:17

Yahova Nyasaye wowo a veye hagati hoho, wobunyali a la honnya; a la yanza ku ive nelisangala linene; a la sosa mbuyanzi bwibwe; a la sangala ku ive nelyimba.

Matayo 23:23

O Bayaye bu veye ku mwinye, avang'odi na Vafarisayo, avagadi kigira mu tunga izaka ya inaana, nebizari, nekumini, navutswa mu leki amakuva manene gelilaga, bulungi, netsimbabasi, nelisuuvira: navutswa yivi nu bulahi kuvikola, vindu vindi vyembiri muvule kuvileka.

Luka 18:7

Kandi Nyasaye si a la kalagira avatovole veve, ava mwanira mbasu nobudiku, navutswa a likudzira kuvo?

Yohana 15:2

Ku tsisya tsyosi tsi veye ku inze ulu tama, a la lu twulidza, nalwo lwamanga, a la lu halulira lu dase kwama.

Kwidzulitsa 15:9

Welinde na u vule kuva netsiganagani tsindamano mmwoyo gugwo, ku livola, Gu ve himbi muhiga gwe gyitano na gyiviri, muhiga gweliboholola; ma imoni yoy o i ve indamano ku amwavo w owo mudaka, u vule kumuha kindu; na a la lira ku Yahova kigira ive, na bu la va ubwoni ku ive.

Yakobo 5:4

Henzi, amadanyi gavayinziri avagesa milimi gyenyu, aga mwinye mwigalira ku linuula, ga kupa tsikwili: nelilira lya yavo avagesa lingiye mu matu go Mwami Wamahe.