Isaya 5:25 - KITABU KITAKATIFU

²⁵ Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Isaya 5:25 ပူးပေါင်းရင်းမြစ်များ

1 Avami 14:11

Uyu wa Jeroboam u kudzira mu lidala tsi mbwa tsi la mu lia; na uyu u kudzira kyova, manyonyi ga la mu lia: kigira ni Yahova wa vola.

1 Avami 16:4

Mundu wa Baasha u kudzera mu lidala tsimbwa tsi la mu lia; na uyu u kudzera kyova manyonyi gegulu ga la mu lia.

1 Avami 21:24

Uyu wa Ahabu u kudzira mu lidala tsimbwa tsi la mu lia; na uyu u kudzira kyova manyonyi gombwerefu ga la mu lia.

2 Avami 13:3

Ubutima bwa Yahova bwaaka ku Israeli, na a va vika mu mukono gwa Hazaeli mwami wa Siria, nommukono gwa Benhadadi mwana wa Hazaeli, madiku gosi.

2 Avami 9:37

na mubiri mukudzu gwa Jezebeli gu la va kuli isingu mmoni mwemilimi mu kidieli kya Jezireeli, va vule kuvola, Uyu ni Jezebeli.

2 Kyetsinyinga 36:16

navutswa va tindira avatumwa va Nyasaye, na va lega makuva gege, na va kolera vaprofeti veve kihenyihenyi, kuduka ubutima bwa Yahova bwa vuka ku avandu veve, kuduka ha vula kuva nekyoku honnya.

Ayubu 9:13

Nyasaye si a twulidzanga ubutima bwibwe; Yavo avakonyi veve voluyai vinamanga isi wewe.

Zaburi 106:40

Kunangwa ubutima bwa Yahova bwaaka ku avandu veve, Naye ya dunyira miyandu gyigye

Zaburi 114:7

U degere, ive lirova, mmoni mwo Mwami Imbiri wa Nyasaye wa Yakobo

Zaburi 18:7

Hene yaho lirova lya degera nokudengeya; Imise gyevigulu kandi gya degera Kya degera, kigira ya li nobutima.

Zaburi 68:8

Lirova lya degera, Kandi ligulu lya tonyatonya imbula imbiri wa Nyasaye: Kali Sinai kila kya degera imbiri wa Nyasaye, Nyasaye wa Israeli.

Zaburi 77:18

Mwoyo gwenkupa yoyo gwa li mukihudzudzi; Tsimpeni tsya hemahema mu lirova: Lirova lya degera, nokudengeya.

Zaburi 78:38

Navutswa kigira a veye wetsimbabasi, ya sameha ubukyamu bu avo, na si ya vononnya mba: Yee, hali kanyingi ya twula ku ubutima bwibwe, Na si ya vukidza ubululu bwibwe bwosi.

Zaburi 83:10

Ava diva ha Endoru, Ava gwa kuli amavululi ku lirova.

Kutwula 7:19

Na Yahova ya volera Musa, U volere Haruni, U vugule impimbo yoyo, u nyire mukono gugwo ku amadzi ga Egepeti, noku migera gyavo, noku tugera twavo, noku tsinyanza tsyavo, noku madavalia gavo gosi, ga duke kuva masahi, na hosi mu kivala kya Egepeti ha la va namasahi, mu viju vyemisala nomu viju vya magina.

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 10:6

Nda mu tuma ku ihiri i kolanga kihenyahenye, nokumuha amalago ku avandu vobutima bwange, a vugule vilanye, nokugumira avahambe, nokuvaduvaga kuli amadohi ga mahasi.

Isaya 14:19

Navutswa ive u tebeywi kyova ihale nekilindwa kikyo kuli lusya lwokuvihiriridza, wa vikwa yavo aviitwa, yavo avatumitwa nekivavi, yavo avikanga mu magina gombogo; kuli mubiri mukudzu gwa duvagirwa hasi nevirenge.

Isaya 23:11

A nyiye mukono gwigwe ku inyanza, u sung'usi ubwami lugano lugano: Yahova u haani lilago ku Kanani, kudividza tsimpinga tsyalyo.

Isaya 25:11

Na a la nyira makono gege hagati halyo, kuli uyu welemanga a nyiranga makono gege kwelema; navutswa Yahova a likidza hasi luyai lwilwe halala neli kola lyamakono gege.

Isaya 29:2

hene yaho nda dambidza Arieli, na ha la va lisyoma nelilira; naye a la va ku inze kuli Arieli.

Isaya 42:25

Kigira yaga ya tsuka kuye ubululu bwobu tima bwibwe, netsingulu tsyobulwani; navyo vya mu vikirira muliru tsi mbega tsyosi, navutswa si ya manya; na gwa mu samba, naye si ya vika ku mwoyo.

Isaya 51:20

Avayai vovo va kudza myoyo, va gonanga mu viheri vyamahasi gosi, kuli imboongo mu mutego; vizuye ubutima bwa Yahova, ligondoka lya Nyasaye wowo.

Isaya 64:3

Lwawakolavyokutihidza vya kwa vula kuvihenzerera lwa wika hasi, vigulu vya degera imbiri wowo.

Isaya 66:15

Kigira, henza, Yahova a ladza nomuliru, na magari gege gobulwani ga la va kuli kihudzudzi; kutunga ubutima bwibwe nobululu, neligondoka lilye lyolumemo lwomuliru.

Isaya 66:24

Na va la twula, va la henza mibiri mikudzu gyavandu ava hyola ku inze: kigira ing'ende yavo i la vula kukudza, kandi muliru gwavo gu la vula kusiminywa; na va la va livihiriridza ku vemibiri vosi.

Isaya 9:11

Kigira yaga Yahova a la singeridza avasigu va Rezin, va hing'ana naye, na a la tsyuva avasigu veve,

Isaya 9:16

Kigira yavo avemiriri vavandu yava va va kyaminya; navo va vandu yavo vimirira va dividzwa.

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 9:20

Na mulala a la nuula ku luvega lwomukono mulungi, na a la va nenzala; a la lia ku luvega lwomukono mmosi, na a la vula kwiguta: mundu sa mulala a la lia inyama yomukono gwigwe mwene:

Isaya 9:21

Manase kulia Efiraim, na Efiraim kulia Manase: na vombi va la va nelihing'ana na Yuda. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 15:3

Nda laga kuvo tsing'ano tsine, Yahova a vola: kivavi kwiita, netsimbwa kutandula, na manyonyi gombwerefu, netsinyama tsindulu tsyekivala, kulia nokudividza.

Jeremia 16:4

Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.

Jeremia 17:4

Na ive, kali ive mwene, u la lekana nemiyandu gyigyo gya nda ku ha; nda niga ive u tumekire avasigu vovo mu kivala kya u ta manya: kigira mwa fwana muliru mu ubut ma bwange gu la dedima kazozo.

Jeremia 4:24

Nda lola vigulu, henza, vya degera, notu gulu twosi twa tumatuma.

Jeremia 4:8

Kigira yaga webohe ingubo yeli gunia, u syome, nokukupa tsikwili kigira ubutima bululu bwa Yahova bu vuli kwiranywa kutwula ku kwinye.

Jeremia 6:12

Netsinyumba tsyavo tsi la va tsya vandu vandi, milimi gyavo navakali vavo halala; kigira nda nyira mukono gwa nge ku avandu vekivala, Yahova a vola.

Jeremia 8:2

na va la vi vagala ku mbasu noku bwomweli, noku lihe lyosi iyomigulu, avanyasaye va va li ni va yanza, nokuvatumekira, nokuvalonda, nokuvenya, nokuvasi gamira: vi la vula kuvungidzwa, kandi vi la vula kutebwa, vi la va isina mmoni mwekivala.

Jeremia 9:22

Vola, Yahova a vola ndi, Mibiri mikudzu gyavandu gyi la vunguluka kuli amandu mu malimiru, kandi kuli kikamata kya ng'alika inyima womugesi; si ha la va nomundu wokukivungidza halala.

Lisyoma lya Jeremia 5:22

Nawtswa u ku suye ligali; U veye nobutima bunene ku hvinye.

Ezekieli 15:6

Kunangwa kigira yaga, Mwami Nyasaye a vola ndi: Kuli muzabibu gu veye mu misala gyommulitu, gya mmali kuha umuliru kuva tsinku, na ndiyo ndi haana yavo ava menyanga mu Yerusalemi.

Ezekieli 30:25

Nda dira amakono gomwami wa Babuloni; na amakono ga Farao ga la tonya hasi; na va la manya inze mbeye Yahova, lwa mbika kivavi kyange mmakono gomwami wa Babuloni, naye a la ki nyira ku kivala kya Egepeti.

Ezekieli 6:14

Na nda nyira mukono gwange kuvo, na nda kola kivala hatswa na kyanyi, kutwula mwigendanyama ku luvega lwa Dibila, nokuvita hokumenya havo hosi; na va la manya inze mbeye Yahova.

Danyeli 9:16

O Mwami, kuli ubulungi bubwo bwosi nku saalanga ligali, u leke ubutima bubwo nelivihirirwa lilyo vi girunkanywe kutwula ku lidala lilyo Yerusalemi, kigulu kikyo kitakatifu; kigira ku bwoni bwetu, noku mahyolo gavaguga vetu, Yerusalemi na avandu vovo va gwiye amanyego ku vosi ava menya ku tsindulu tsyetu tsyosi.

Hosea 14:4

Inze nda honnya lirana inyima Ivavo, nda va yanza nomwoyo gwosi; kigira livihirirwa lyange li twuli kuye.

Amosi 8:8

Kivala si ki la degera kigira yaga, noku vosi u menyanga mukyo si a la syoma? Yee, ki la vuka kvosi kuli Mugera; na ki la lola ubudinyu nokugehera kandi, kuli Mugera gwa Egepeti.

Mika 1:4

Kandi vigulu vi la yinguka isi wewe, na mavona ga latanywa, kuli masang'asa imbiri womuliru, kuli amadzi ga sundulwa ku yongovera ku kisulungutu.

Nahum 1:5

Vigulu vi degera imbiri wewe, na tugulu tu yenguka; na lirova li gingangwa igulu mbiri wewe, yee, lirova na vosi va menyanga mulyo.

Habakuk 3:10

Viguli vya ku lola, na vya tia; Kihi kyamadzi kya vita; Luliva lwa ginga mwoyo gwalwo, Nokuginga makono galwo igulu.

Zefania 1:17

Na nda leta lidambidza ku avandu, va luhe va gende kuli avaboku, kigira va koli ubwoni ku Yahova; masahi gavo ga la tahidzwa kuli lugukyi, netsinyama tsyemibiri gyavo kuli isina.

Kwidzulitsa 31:17

Hene yaho ubutima bwange bu laaka kuvo lidiku yilyo, na nda va leka, na nda visa mmoni mwange kuvo, va duke kumirwa, nobudamano bunyingi nekivi vi la duka kuvo, kuduka va vole lidiku yilyo, Ubudamano bunyingi yibu bu duki ku kwinye si ga veye kigira Nyasaye wetu si a veye hagati hetu?

Kwidzulitsa 31:18

Na nda visira ligali mmoni mwange mu lidiku yili kigira budamano bwosi bwa va kola, kugirunkana ku vanyasaye vandi.

1 Vatesalonike 2:16

kandi va ku gaya kuvolerana nave Tsihiri va duke kuhonnywa; va duke kukiridza ubwoni bwavo kazozo: navutswa ubutima bu duki kuvo bwosi ligali.

Likunula 20:11

Kandi nda lola intebe inene indavu, noyu wikala ku, welirova neligulu viruka mumoni mwimwe; kandi si ha nyoleka hokumenya havyo.