Isaya 5:30 - KITABU KITAKATIFU

³⁰ Va la fwuma kuvo mu lidiku yilyo kuli liluuma lyenya nza: mundu na a va na a henza kivala a la lola kisundi kandi kivi; nobulavu bu mwaminyeywi mu malesi gyakyo.

Isaya 5:30 ပူးပေါင်းရင်းမြစ်များ

Kohelethu 12:2

lwa liuva, nobulavu, nomweli, netsing'ereng'ani vi kikiri kumwami nywa, namalesi kwirana inyima we mbula;

Isaya 13:10

Kigira tsing'ering'ani tsyomigulu nelihambana lyatsyo si tsi laakidza ubulavu bwatsyo mba: neliuva li la kolwa kisundi mu livaala lyalyo, nomweli gu la vula kwaakidza ubulavu bwa gwo.

Isaya 13:4

Liyoga lyavanyingi mu vigulu, kuli liyoga lyavandu vanene Liyoga lyomuliviti gwobwami bwetsihiri bwa vugana halala Yahova wa amahe ya vungidza amahe ku ubulwani zana.

Isaya 17:12

Ai umuliviti gwavandu vanyingi, va fumanga kuli liluma lyenyanza inene; nelisalama lyetsihiri, tsi salamanga kuli lisalama lyamadzi manene

Isaya 30:6

Ubuliduhu bwe tsinyama tsya Kusini. Kuvita hagati hekivala kyekivi nelisaliridzwa, he king'ang'a kikali ki twula, neking'ang'a, kihirigoma nenzoka yokubuluka i sambanga, yavo va leta ubutugi bwavo ku migongo gyetsisukiri tsisoleli, na akiba yavo ku tsinatwumbi tsyetsing'amia, va tsia ku avandu va ta va konya kindu.

Isaya 59:9

Kigira yaga likalaga lyobulungi li veye ihale nekwinye, kandi ubulungi si bu ku nyola: kwenyanga bulavu, navutswa henza, ni kisundi; kwenyanga ubwaku, navutswa, ku gendanga mkisundi kinene.

Isaya 8:22

na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.

Jeremia 13:16

Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Jeremia 30:5

Kigira Yahova a vola: Ku huliye mwoyo gwelidegera, nogwobutii, si gu veye gwemirembe mba.

Jeremia 50:42

Va gumira ubuta na matimu; va veye avalulu ligali, si va veye netsimbabasi mba; myoyo gyavo gyi luumanga kuli inyanza; navo va ninanga ku tsiparasi; sa mulala u lombeywi, kuli umundu u tsitsanga mbulwani, ku ive, O mukana wa Babuloni.

Jeremia 6:23

Va gumira ubuta nelitimu; va veye avalulu, si va veye netsimbabasi mba; mwoyo gwavo gu luumanga kuli inyanza, na va nina ku tsiparasi tsyavo, sa indala ya lombwa kuli musatsa wobulwani, ku ive, mukana wa Zioni.

Lisyoma lya Jeremia 3:2

Ya nzimirira nokung'endidza mu kisundi, si mwa li mu bulavu.

Ezekieli 26:3

kigira yaga Mwami Nyasaye a vola ndi, Henza, mbeye musigu ku ive, O Turo, nda leta tsihiri tsinyingi tsidze kulwana nive, kuli inyanza i gi nganga viguvuli vyayo igulu.

Joeli 2:10

Lirova li degera imbiri wavo; ligulu li degera; Iiuva na mweli vi mwaminyeywi, na tsing'ereng'ani tsyemwaminya.

Amosi 5:18

O Bayaye ku mwinye ava mwenyanga lidiku lya Yahova Kigira ki mwenyanga lidiku lya Yahova? Li veye kisundi, si li veye ubulavu mba.

Amosi 8:9

Na ga la duka mu lidiku yilyo, Mwami Nyasaye a vola, Nda yeridza liuva mbasu hagati, na nda mwaminya kivala inyinga yombasu gu valanga.

Matayo 24:29

Navutswa inyima yekivi kyanadiku yago bwangu liuva li la nwaminywa, nomweli si gu liaaka etsing'ereng'ani tsi la guluka mwigulu, netsingulu tsyomwigulu tsi la degeridzwa:

Likunula 6:12

Kandi nda lola inyinga ya boholola muhuri gwegyitano na mulala lya li ho lidegera linene; neliuva lya gwa limwamu kuli ligunia lyobwoya, nomweli gwosi gwa gwa kuli masahi;