Isaya 5:16 - KITABU KITAKATIFU

¹⁶ navutswa Yahova wa mahe u nenehidzeywi mu likalaga, na Nyasaye Uyu Mutakatifu u takaseywi mu bulungi.

Isaya 5:16 ပူးပေါင်းရင်းမြစ်များ

1 Kyetsinyinga 29:11

O Yahova, vi veye vivyo tsingulu, nobunyali, nobukumi, neliguuta, nobwami: kigira vyosi vi veye migulu nomu lirova ni vivyo; ubwami bu veye bubwo O Yahova, ive u kuminyeywi kuva mutwe ku vindu vyosi.

Zaburi 21:13

O Yahova, u nenehidzwe mu tsingulu tsitsyo: Kunangwa ku limba nokwidzo minya tsingulu tsitsyo.

Zaburi 46:10

Mu kiring'ane, mu manye inze mbeye Nyasaye: Nda nenehidzwa mu tsihiri, nda nenehidzwa mu lirova.

Zaburi 9:16

Yahova yelolekidzi mwene, a lombi likalaga: Mudamano u tegeywi mu likola lyamakono gege mwene. (Higaion. Selaha)

Isaya 12:4

Na mu lidiku yilyo mu la vola, Mu santidze Yahova, mwa nire lieta lilye, mu landidze vikolwa vivye mu tsihiri, mu vole lieta lilye lya nenehidzwa ligali.

Isaya 2:11

Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 2:17

Noluyai lwomundu lu linaminywa, nekirage kyavandu ki likidzwa hasi; na Yahova yeng'ine mu lidiku yilyo a la kumi nywa.

Isaya 2:9

Na mundu munyaaviru yinaminyangwa, nomu ndu munene a gehidzangwa, kuna ngwa kigira yaga u ta va sameha mba.

Isaya 28:17

Nda singeridza likalaga kuva ligera, nobulungi bu la singelidzua kuva iplum; na imbula vamagina i la hila kyokwivisa mu kyobubehi, namadzi ga lizulitsa kuvita hokwivisa.

Isaya 29:23

Navutswa lwa a lola avana veve, ava veye miyinzi gyamakono gange, ha gati hehe, va la takasa lieta lyange; yee, va la takasa Uyu Mutakatifu wa Yakobo, na va la tia Nyasaye wa Israeli.

Isaya 30:18

Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 33:10

Inze nda singira kalunu, Yahova a vola; kalunu ndeginga; kalunu nda kuminywa.

Isaya 33:5

Yahova a kuminywa; kigira a menyanga igulu: wizulitsa Zioni nelikalaga nobulungi.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 6:3

Mulala ya volera wundi, na a vola, Mutaka tifu, mutakatifu, mutakatifu ni Yaho va wa mahe: lirova lyosi lizuye ubukumi bwibwe.

Isaya 61:8

Kigira inze, Yahova, nda yanza likalaga lilungi, ndunyira bunuuli nobudamano; nda va tunga litungwa lyavo mu geligali, na nda lomba lilagana lyemihiga nemihiga halala navo.

Isaya 8:13

Yahova wa mahe, niye wa mu takasa; uyu a ve ubutii bwe nyu, uyu a ve litihidza lyenyu.

Ezekieli 20:41

Irze nda bugirira mwinye kuli umuhomo gu yanzidzanga, lwa ntwu lidza mwinye mu vandu, nokumu vungidza mu twule mu vivala vya mwa salannywa mu: na nda takaswa mu mwinye imbiri wetsimoni tsyetsihiri.

Ezekieli 28:22

Mwami Nyasaye a vola ndi: Henza, mbeye musigu ku ive, O Sidone; nda kuminywa hagati hoho; na va la manya inze mbeye Yahova, lwa mmali kukola likalaga muye, nokuva mutakase muye.

Ezekieli 28:25

Mwami Nyasaye a vola ndi: Lwa mmala kuvungidza inyumba ya Israeli kutwula ku avandu va va sa lanywa mu, nokutakaswa muvo imbiri wetsihiri, hene yaho va la menya mu kivala kyavo kya nda ha mutumekiri wange Yakobo.

Ezekieli 36:23

Na nda takasa lieta lyange linene, lyononnywa hagati hetsihiri, lya mwinye mwononnya hagati havo; na vetsihiri va la manya inze mbeye Yahova, Mwami Nyasaye a vola, lwa ndi takaswa mu mwinye imbiri wetsimoni tsyavo.

Ezekieli 38:16

u lanegira uudze ku ava ndu vange Israeli kulwana navo, kuli lilesi kukunika kivala; ga la va mu madiku gekiheri nda leta ive uudze kulwana nekivala kyange, tsihiri tsi duke kumanya inze, lwa ntakaswa mu ive, O Goga, imbiri wetsimoni tsyavo.

Ezekieli 38:23

Na ndii dzominya inze mwene, nokwetakasa inze mwene, ndemannya inze mwene mmanyekane imbiri wetsimoni tsyetsihiri tsinyingi; navo va la manya inze mbeye Yahova.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Kyavalevi 10:3

Hene yaho Musa ya volera Haruni, Yiyi ni inkuva ya Yahova ya vola, na a vola, Nda takaswa mu yava avisunda himbi ku inze, na nda kuminywa imbiri wa avandu vosi. Na Haruni ya kiring'ana.

Livalidza 20:13

Na amadzi yaga, ga veye amadzi ga Meriba; kigira avana va Israeli va hing'ana na Yahova, naye ya va mannya a veye mutakatifu hagati havo.

Varumi 2:5

Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.

1 Petro 1:16

kigira ga ng'odwa, Mu la va avatakatifu; kigira inze mbeye mutakatifu.

1 Petro 2:15

Kigira ubulaliri bwa Nyasaye bu veye ndiyo, ku likola bulahi mu duke kukiring'anya livula kumanya lyavandu avasiru.

1 Petro 3:15

navutswa mu takase Kristo a ve Mwami mu myoyo gyenyu: mwetegeke madiku gosi kutivulira mundu sa mulala u mu teva ku lisuuvira lya mu veye nalyo, navutswa mu kole nobuhooma nobutii:

Likunula 3:7

Kandi u ng'odere ingelosi welivugana li veye mu Filadelfia. Yivi nivyo vya uyu u veye mutakatifu, noweligali, kandi u veye nolufunguo lwa Daudi, nowigulanga kandi si ha veye nomuhani, no hananga kandi si ha veye nowigula, a volanga:

Likunula 4:8

Kandi vilombe vi veye mwoyo vine, sa kilala kuvyo kya li namavaha gatano na lilala, navyo vizula tsimoni hosi nomugati: navyo si vi sosanga mbasu nobudiku, vi volanga, Mutakatifu, mutakatifu, mutakatifu, Mwami Nyasaye, Wanyala Vyosi, wa li ho, no veye ho, no udzanga.