Isaya 5:28 - KITABU KITAKATIFU

²⁸ avandu ave mibano gyavo gyi veye miyogi ligali nobuta bwavo bwekumbi kwetegeka; tsimbagayu tsyetsiparasi tsyavo tsi la ganaganwa tsi veye magina madinyu, netsingida tsyatsyo kuli kihudzudzi:

Isaya 5:28 ပူးပေါင်းရင်းမြစ်များ

Zaburi 120:4

Lu veye kuli mibano myugi kulasa gyowetsingulu, Halala na amanda gekilaha.

Zaburi 45:5

Mibano gyigyo gyi veye miyugi; Avetsihiri va gwidza isi wowo; Gyi veye mu mwoyo gwavasigu vomwami.

Isaya 13:18

Buta buavo bu la vunannya avasoleli; na si va la vererera lwivulu lwenda; tsimoni tsyavo tsi la vula kuvererera avana.

Isaya 21:1

Ubuliduhu bwekyagalangwi kye nyanza. Kuli vihudzudzi vya Kusini vi vitanga hagati, bu twula mu kyangalangwi, nomu kivala kyelitihidza.

Isaya 66:15

Kigira, henza, Yahova a ladza nomuliru, na magari gege gobulwani ga la va kuli kihudzudzi; kutunga ubutima bwibwe nobululu, neligondoka lilye lyolumemo lwomuliru.

Jeremia 4:13

Henza a lanegira kuli amalesi, namagari gege gobulwani ga la va kuli kihudzudzi: tsiparasi tsitsye tsi veye netsimbiru kuvita tsindidzu. Bayaye ku kwinye kigira ku lanyeywi.

Jeremia 47:3

Kigira muliviti gweliduvaga lyetsimbagayu tsya avetsingulu veve, ku lihanga lya magari gege, ku muliviti gwetsingida tsyago, navadada si vekevuka kuhenza avana vovo kigira budedekere bwamakono gavo;

Jeremia 5:16

Imodia yavo i veye kilindwa kyalamu, va veye avetsingulu vosi.

Ezekieli 26:11

A la duvaga tsinzira tsitsyo tsyosi netsimbagayu tsyetsiparasi tsitsye: a liita vandu vovo nekivavi; na vitaradzi vyetsingulu tsitsyo vi lika hasi.

Ezekieli 38:9

Na ive u lanegira, u la duka kuli kihi, u la va kuli lilesi kukunika kivala, ive, na viduma vivyo vyosi, na avandu vanyingi halala nive.

Danyeli 11:40

Kandi inyinga yekiheri mwami wa kusini a la hing'ana naye; na mwami wa kasikasini a la mu twulira kuli kihuudzudzi halala namagari gobulwani, navasikari vokunina ku tsiparasi, nobwato bunyingi; naye a lingira mu vivala yevyo, nokusalama, nokuvita hagati.

Mika 4:13

Si ngira u huule, O mukana wa Zioni; kigira nda kola lwiga lulwo kuva kivya, na tsimbagayu tsitsyo kuva mugasa; na u la duvaga avandu vanyingi: na vyambeti vyavo u la gima Yahova, nobutugi bwavo u la gima.

Nahum 3:2

Lilangerira lyetsinkova, na umuliviti gwetsingida tsyamagari; na ligenda lyetsiparasi, namagari gobulwani ga tumanga,

Vakalagi 5:22

Hene yaho tsimbagayu tsyetsiparasi tsya duvaga nomuliviti, Kigira litumatuma lyatsyo tsyetsingulu kutsyo.