Isaya 5:6 - KITABU KITAKATIFU

⁶ nda ki kola hatswa; ki la vula kusemberwa, kinga kulimwa; navutswa ki la mera amafwa nolutavati: kandi nda laga malesi ga vuli kukupidza imbula kukyo.

Isaya 5:6 ပူးပေါင်းရင်းမြစ်များ

1 Avami 17:1

Na Elija Mutishibi, wa li mu yavo va menya ha Gileadi, ya volera Ahabu, Kuli Yahova, Nyasaye wa Israeli, a veye mwoyo, wa inze singiye imbiri wewe, si ha la va nelime kinga imbula ku mihiga yigyi, ni ga ta li kuli likuva lyange.

1 Avami 8:35

Inyinga migulu mu bofwa, ha vule kuva nembula, kigira va koli ubwoni imbiri wowo; ni va saala kuhenza hano, nokweyama lieta lilyo, nokweganira kuleka ubwoni bwavo, inyinga u va dambidza:

Ayubu 31:40

Matagalu ga mere mbugono bwengano, Na indiva mbugono bweshairi. Makuva ga Ayubu ga heri hano.

Tsing'ano 24:31

Na henza, gwa li gwa mera amafwa gwosi, Gwosi gwa kunikwa nelitambadza Na lugaga lwagwo lwa magina lwa tsomwa hasi.

Isaya 24:12

Mu lidala mu tigaye vutswa, na kiribwa kyalyo ki duyeywi nobwoneku.

Isaya 30:23

Naye a la haanira bugutsa bubwo imbula, bwa u li taga mu mulimi gugwo, na ubukima bwelimeda lyelirova, bu la va bunolu nokwama bunyingi: mu lidiku yilyo tsing'ombe tsitsyo tsi laya mu kyayo kyobwiyangu.

Isaya 32:10

Kigira kivi ki la mu nyola ku madiku ga li duka, mwinye avakali va ta ganagana ku kindu; kigira lyagulwa lyamazabibu li la vula kuva ho, nelivungidzwa lyevindu vyemilimi li la vula kuva ho.

Isaya 49:19

Kigira makuva ga hango hoho ha veye here, ha ta veye navandu, nekivala kikyo kyononywa, ligali ive kalunu u la va kinyerere ligali, u ta dukira ava menyanga mu, na yavo ava ku mira va la va ihale ku ive.

Isaya 55:13

Mbugono bwelitagalu mutaragwa gu la mera mu; nobugono bwolutavati ulwuvu lu la mera mu: na ga la va gokuha Yahova lieta, kuva kilolekidzu kyemihiga nemihiga ki ta hera mba.

Isaya 7:19

Natsyo tsi ladza, na tsi la sosa tsyombi mivona li ta li navandu, nommalina gomu tsinyanda, nommafwa gosi, nomu viyairu vyosi.

Jeremia 14:1

Yili ni likuva lya Yahova lya duka ku Jeremia ku makuva genyinga yekimeyu.

Jeremia 14:22

Mu vindu vya vutswa vyosi vya yavo avetsihiri ki veye ho ki nyala kuleta imbula? Naho ligulu li nyala kuleta lunyirira? Si a veye ive, O Yahova Nyasaye wetu? Kigira yaga kwinye ku la linda ive; kigira ive u lombi vindu ylvi vyosi.

Jeremia 25:11

Na kivala yiki kyosi ki la va kyere, neligenya; na tsihiri yitsi tsi la tumekira mwami wa Babuloni mihiga makumi gatano na gaviri.

Jeremia 45:4

U mu volere likuva yili, Yahova a ku volera: Henza, vya nzombaki nda vi sambula, na vya nsimiki ndiha; uindu yivi vi la va mu kivala yikyo kyosi.

Lisyoma lya Jeremia 2:6

U twulidzi netsingulu hokumenya hehe, kuli ha zana ha li milimi vutswa; wononnyi hokuvugana hehe: Yahova u koli livirirwa mu Zioni amasavo ga madiku manene nelisabato, Na mwami nomusalisi ya va lega mu livihirirwa lyobutima bwibwe.

Hosea 3:4

Kigira ayana va Israeli va la menya madiku manyingi bugira mwami, na bugira munene, na bugira kihaanwa, na bugira itiru, na bugira kisibao na bugira kifwananyi:

Hosea 9:6

Kigira, henza, va tsiye kutwula ku budivi; navutswa Egepeti ki la va vungidza, Memfisi li la va ta; vindu vyavo vilahi vyefetha, vi yanzidzanga, litambadza li la va nyola; mahema gavo ga la va na mafwa.

Joeli 1:7

Yononnyi muzabibu gwange, nokukuvula musala gwamakuyu guange: i kuvuye magodo gagwo ligali, nokugusyuva ihale, tsitsya tsyagwo tsi koleywi tsindavu.

Amosi 4:7

Kandi mmali kugaya imbula i ta kupa ku mwinye, lwa imyeli gyi tigaye gyivaka kuduka ligesa; na mmala kuleta imbula ku lidala lilala, nokugaya imbula i vule kukupa ku lidala lindi; kidieli kilala imbula ya kupa ku, na kidieli kya ya vula kukupa ku kya niala.

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

Kwidzulitsa 29:23

na kuli kivala kyosi ki veye kibiridi, nomunyu, nalisamba, ki vule kutagangwa, kinga kwama, kinga ubulimu bu meranga mu mba, kuli li tung'aminywa lya Sodoma na Gomora, Adima na Zeboim, ga Yahova ya tung'aminya nobutima bwibwe, nelivihirirwa lilye

Likunula 11:6

Yava va veye netsingulu tsyokuboha ligulu, imbula i vule kukupa mu madiku gobuprofeti bwavo: kandi va veye netsingulu ku madzi kugagirunkannya ga gwe masahi, nokuduya lirova neliduya lyosi tsinyinga tsyosi tsya va yanza.