Isaya 49:3 - KITABU KITAKATIFU

³ na ya mbolera, Ive u veye mutumekiri wange; Israeli, nda kuminyirwa ku ive.

Isaya 49:3 ပူးပေါင်းရင်းမြစ်များ

Isaya 41:8

Navutswa ive, Israeli, mutumekiri wange, Yakobo wa ntovoye kisukululwi kya Abrahamu mulina wange,

Isaya 42:1

Henza, mutumwa wange, wa ndiranga; mutovole wange, womwoyo gwange gu sangalira muye: nda vika kuye Roho wange; naye a la letera Avetsihiri likalaga.

Isaya 43:21

avandu va ndelombera inze mwe ne, va duke kulandidza lidzominywa lyange.

Isaya 44:23

Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.

Isaya 50:10

Ni bwaha hagati henyu u tidzanga Yahova, na u huliranga mwoyo gwomutumekiri wewe? Uyu a gendanga mkisundi, na si a veye nobulavu, a suuvire ku lieta lya Yahova nokwidira ku Nyasaye wewe.

Isaya 52:13

Henza, mutumekiri wange a la kola nobugeeri, a la kuminywa nokugingwa igulu, a la va igulu ligali.

Isaya 53:10

Navutswa ga yanzidza Yahova kumukuya; ya mu vereridza: lwa u kola mwoyo gwigwe kuva kyokusayasayira ubwoni, a la lola kisukululwi kikye, a la meda madiku gege, na ga Yahova a yanza ga la gasidzwa mmukono gwigwe.

Kyavalevi 10:3

Hene yaho Musa ya volera Haruni, Yiyi ni inkuva ya Yahova ya vola, na a vola, Nda takaswa mu yava avisunda himbi ku inze, na nda kuminywa imbiri wa avandu vosi. Na Haruni ya kiring'ana.

Zekaria 3:8

Hulira kalunu, O Joshua musalisi mu nene, ive na avakyo avikala imbiri wowo; kigira va li avandu ava li kyokumanyira: kigira, henza, nda leta mutumekiri wange u langwa Kisibu.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Yohana 12:28

Dada, kuminya lieta lilyo. Kunangwa mwoyo gwa twula migulu, gu vola, Nda mala kulikuminya, na nda li kuminya kandi.

Yohana 15:8

Ku yikyo Dada wange a kuminyangwa, mwame makuyu manyingi; na mwinye mu la va avegidzwi vange.

Yohana 17:1

Yesu ya vola yaga, na a digulukidza tsimoni tsitsye igulu, na a vola, Dada, isaa i mali kuduka u kuminye Mwana wowo, Mwana a duke kukuminya ive:

Yohana 17:4

Mmali kukukuminya mu lirova; kandi mmali miyinzi gya wa mpa kukola.

Vafeso 1:6

kuduka ku lidzominya lyobukumi bwetsimbabasi tsitsye, tsya ya ku kululira mu Muyanze

2 Vatesalonike 1:10

inyinga a lidza kwidzominywa mu vatakatifu veve, nokugenyerwa mu yavo ava suuvira, mu lidiku yilyo (kigira lilolekidza lyetu ku mwinye lya bugirirwa).

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya: