Isaya 5:19 - KITABU KITAKATIFU

¹⁹ navo ava volanga, A kole bwangu, yanguhidze miyinzi gyigye ku gyi lole; na makuva go Mutakatifu wa Israeli gesunde himbi gadze, ku ga manye

Isaya 5:19 ပူးပေါင်းရင်းမြစ်များ

Isaya 30:11

mu twule ku inzira, mu girunkane mu twule ku katsira, mu heridze Uyu Mutakatifu wa Israeli, a vule kuva imbiri wetu.

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Jeremia 17:15

Henza, va ntevanga, Likuva lya Yahova li veye haliha? Ii duke kalunu.

Jeremia 23:18

Kigira ni bwaha wa singira mu makuva ga Yahova, kuduka na a ga manya nokuhulira likuva lilye? Ni bwaha wa vika mu mwoyo likuva lyange, nokulihulira?

Jeremia 23:36

Na musigo gwa Yahova si mu la gu volera kandi: kigira sa mulala likuva lilye mwene li la va musigo gwigwe; kigira mu mali kukyaminya amakuva ga Nyasaye u veye mwoyo, amakuva ga Yahova wa mahe, Nyasaye wetu.

Jeremia 36:23

Na gaduka, Jehudi lwa ya mala kusoma miliango gyivaka kinga gyine, mwami ya li kalaga na kabano, na a li ta ku muliru gwa li gwaakanga ku mahiga, kuduka ni li mala ku hya lilinga lyekitabu kyosi mu muliru gwa li ku mahiga.

Ezekieli 12:22

Ive mwana womundu, ni lugano ki lwa mu veye nalwo mu kivala kya Israeli, kuvola, Madiku ga medangwa kuva manyingi, na malola gosi ga gotanga?

Ezekieli 12:27

Ive, mwana womundu, henza, yavo avenyumba ya Israeli va vola, Amalola ga a lolanga ga veye ga madiku manyingi gadzanga, na a profetanga makuva getsinyinga tsi veye ihali ligali.

Hosea 10:3

Ligali kalunu va la vola, Kwinye si ku veye nomwami; kigira ku vuli kutia Yahova; nomwami, a nyala kukukolera ki?

Malaki 2:17

Mu mali kuluhidza Yahova na makuva genyu. Navutswa mu volanga, Ku mu luhidza ku makuva ki? Ga veye ku livola lya mu volanga, Sa mulala u kolanga ubudamano a veye mulahi mu tsimoni tsya Yahova, naye a sangaliranga avandu yava; kinga Nyasaye welikalaga a veye haliha?