Isaya 5:17 - KITABU KITAKATIFU

¹⁷ Inyinga yeyo avana va magondi va leyaya kuli va veye mu kyayiru kyavo avene, na hatswa hosi havakomeru vagendagendi va la lia.

Isaya 5:17 ပူးပေါင်းရင်းမြစ်များ

Nehemia 9:37

Na kivala yiki ki hedzanga avami ava mehidzwa ku kwinye vyambeti nelimedeka kigira ubwoni bwetu: navo va veye nobunyali ku mibiri gyetu, noku mitugu gyetu, kuli va yanza, na kwinye ku veye mu lidambidzwa linene.

Zaburi 119:70

Mwoyo gwavo gu komera kuli maguta; Navutswa inze nsangalira mu itorati yoyo.

Zaburi 17:10

Mwoyo gwavo mudamano va hani ligali: Nomunwa gwavo va vola agobuhaga.

Zaburi 17:14

U mbonnye ku avandu, nomukono gugwo, O Yahova, U mbonnye ku avomu lirova aveliva lyavo li veye ku lirova, Avetsinda tsyavo ive wizulitsa nevyomu kidera kikyo: Va veye na avana vanyingi, Na vindu vyavo vi tigaye va lekeye avana vavo vadoto.

Zaburi 73:7

Va himbuki tsimoni tsyavo kigira likomera lyavo: Vya va veye navyo vi viti lyenya lyemyoyo gyavo.

Isaya 1:7

Kivala kyenyu ki veye king'anye; madala genyu ga sambeywi nomuliru; kivala kyenyu, avamenyi va ki lia imbiri wetsimoni tsyenyu, nakyo ki veye king'anye, kuli kya vamenyi va tung'aminya.

Isaya 10:16

Kigira yaga Yahova, Yahova wa mahe, a la hila ubung'afu bwingire mu vikomeru vivye; kandi isi wobukumi bwibwe li laakidzwa lisamba, kuli lisamba lyomuliru.

Isaya 17:2

Madala ga Aroeri ga lekwa; ga la va gevyayo vyamagondi ga gona yo, na si ha veye na u nyala kugatihidza.

Isaya 32:14

Na inyumba yobwami i la lekwa; lidala li veye navandu vanyingi ligali, li la va bugira mundu; kigulu nekitaradzi vi la va ubumenyo bwetsinyama madiku gosi, ubusangali bwetsisukiri tsyommulitu, ubwayiru bwamagondi;

Isaya 40:11

A laya kyayo kikye kuli mwayi, a la gumira avana vamagondi mmukono gwigwe, na a la va ginga ku kiritu kikye, na va nunanga a la vendereridza.

Isaya 65:10

Na Sharon ki la va kego kyevyayo, nelivona lya Akori ha la va hetsing'ombe tsi gona, kigira avandu vange va nyenyi.

Isaya 7:25

Na vigulu vyosi vya limwa nembako, ive si u la duka yo kigira ubutii bwamafwa nolutavati; navutswa ha la va hokuhila tsing'ombe, nokuduvugwa namagondi.

Jeremia 5:28

Va komeye ligali, va ng'ereng'ana; yee, va viti kigero ku vikolwa vyavo vidamano; si va veranga likuva, likuva lyombisandu, va duke kugasidzwa; nobulungi bwomudambi si va kalaganga mba.

Lisyoma lya Jeremia 5:2

Miyandu gyetu gyi girunkannyeywi kutsia ku vageni, Tsinyumba tsyetu tsi veye tsya avandu vandi.

Hosea 4:16

Kigira Israeli u koli bwibaali, kuli iroli yobwibaali: kalunu Yahova a la va lihidza kuli mwana weligondi mu ubwiyangu bunene.

Hosea 8:7

Kigira va midzanga imbuudza, na va la gesa kihudzudzi: si a veye nobuswage bu singiranga; limera lilye si li la leta ubusie; ni li va ni li leta, avageni va la bu mira.

Mika 2:12

Ligali nda vungidza mwinye vosi, O Yakobo; ligali nda vungidza va tigala va Israeli; nda va vika halala kuli magondi ga Bozra, kuli kyayo hagati hekyairu; va la kola liyoga ligali kigira ubunyingi bwavandu.

Zefania 2:14

Na vyayo vyetsing'ombe vi la gona hagati hehe, netsinyama tsyosi tsyetsihiri; neling'ang'a nekirungu vi la gona ku buguliliru bwatsyo; myoyo gyavo gyi la hulirwa mu madirisha: mu mukingi gwalyo ha la va hatswa: kigira u lang'aminye miyinzi gyomutaragwa.

Zefania 2:6

Na luginga lwenyanza lu la va kyairu, na ha la va nevidioli vyavayi, nevigo vyamagondi.

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

Kwidzulitsa 28:33

Makuyu gekivala kikyo, nelididikana lilyo lyosi, ihiri yindi ya u ta manya i la li lia; u la kupidzwa kivi nokushonolanywa kazozo;

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.