Isaya 5:4 - KITABU KITAKATIFU

⁴ Ha veye na miyinzi ki n gyindi gya li kunyala kukolwa mu kizabibu kyange, gya nda vula kukola? Kunangwa, kigira ki lwa nda henzerera kyame mazabibu, navutswa kyama mazabibu gomulitu?

Isaya 5:4 ပူးပေါင်းရင်းမြစ်များ

Kutwula 37:22

Bwevumbu bwakyo na tsisya tsya li kindu kilala: kinara kya li kindu kilala kyemiyinzi kyokutuula kyethahabu indahi.

Isaya 1:5

Kigira ki mu kyenyanga likuywa kandi, kuduka kumeda bwebaali? Mutwe gwosi gu lwala, nomwoyo gwosi gu kudzi.

Jeremia 2:21

Navutswa nda li ni nda simika ive muzabibu mula hi, bugutsa ubulahi bwere: kunangwa ga li ndi ive u girunkani kuva visibu vi ta konya kindu, kyomuzabibu mu geni ku inze?

Jeremia 2:5

Yahova a vola, Avaguga venyu va loli ubukyamu ki mu inze, kuduka ni va tsia ihale ku inze, nokulonda vindu vya vutswa, navo va gwa avavutswa?

Jeremia 24:2

Kihinda kilala kya li namakuyu malahi ligali, kuli makuyu ga tanganga kwenga; na kihinda kindi kya li namakuyu madamano ligali, aga vula kulibwa, ku liva lya ga li amadamano.

Jeremia 7:25

Kutwula ku lidiku lyavaguga venyu va twula mu kivala kya Egepeti kuduka lidiku lya lero, ndetanga ku mwinye avatumwa vange vosi avaprofeti, ni mbu ka mabwebwe nokuvatuma:

Jeremia 7:26

navutswa si va mbulira mba, kandi si va tegidza amatu, navutswa va kola magoti gavo kuva madinyu: va kola vidamano kuvita vaguga vavo.

Ezekieli 24:13

Mu budamano bubwo mu veye netsiganagani tsindamano: kigira nda kwogidza na ive si wa lava mba, u la vula kulava ku budamano bubwo ligali, nduhe nduke kwigutidza ubutima bwange ku ive.

Hosea 10:1

Israeli a veye muzabibu munetu, gwamanga makuyu: kuli ubunyingi bwamakuyu gagwo ni ndiyo kandi a medanga ubwali bwibwe; kuli ubulahi bwekivala kyavo bu veye va lombi ndiyo tsitiru tsindahi.

Matayo 23:37

O Yerusalemi, Yerusalemi, lidala liita avaprofeti, nokulasa magina avatumwa kulyo Kuduka tsinyinga hali kanga ni nyenya kuvungidza avana vovo kuli inyavuli i vungidza viminyo vyayo mu mwetsimbaha tsyayo, navutswa mwambakana