Isaya 5:14 - KITABU KITAKATIFU

¹⁴ Kigira yaga Kihadisi ki galaminye ligali likayirwa lyakyo, nokwalaminya munwa gwakyo kuvita kigero; nobukumi bwavo, nobunyingi bwavo, noluyai lwavo, na uyu u sangalanga hagati havo, viyongoveranga mu.

Isaya 5:14 ပူးပေါင်းရင်းမြစ်များ

Zaburi 49:14

Kuli magondi va hilangwa mu kilindwa; Likudza li la va mwayi wavo: Mugamba avalungi va la va netsingulu kuvo; Na ligondo lyavo li la gulula na li la va lyekilindwa, ki la li kaminya, Kuduka ha vula kuva hokumenya halyo.

Zaburi 55:15

Likudza li va dukire bwangu, Va tsie mu Kihadisi ni va kikiri mwoyo Kigira ubudamano bu veye mu limenya lyavo, na hagati havo.

Tsing'ano 1:12

Ku va mire ni va veye mwoyo kuli Kihadisi, Nokuvamira ni va veye avagima, kuli yavo avikanga mbogo;

Tsing'ano 27:20

Kihadisi na Mung'ani si vi nyala kwiguta; Na ndiyo tsimoni tsyomundu si tsi nyala kwiguta mba.

Tsing'ano 30:16

Kilindwa; na mugumba; Lirova li vula kwiguta amadzi; Na muliru gu vula kuvola, Ga duki.

Isaya 14:11

Ubunene bubwo bwikidzeywi hasi mu Kihadisi, nemyoyo gyamamuga gogo: ing'ende i vagaywi isi wowo, netsing'ende tsi ku kuniki.

Isaya 14:9

Kihadisi kya hasi kya sung'uswa kigira ive ki duke ku ku vuganira lwa udzanga; ki vukidzanga avukudzu kigira ive, kali vosi yavo avanene vomu lirova; ki vukidza avami vosi vetsihiri va twule ku tsintebe tsyavo tsyobwami.

Isaya 21:4

Mwoyo gwange gu herananga, litihidza li mbiki mu butii: inyinga ya bwiranga ya nyenyanga i girunkanyeywi kuva lidegera ku inze.

Isaya 24:8

Ubusangali bwevindu ku lugano lwesugudi bu heri, isango ya yavo ava sangalanga i heri, ubusangali bwobukana bu heri.

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Ezekieli 7:12

Inyinga i duki, lidiku li sundanga himbi: u gulanga a ta sangala, kinga mugulidzi a ta verera; kigira ubutima bu veye ku bunyingi bwavo bwosi.

Danyeli 5:30

Ubudiku zana yibwo Belishazaru mwami Mukalidei, yiitwa.

Nahum 1:10

Kigira kali ni va veye kuli amafwa ga di ndana, nokuhambika kuli mu linwa lyavo, va sambwa ligali kuli mavivi amumu.

Habakuk 2:5

Yee, halala na yaga, iwaini i veye nobugadi, woluyai, u gala kumenya mu inyumba yeye; u galaminyanga likayirwa lilye kuli Kiha disi, na a veye kuli likudza, si a nyala kwigutidzwa, yevungidziranga tsihiri tsyosi, yelomberanga vitumi ava ndu vetsihiri tsyosi.

Matayo 7:13

Mwingire mkiliango ki veye king'erere: kigira inzira i tsitsa hokudividza ni mambalalu, nekiliango kyayo ki veye kigalamu na vanyingi vingiranga mu.

Luka 17:27

Va lia, ni va nwa, ni va kwa ni va sererwa, kuduka ku lidiku lya Nuhu yingira mu bwato, namadzi manene gadza ni ga va hila vosi.

Luka 21:34

Navutswa mwinye mu gelihe gase myoyo gyenyu gyi la minika nobuhuvali nobuhambiki nobunyankani bwelivamwoyo yili, kandi lidiku yilyo li la mu nyola bwangu kuli mutego: