Isaya 49:4 - KITABU KITAKATIFU

⁴ Navutswa inze nda vola, Nda nyankana vutswa ku miyinzi, nda tumekira tsingulu tsyange vutswa, bugira kukonya kindu; halala na yaga likalagirwa lyange li veye ku Yahova, litungwa lyange li veye ku Nyasaye wange.

Isaya 49:4 ပူးပေါင်းရင်းမြစ်များ

1 Avami 19:10

Naye ya tivula, Nda li nelikendeka ligali kigi ra Yahova, Nyasaye wa mahe; kigira avana va Israeli va leki amalago gogo, nokutsoma hasi ubwali bubwo, navaprofeti vovo viitwa nekivavi: na inze, ntigaye inze tsyeng'ine; navo venyanga mwoyo gwange va duke kugutwulidza.

Tsing'ano 29:26

Avanyingi venyanga ubulahi ku uyu wamehanga; Navutswa likalagirwa lyomundu li twula ku Yahova

Isaya 25:1

Yahova, ive u veye Nyasaye wange; nda ku kuminya, ndidzominya lieta lilyo; kigira wa kola vindu vyokugenya, vi veye makuva gogo ga kale, mu busuuvirifu nomu geligali.

Isaya 35:4

Mu volere ava veye nomwoyo gwobutii, Mu ve avagulu, mu ta tia mba: henza, Nyasaye wenyu a ladza nekisalya, halala ne litunga lya Nyasaye; a ladza kumuhonya.

Isaya 40:10

Henza, Mwami Nyasaye a ladza kuli Wanyala, na mukono gwigwe gu leyamehira mwene: Henza, madanyi gege a veye nago halala, na litunga lilye li veye imbiri wewe.

Isaya 40:27

Kigira ki, O Yakobo, u vola, na ive Israeli u vola, Inzira yange i viswa ku Yahova, nelikalaga lya ndukana nalyo lya vita kutwula ku Nyasaye wange?

Isaya 57:21

Si ha veye nemirembe ku avadamano, Nyasaye wange a vola.

Isaya 59:18

Kuli likola lyavo, ni ndiyo a la tunga, ubululu ku yavo ava hing'ana naye, litunga ku avasigu veve; visulu a la vi tunga litungwa.

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Isaya 62:11

Henza, Yahova u landidzi kuduka ku kiheri kyelirova, U volere mukana wa Zioni, Henza, lihonywa yilyo lidza nga; henza, a veye na madanyi gege, nelitunga lilye li veye imbiri wewe.

Isaya 65:2

Nda nyira mukono gwange mbasu bei ku ve baali, ava gendanga ku inzira i ta li indahi, kulonda tsiganagani tsyavo avene;

Isaya 65:23

Si va la kola miyinzi gya vutswa, kandi si va livulira kivi; kigira va veye kisukululwi kya uyu wa gasidzwa wa Yahova, na lwivulu lwavo halala navo.

Ezekieli 3:19

Navutswa nu u va nu u gerehidza mudamano, naye na a vula kweganira nokuleka budamano bwibwe, kinga na a vula kuleka inzira yeye indamano, a la kudzira mu budamano bwibwe; navutswa ive u mali kuhonnya mwoyo gugwo.

Kyavalevi 26:20

na tsingulu tsyenyu tsi la gota vutswa; kigira kivala kyenyu si ki lama limedeka lyakyo, na misala gyekivala si gyi lama makuyu gagyo.

Matayo 17:17

Yesu ya tivula na a vola, Likula li ta li nelisuuvira nelyokuhinga, nda va na mwinye kuduka inyinga ki? Nda mu vererera kuduka inyinga ki? Mu mu lete hano ku inze.

Matayo 23:37

O Yerusalemi, Yerusalemi, lidala liita avaprofeti, nokulasa magina avatumwa kulyo Kuduka tsinyinga hali kanga ni nyenya kuvungidza avana vovo kuli inyavuli i vungidza viminyo vyayo mu mwetsimbaha tsyayo, navutswa mwambakana

Luka 24:26

Si bu li bulahi Kristo a saliridzwe vindu yivi vyosi nokwingira mu bukumi bwibwe?

Yohana 1:11

Yadza kuvyo vivye, navo aveve si va mu bugirira mba.

Varumi 10:21

Navutswa ku Vaisraeli a vola, Mbasu pei nda nyira makono gange ku vandu va vula kuhulira navahangali.

2 Vakorintho 12:15

Na inze nda salannya vyange kandi inze mwene nda salannywa nobuyanzi bwosi kigira livamwoyo lyenyu. Ni mba ni mu yanza kuvita, ngehidzeywi liyanzwa?

2 Vakorintho 2:15

Kigira ku veye muhomo mulahi gwa Kristo ku Nyasaye, mu yava ava honyanngwa nomu va divanga;

Vagalatia 4:11

Mbeye nobutii ku mwinye, gase ku vyosi mmu nyankanira vutswa.

Vafilipi 2:16

ni mu lang'aminya likuva lyelivamwoyo; inze nduke kunyola kya nzidzominyira mu lidiku lya Kristo, kigira si nda nyagula vutswa kandi si nda yinzira vutswa.

Vahebraina 12:2

ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.