Isaya 49:6 - KITABU KITAKATIFU

⁶ yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 49:6 ပူးပေါင်းရင်းမြစ်များ

Litanga 49:10

Impimbo yobwami si i la twula ku Yuda, Kandi impimbo yokwameha si i la twula hagati hevirenge vivye, Kuduka inyinga Shilo yadza; Na lihulira lyavandu li la va kuye.

2 Avami 20:10

Na Hezekia ya tivula, Li veye lyangu, ikiriri ki tsie imbiri vikaa likumi, auwa, ga ve ikiriri kirane inyima vikaa likumi.

2 Avami 3:18

Na inkuva yiyi i veye inyangu imbiri wa Yahova: halala na yaga a la vika Vamoabu mu makono genyu.

Zaburi 37:28

Kigira Yahova a yanza likalaga lilungi, Na si a lekanga avatakatifu veve; Va lindangwa mihiga nemihiga: Navutswa visukululwi vyavadamano vi la temagwa.

Zaburi 67:3

Avetsihiri va kwidzominye, O Nyasaye; Avetsihiri tsyosi va kwidzominye.

Zaburi 97:10

O mwinye ava yanza Yahova, mu dunyire ubwoni: A lindanga myoyo gyavatakatifu veve; A va honnya kutwula mu mukono gwavadamano.

Isaya 11:10

Ga la va ku lidiku yilyo, kitinya kya Jesse, ki singiranga kuva kilolekidzu kyavandu, tsihiri tsi la tsia ku uyu; na hokusosa hehe ha la va ho ubukumi.

Isaya 42:10

Mwimbire Yahova lwimbu luhya, mwimbe lidzominywa lilye ku twula ku kiheri kyelirova; mwinye ava sulungutanga mu inyanza, na vyosi vi veye muyo, visulu, na vosi avamenyi muvyo.

Isaya 42:6

Inze, Yahova, nku langi mbulungi, nda ku gumira mukono, nokukulinda, nda ku haana u ve lilagana lyava ndu, nokuva ubulavu bwa Vetsihiri:

Isaya 45:22

Mu henze ku inze, mu honnywe, mwinye avetsindulu tsyelirova tsyosikigira mbeye Nyasaye, si ha veye nowundi.

Isaya 46:13

nda leta ubulungi bwa nge bu ve himbi; si bu la va ihale mba na ubuhonnyi bwange si bu la lindar gira; nda vika buhonnyi mu Zioni kigira Israeli ubukumi bwange.

Isaya 48:20

Mu twule Babuloni, mwiruke mu twule ku Vakalidei; mwilwadze nomwoyo gwokwimba, mu landidze makuva yaga, mu ga vole kuduka kiheri kyelirova; mu vole, Yahova u tungiye mutumekiri wewe Yakobo

Isaya 51:4

Mu hulire inze, mwinye avandu vange; mu tegidze amatu ku inze, mwinye avehiri yange: kigira lilaga li la twula ku inze, na nda kola likalaga lyange li hindiranga li gwe ubulavu bwavandu.

Isaya 52:10

Yahova u vimbuye mukono gwigwe mutakatifu imbiri wetsimoni tsyetsihiri tsyosi; na tsindulu tsyosi tsyelirova tsi la lola ubuhonnyi bwa Nyasaye wetu.

Isaya 55:5

Henza, ive u la langa ihiri ya u ta manya; kandi ihiri ya vula kumanya ive, i la nyagulira ku ive, kigira Yahova Nyasaye wowo, kandi kigira uyu Mutakatifu wa Israeli; kigira u kuminyi ive.

Isaya 56:8

Yahova Nyasaye wa vungidza halala yavo avatebwa va Israeli, a vola, Halala na yaga nda vungidza avandu kuye, ukuvita yavo aveve va vungidzwa.

Isaya 60:3

Na tsihiri tsing'ano netsing'ano tsi ladza ku bulavu bubwo, navami va ladza ku bung'ering'anu bwelikya lilyo.

Isaya 62:11

Henza, Yahova u landidzi kuduka ku kiheri kyelirova, U volere mukana wa Zioni, Henza, lihonywa yilyo lidza nga; henza, a veye na madanyi gege, nelitunga lilye li veye imbiri wewe.

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Mika 5:3

Kigira yaga a la va leka, kuduka inyinga yelivula lya uyu u lumangwa: inyinga yeyo ava tigala vavamwavo veve va lirana ku avana va Israeli.

Zekaria 6:13

yee, uyu a lombaka litempeli lya Yahova; kandi naye a la ginga ubukumi, na a likala nokwameha ku intebe yeye yobwami; na a la va musalisi ku intebe yeye; na livola lyemirembe li la va hagati havo vombi.

Zekaria 8:22

Yee, avandu vanyingi na vetsihiri vetsingulu va ladza kwenya Yahova wa mahe mu Yerusalemi, nokusaala tsimbabasi tsya Yahova.

Luka 2:32

Ubulavu bwokuvuulira Tsihiri, Kandi ubukumi bwavandu vovo Israeli.

Vikolwa 13:47

Kigira Mwami ya ku laga ndiyo, na a vola, Mmali kukuvika u ve ubulavu bwe Tsihiri, U ve nobuhonnyi kuduka ku kiheri kyelirova.

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

Vikolwa 26:23

kuli ga dukira Kristo a saliridzwe, kandi kuli mwene a la tanga kusimugukidzwa mu vakudzi, nokwilwadza ubulavu ku vandu noku Tsihiri.