Isaya 5:15 - KITABU KITAKATIFU

¹⁵ Na uyu munyaviru yinaminyangwa hasi, na munene a gehidzangwa, netsimoni tsyavadiguluku tsyeyondidza:

Isaya 5:15 ပူးပေါင်းရင်းမြစ်များ

2 Samweli 22:28

Na ava dambidzangwa u la va honnya; Navutswa tsimoni tsitsyo tsi veye ku yavo aveyidzominyanga, u duke kuvagehidza.

Zaburi 131:1

Yahova, Mwoyo gwange si gwiyidzominya, kandi tsimoni tsyange si tsyeginganga igulu; Kandi si ntsitsanga mu makuva manene, Kinga mu vindu vinene vyokugenya vyokuvita inze.

Zaburi 62:9

Ligali avandu ava hanzahanza va veye vyavutswa, na avandu avanene va veye ububehi: Mu tsiratili va la gingika; Vosi halala va veye avahuhu kuvita mwika.

Kutwula 9:17

Kali kalumu wegingira ku avandu vange, na u suye kuvalakula va tsie?

Tsing'ano 30:13

Ha veye nelikula, lyeginga lyetsimoni tsyavo li duka ndi Na vigohe vyavo vya gingwa.

Isaya 10:12

Kigira yaga ga la va, lwa Yahova a mala kudukidza miyinzi gyigye gyosi ku kigulu kya Zioni noku Yerusalemi, nda kalagira makuyu gomwoyo mudinyu gwomwami wa Asuria, nobukumi bunene bwetsimoni tsitsye tsyobwegingiri.

Isaya 10:33

Henza, Mwami, Yahova wa mahe, a la kalaga tsisya nelitihidza; navatambi va la temwa ligali, na veginga va likidzwa hasi.

Isaya 13:11

Na inze nda kalagira lirova yili kigira ubudamano bwalyo, nava damano nda va kalagira kigira ubu kyamu bwavo; na nda heridza luyai lwa yavo avekirage, noluyai lwa yavo avatihidzi nda lu tsoma hasi.

Isaya 2:11

Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 2:12

Kigira li la va ho lidiku lilala lya Yahova wa mahe, ku gosi agekirage na goluyai, noku gosi aga diguluka; ga likidzwa hasi;

Isaya 2:17

Noluyai lwomundu lu linaminywa, nekirage kyavandu ki likidzwa hasi; na Yahova yeng'ine mu lidiku yilyo a la kumi nywa.

Isaya 2:9

Na mundu munyaaviru yinaminyangwa, nomu ndu munene a gehidzangwa, kuna ngwa kigira yaga u ta va sameha mba.

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Isaya 37:29

Kigira ubutima bubwo ku inze, kandi kigira kirage kikyo ki duki mmatu gange, kigira yaga inze nda vika inzago mu molo gogo, nelijamu mu minwa gyigyo, na nda kwirannya ku inzira ya wadzira ku.

Jeremia 5:9

Si ga ndukira kuvanza kisalya ku vindu kuli yivi? Yahova a vola; mwoyo gwange si ndevanzira kisalya ku ihiri i veye kuli yiyi?

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Zefania 3:11

Ku lidiku yilyo si u la va isoni mba kigira likola lilye lyosi, vya u nkoleye mu mahyolo; kigira inyinga yeyo nda twulidza hagati hoho avandu vovo aveyidzominyanga nokukola luyai, na ive si u legingira kandi mu kigulu kitakatifu kyange.

1 Petro 5:5

Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.